15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
تشتري جاهز ارخص لك لان تطبيق المكينة يكلف كامل مع كل القطع والمكيف 19 الفالمشاركة الأصلية كتبت بواسطة CAR’S
19 الف + نفرض موترك جاب 20 = 39 الف
تشتري جاهز انا محصل واحد نظيف 28
المكينة ممتازه وعملية وافضل من مكينة الوكالة بكثير
ببساطه قوتها قريبة للربع التويوتا
وفي الاخير اقول لك جرب موتر عليه لكزس افضل من السؤال
مكشاتي متواصل
ج1- من ناحية الخرابات .. انا شخصياً ماشفت منها اي خلاف .. وحسب استطلاعي للاشخاص اللي مركبين هالمكينة .. محد اشتكى منها .
ج2- كامله مكمله توصل للـ 19 الف .. مع التكييف وكل شي
ج3- مستواها جميل جداً .. وتقدر تقارنها مع الفتك , وانا شخصياً قايم على فتك 2002 قومه وخط وموتري صالون .. لكن لو بتقارنها مع ال اس 1 .. ال اس 1 اقوى .. لكن ال اس 1 تبي واحد 24 ساعه بالصناعيه ^_^ ..
ج4- يعتمد هالشي على نظافة موترك .. ان كانه نظيف ركبها انت وريح بالك , بتجلس تدور ويجوعك راسك عشان تطيح على نظيف .. ويمكن تطيح على نظيف وراعيه مغتر بالموتر
ج5- راح ادور لك بعض الكباتنه .. لي رجعه لك
مكشاتي متواصل
اسد نجد .. احب اقولك مافيه ربع نظيف وعليه مكينة بـ 28
يمكن انك طايح لك على واحد ..
لكن انا لي 6 شهور ادور موتر والحمد لله شريت واحد .. وكل اللي شفتهم ماينزل قيمته عن 40 النظيف
لقيت واحد حاده راعيه بـ 30 رحت وشفته .. يبيله كارونه اماميه والموتر اقل ما يقال عنه كسره .. البدي يهتز مع كل جهه ..
مكشاتي متواصل
أنشهد اني طحتلي على ناس نشاما وكفو
تسلم يمناكم ي الربع
لاكن انا عندي موتر ثاني غير الباترول , موتر صغير
وانا ابي الباترول يكون حق مقاومات ومراقا فقط
عشان كذا تهمني قوة الموتر وااجد يعني الموتر موب استخدام لمشواير , وسفر الا ناادراَ
يعني 19 الف اللي بدفعها , بيعدل شي غير المكينة , مثلا يركب فلتر بواجي هدرز , ولا بس مكينة ومكيف ودبل !!
وهل صحيح ان المكينة حوالي 210 حصان فققط ! , بصراحة إذا كانت تسذا ف ما ينفع ولا بريال مقاوم مانيب مقاوم غير مواتر كسر 6 سلندر ! يعني كنت حاط في بالي اني انتف الدوج والكوابرس 8 سلندر !
وبالنسبة للمراقى , مثلا ام احزم , يرقاها عداال , مثل باقي المرهمات , ولا يبيلك تشد من بيتكم !
وأعذروني ع الاطالة , واللي يخبر مرهم لكزس نظيف وبحدود 28 الف مثل ماقال الرجال , اكون له شااكر
وبإنتظار ارقام ومواقع الكراجات اللي تطبق ...
مكشاتي متقدم
ابشرك موجود الى الان واحد محدود 28 الف
والثاني محدود 33 وكل واحد انظف من الثاني
واذا تبي واحد منهم عطني خبر وادلك على الموتر
مكشاتي متقدم
المقاومات حده فزه بس
مواتر 4 سلندر بتطلع عليهم كلهم
الفورد والماركيز تطلع عليهم
لكن كوابرس ودواج شل من راسك
ام حزم مستحيل تطلعها الا من عند مشد ربوع التويوتا
لكن مرقى المرهمات صعبة جدا
والمكينة حدود 240 حصان
واذا تبي الموتر اللى 28 الف راسني على الخاص وترى لونه كحلي وفضي
مكشاتي برونزي
تبي مقآوم وسرعـه عندك الامريكي ..
امآ اللكزس حقت رجآل راعي مقانيص ومكآشيت وسفريآت
امآ مكينة اللكزس 2000 لاجاء عليهآ كمبيوتر هالتك وبرمجـه وبواجي ريآضيه وهدرز وفلتر وكت بآك وانتيك فآيبر ممتآز صدقني راح تدعس بالألس ون
بالنسبـه للأحصنـه عندك اللكزس من 97 الى 95 240 حصآن
امآ اللكزس من 98 الى 2000 فهي 290 حصآن يعني فرق بينهآ وبين الجيل القديم 50 حصآن
على العموم كآن تبي مقاومات شفلك موتر مخفف كآمل وركبله الس ون والله يعينك على الورش يبيلك تحط صرآفـه ورى ضهرك تمشي
و من بغى الدح مآيقول اح
مكشاتي متواصل
طيب اللي ب 28 مرهم عليه شي غير المكينة .؟ ولا مكينة ومكيف ودبل بس !
انا رجال مايهمني البودي , جايه جمب ولا منقلب , الزبدة اني ابي بطططن موتر جبار
مكشاتي متواصل
مكينة 2000 سمعت محد يطبقها عندنا ,
إذا عندك علم عن تكاليفها هل هي مثل 97 او على بشوي , والزبدة من يشتغل فيها هنا !
وال اس 1 محصل قد شعر راسي , ولاهب غاليه لاكن انا دوبي ودوب الخرابات
وانا ماقلت ابي اكون افضل واحد , كان كلامي ابي شي حدود المعقول , موب مرهم اخرتها يجيني بزر معه ربع مركب هدرز وفلتر يطقطق علي
مكشاتي متقدم
ترى الكزس بارده وهذي مشكلتها
هو كان عندي مشكله ورحت لبو يارا وصلح كذا شيء
الاتماس الي كان عندي ورفع الدعسة من عند الثروتل < السلك
كلها شد صامولتين
عندي استفسار عندي العلبه فيها مشكله ( الطارة اذا كنت اديور تعلق شوي )
وفيها صوت وقروشة شوي الطائر يقول بـ 500 ريال
هل اذا صلحتها تنحل المشكله ولا لا لانها مسببه ازمه الصراحه
مكشاتي متقدم
مثلها مثل الربع هدرز فلتر
يعني بتمشي مع ربوع فتكات هايلوكسات
وميزتها انك تبتل تكرف فيها وما يضرها مشاء الله عليها
حتى الحرارة اذا مرة مرة وصلت الخط الثاني او تتعداه شوي
الى اذا عندك مشكله في موترك والكزس اشوفها انسب مكينه استخدام يومي هي والفكسار
مكشاتي متواصل
واللهي مقدر أقول شي ..
ان كان عندك صور للمواتر ورنا
مكشاتي متواصل
انا ملاحظ ان هالطائر يصلحها بحول القيمه .. حتى اخونا روح البداوه مصلحها بـ 600 ويمدح الموتر عقب ماصلحه . . ودلني عليه
تحمست الصراحه .. بس عندي استفسار انا بعد .. هل هم يصلحونها ولا يبدلونها ولا وش القصه ؟
انا خوفي يبدلونها بقطعه مجدده .. لانها تنباع هالقطعه بـ 450 ولا احد مدحها ابد .. كل ماشاورت واحد قال ترا عمرها قصير
مكشاتي متواصل
الفكسار حلوه .. لكن ياخي محد يمدحها
سألت اكثر من واحد قالوا لي ان اعطالها اكثر شي كهرب ولو خبط الموتر رح شف بكم تشليح
وحاصلن لي واحد لكن ما حرصت عليه من كلام العالم
مكشاتي متقدم
عليها هدرز وفلتر
معروف اكثر محركات الكزس هدرز وفلتر فقط
وبعض الناس يركب لها بواجي رياضية
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس