رابطة ملاك باترول مكينة (لكزس)

[RW7..ALBDAWA]

صح لسانك ياروح البداوة على هالمعلومات

صح بدنـــــــــــــك يالذيب

[ابو شجاع]

..؟؟؟؟؟؟؟

مكينة من 95 الى 97 وحدهـ ولأ يفرق شي ..

شكله الشخص اللي قآلك يبي يركب شكلـه ضيع بين مكينة الـ 97 والـ 98

الـ 98 تجي كويلأت عكس مكينة الـ 97 طبعاً القوهـ للكويلأت

مكينة الـ 98 تجي سكورتي , ومفتآحهآ معهآ هالشي مآيعرف يضبطـه الا اهل الامارات يعزلونـه

والنشآط لصآلح الـ 98 لأن قوت احصنتهآ 290 حصآن عكس الـ 97 250 حصآن فرق 40 حصآن

كفو وماقصرت على التوضيح

[اسد نجد]

حي الله الشباب
توني اعرف ان موجود رابطة

الزبده انا من اهل الرياض وودنا بتجمع لااصحاب الباترول محرك لكزس

[ابو شجاع]

حي الله الشباب
توني اعرف ان موجود رابطة

الزبده انا من اهل الرياض وودنا بتجمع لااصحاب الباترول محرك لكزس

حياك الله فى الرابطة

[مرسال1]

السلام عليكم

يا أخوان

أحد يخبر لي باترول ربع على مكينة لكزس ؟؟

المكان الرياض

يراسلني على الخاص رجاءّ

[صياد المزارع]

السلام عليكم ورحمة الله وبركاته. اخيرا لقيت رابط لملاك الباترول مكينة لكزس وانا اعتبروني مستجد معكم لاني دخلت باترول ربع للورشة في الرياض امس وناوي اطبق المكينه ولا ركبتها الا بعد ما استفسرت وسالت وبحثت ايجابيات وسلبيات ولاننسى انها في الاخير ياباني وان شاء الله بعطيكم كل جديد يصير معي السؤال الي عندي ابي شخص صاحب مقانيص وطرد معه باترول عليها مكينة اللكزس ابي اساله كيف السياره معك كيف عزمها اذا طلبتها وكيف فزتها واستخدامها بشكل عام وبشكل خاص في الهدد والقنص وسلامتكم واشكرك يابوشجاع على هذا الرابط

[باترول 88]

مبرووك افتتاح الرااابطه
معب باترول مكينه لكززس 2000

[مرسال1]

من يجد ضالتي

ابي باترول ربع مكينة لكزس

اللي يخبر يعلمنا رجاء

[ابوراشد2020]

السلام عليكم
اخواني انامعي باترول مكينه لكزس مركبهامن9شهورعندابويارا ماشاءالله اداءحلوفي الخط وفي البرحتى صرفيه البنزين كويسه بس فيه مشكله عندي مافيه احد حلها.الفحمه حقت الكلتش غيرتها مرتين ولاصلحت انااذامسكت خط اخلي القيربل رابع فتره طويله وتخرب بعدها على طول .غيرتهامره عندواحدفي الصناعيه القديمه والثانيه عندسليمان الخطيب ونفس المشكله موجوده .اذافيه احد صارتله المشكله هذي يفيدني فيها.

[العسلي2011]

الله يعطيكم العافيه
والله انا خبط موتري باترول بابين ولا ابي اوضب ناوي على الكزس
ابغى احد في الرياض يرهم افيدوني الله يعطيكم العافيه وكم تكلف
اخوي صياد المزارع وين الورشه اللي سيارتك فيها عطنا خبرتك

[ابو شجاع]

السلام عليكم ورحمة الله وبركاته. اخيرا لقيت رابط لملاك الباترول مكينة لكزس وانا اعتبروني مستجد معكم لاني دخلت باترول ربع للورشة في الرياض امس وناوي اطبق المكينه ولا ركبتها الا بعد ما استفسرت وسالت وبحثت ايجابيات وسلبيات ولاننسى انها في الاخير ياباني وان شاء الله بعطيكم كل جديد يصير معي السؤال الي عندي ابي شخص صاحب مقانيص وطرد معه باترول عليها مكينة اللكزس ابي اساله كيف السياره معك كيف عزمها اذا طلبتها وكيف فزتها واستخدامها بشكل عام وبشكل خاص في الهدد والقنص وسلامتكم واشكرك يابوشجاع على هذا الرابط

وعليكم السلام ورحمة الله وبركاتة:
ان شاءالله يفيدونك اهل المقانيص وخاصة اهل الطيور ليتهم يفيدونا
لاشكر على واجب

[ابو شجاع]

الله يعطيكم العافيه
والله انا خبط موتري باترول بابين ولا ابي اوضب ناوي على الكزس
ابغى احد في الرياض يرهم افيدوني الله يعطيكم العافيه وكم تكلف
اخوي صياد المزارع وين الورشه اللي سيارتك فيها عطنا خبرتك

الله يعافيك اخوى العسلي 2011 موجود فى الرياض ورشتين او ثلاث ولك الاختيار

وجميع الورش متساوين فى الشغل لاكن القيمة تفرق بشي بسيط وبعض الامور التي ليس لها اهمية فى المكينة من فلتر هواء وقزوز كل ورشة لها صنف او نوع معين

لك رسالة على الخاص يالعسلي2011

[الحر النداوي1]

حبيت استفسر فيه احد ركب بالامارات لاني بخاطري اركب ورحت شفت اسعارهم صراحه فرق واجد بس مدري عن شغلهم ياليت الي عنده خلفيه يفيدنا باسم كراج

[باترول 88]

السلام عليكم
اخواني انامعي باترول مكينه لكزس مركبهامن9شهورعندابويارا ماشاءالله اداءحلوفي الخط وفي البرحتى صرفيه البنزين كويسه بس فيه مشكله عندي مافيه احد حلها.الفحمه حقت الكلتش غيرتها مرتين ولاصلحت انااذامسكت خط اخلي القيربل رابع فتره طويله وتخرب بعدها على طول .غيرتهامره عندواحدفي الصناعيه القديمه والثانيه عندسليمان الخطيب ونفس المشكله موجوده .اذافيه احد صارتله المشكله هذي يفيدني فيها.

نفس مشكلتي
اذا الفحمه تصفر الليت تخرب
عندك البليته (التحويله ) تكون عرضها 2 سم ف تكون الفحمه قريبه من الكلتش
الحل هو تركيب بليته 3 سانتي
انصحك ترجع للي ركبلك المكينه وخله يركبلك بلييته

[باترول 88]

حبيت استفسر فيه احد ركب بالامارات لاني بخاطري اركب ورحت شفت اسعارهم صراحه فرق واجد بس مدري عن شغلهم ياليت الي عنده خلفيه يفيدنا باسم كراج

انا ركبت بالامارات
بس تحتاج الى وااحد فااهم للترهيم ولا رااح تخسر اكثر من انك تركبها هنا