رابطة ملاك باترول مكينة (لكزس)

[ابو شجاع]

انا ركبت بالامارات
بس تحتاج الى وااحد فااهم للترهيم ولا رااح تخسر اكثر من انك تركبها هنا

كلامك صحيح واللي شفته فى كل المواتر اللي ركبو فى الامارات ان كراسي المكينة نازله بحيث ان المكينة تكون قريبة للدفرنس يعني اي مطب لو داخل الديرة راح تدق المكينة فى الدفرنس

[الحر النداوي1]

طيب وشوركم علي عند مين اركب بالامارات

[عصاقيل الدخله]

اخواني راح اضيف معلومه بالنسبه لتركيب مكينه الكزس
بحكم خبرتي البسيطه واحد الزملاء عنده ورشه بالقصيم وهو مشهور بتركيب مكينه الكزس واستفدت منه الكثير ،،، لا انصح بتركيب المكينه على كراسي البلد واغلب اللي يركبون بالامارات مو كلهم " عشان محد يقول اني اسوي دعايه "يجون عنده بالورشه ويتم اعادة تجليس المكينه بسبب ميلان المكينه او بعدها عن الداير وهذه يسبب مشاكل ياحره يا ضعف بعزم الموتر وغيره وكذلك كمر القير يحطون فيه بليته صغيره وهذا غلط

التجليس بالامارات لازم يكون عندك خبره لو بسيطه وتخليه يشتغل على كيفك ولا يجلسها على كراسي البلد والقطع انت اشترها من الشارقه احسن لك المكينه والقطع لانهم يركبون قطع مستعمله الكرتير والدزق والكلتش فحمه

واي استفسار انا حاضر واللي بيسير علينا بالورشه بالقصيم الله يحييه

[ابو شجاع]

اخواني راح اضيف معلومه بالنسبه لتركيب مكينه الكزس

بحكم خبرتي البسيطه واحد الزملاء عنده ورشه بالقصيم وهو مشهور بتركيب مكينه الكزس واستفدت منه الكثير ،،، لا انصح بتركيب المكينه على كراسي البلد واغلب اللي يركبون بالامارات مو كلهم " عشان محد يقول اني اسوي دعايه "يجون عنده بالورشه ويتم اعادة تجليس المكينه بسبب ميلان المكينه او بعدها عن الداير وهذه يسبب مشاكل ياحره يا ضعف بعزم الموتر وغيره وكذلك كمر القير يحطون فيه بليته صغيره وهذا غلط

التجليس بالامارات لازم يكون عندك خبره لو بسيطه وتخليه يشتغل على كيفك ولا يجلسها على كراسي البلد والقطع انت اشترها من الشارقه احسن لك المكينه والقطع لانهم يركبون قطع مستعمله الكرتير والدزق والكلتش فحمه

واي استفسار انا حاضر واللي بيسير علينا بالورشه بالقصيم الله يحييه

مشكور اخوي عصاقيل الدخله

وليتك تفيدنا عن قيمة اعادة التجليس وملحقاتها
لو باقل سعر تقريبي
علشان يحسبون حسابهم الشباب ويكون عندهم علم

[Saud 2002]

بالتـــــــــوفيق

[أبوخالد501]

السلام عليكم يآشباب انا عندي استفسار انا ناوي على ربع مرهم ان شاء الله بس وش رايكم وش افضل لترهيم مديل 97 وتحت ولا 98 الى 2001 وش الفروق بين المكاين وكم توصل اسعارها وكم يكلف تركيب وشغل يد والخرابيط ذي وش افضل اسويها انا بنفسي ولا اطق لي واحد جاهز ابرك ومعليش على كثر الاستفسار :$

[الحر النداوي1]

98 تفرق معك بالعزم حوالي اربعين حصان
بالنسبه للتركيب بالسعوديه غالي حوالي ١٦ الف
وبالامارات ب7 الاف درهم هذي مكينة ٩٧
وب9 الاف مكينة 98
بس الشباب مايمدحون تركيبهم
ولان انا جالس ادور كراج بالامارات ناوي اركب عندهم لان ربعنا مبالغين بسعرهم

[عصاقيل الدخله]

مشكور اخوي عصاقيل الدخله

وليتك تفيدنا عن قيمة اعادة التجليس وملحقاتها
لو باقل سعر تقريبي

علشان يحسبون حسابهم الشباب ويكون عندهم علم

هلا بك اخوي ابو شجاع والشباب كلهم
اعادة التجليس بالنسبه لورشة خوينا تقريبا من 3500 الى 4000 على حسب شغلها الاول لانها بتكون للمكينه والقير لازم مع بعض
الملحقات على السريع / كرتير 3 قطع مع حذاف فكسار98
ودزق جي اكس 97
وكلتش فتك
هذي سعرها اصلي تقريبا 3500 يمقن تزود ويمقن تنقص

[أبوخالد501]

98 تفرق معك بالعزم حوالي اربعين حصان
بالنسبه للتركيب بالسعوديه غالي حوالي ١٦ الف
وبالامارات ب7 الاف درهم هذي مكينة ٩٧
وب9 الاف مكينة 98
بس الشباب مايمدحون تركيبهم
ولان انا جالس ادور كراج بالامارات ناوي اركب عندهم لان ربعنا مبالغين بسعرهم

مشكور اخوي معليش بثقل عليك :$
موديل 98 يفرق بزيادة ولا نقص 40 حصان ..؟ وبنسبة لفلوس التركيب ادفع فلوس اضمن شغل 20 موتر فيها قبلي ولا اروح انكب بالامارات ويحوسن الشغله وهي فرق كم الف .. ولو فيه كراج شغله نظيفه وسعره معقول ياليت يا شباب يطرحه لنا اي واحد واكون شاكر له

[ابو شجاع]

مشكور اخوي معليش بثقل عليك :$

موديل 98 يفرق بزيادة ولا نقص 40 حصان ..؟ وبنسبة لفلوس التركيب ادفع فلوس اضمن شغل 20 موتر فيها قبلي ولا اروح انكب بالامارات ويحوسن الشغله وهي فرق كم الف .. ولو فيه كراج شغله نظيفه وسعره معقول ياليت يا شباب يطرحه لنا اي واحد واكون شاكر له

حياك الله اخوي أبوخالد1
بالنسبة لموديل 98 وطالع تفرق بالزيادة لعدد الاحصنة
وعموما بعد تقييم اسعار التركيب فى الامارات ارتفعت اسعارهم بعد ماكانت ب(7الى9)الآف ريال اصبحت
من (11الى13)الف ريال والضمان عندهم تشغيل الموتر والتجربة فى الامارات بعدها الله يستر عليك
واطول مدة ضمان حصلتها عندهم بعد الطقاق (اسبوع)

عموما اذا حسبناها كالتالي
نقول التركيب فى الامارات تدفع اقل شي (8الآف) لتركيب المكينة وشغاله كل امورها من مكيف وكمبيوتر وفرز ضفيرة والى اخره.......
احسب مصروف (السكن)
احسب مصروف الاكل والروحة والجية بتكاسي
وغيرة من المصروفات
بتكون وصلت تقريبا لقيمة التركيب فى السعودية وفوق هذة كلة ماعليها ضمان ولابد من تجليس صحيح للمكينة لان تجليسهم غير صحيح ولو واجهت اي مشكلة بترجع للامارات بتصير ثقيلة عليك توديها بسطحة ولا كيف
كل الورش اللي مريتها فى الرياض وغيرها حصلت عندهم من اللي ركبو فى الامارات اقل ورشة سيارتين
يعني كنك (يابوزيد ماغزيت)
الا اذا كنت فاهم ميكانيكيا وعارف طريقة التجليس وفرز
راح تفرق معك اذا وافقو لك بالطريقة اللي ترغب لانهم يصلحون بأقل تكلفه لهم

انـــا بالنسبة لى ادفع فرق كم الف واشتري راحت بالي من ضمان واصلاح
وفائدة لعيال ديرتي
وجهة نظر لاتفسد للود قضية

[أبوخالد501]

حياك الله اخوي أبوخالد1

بالنسبة لموديل 98 وطالع تفرق بالزيادة لعدد الاحصنة
وعموما بعد تقييم اسعار التركيب فى الامارات ارتفعت اسعارهم بعد ماكانت ب(7الى9)الآف ريال اصبحت
من (11الى13)الف ريال والضمان عندهم تشغيل الموتر والتجربة فى الامارات بعدها الله يستر عليك
واطول مدة ضمان حصلتها عندهم بعد الطقاق (اسبوع)

عموما اذا حسبناها كالتالي
نقول التركيب فى الامارات تدفع اقل شي (8الآف) لتركيب المكينة وشغاله كل امورها من مكيف وكمبيوتر وفرز ضفيرة والى اخره.......
احسب مصروف (السكن)
احسب مصروف الاكل والروحة والجية بتكاسي
وغيرة من المصروفات
بتكون وصلت تقريبا لقيمة التركيب فى السعودية وفوق هذة كلة ماعليها ضمان ولابد من تجليس صحيح للمكينة لان تجليسهم غير صحيح ولو واجهت اي مشكلة بترجع للامارات بتصير ثقيلة عليك توديها بسطحة ولا كيف
كل الورش اللي مريتها فى الرياض وغيرها حصلت عندهم من اللي ركبو فى الامارات اقل ورشة سيارتين
يعني كنك (يابوزيد ماغزيت)
الا اذا كنت فاهم ميكانيكيا وعارف طريقة التجليس وفرز
راح تفرق معك اذا وافقو لك بالطريقة اللي ترغب لانهم يصلحون بأقل تكلفه لهم

انـــا بالنسبة لى ادفع فرق كم الف واشتري راحت بالي من ضمان واصلاح
وفائدة لعيال ديرتي

وجهة نظر لاتفسد للود قضية

الله مير يسلمك رد وافي وثلجت به صدري وان شاء الله اول مانزبط الموتر بالرياض بنوجه الصمان سويه واطلق كشته

[باترول 88]

بالنسبه للامارات
يحتاج واحد فااهم بالترهيم لان اذا شافوك سعوودي بيلعبون عليك لانهم يعرفون اذا طلعت من عنده ماراح ترجع له
بالنسبه للسعر الامارات ارخص ولاكن الشغل النظيف والكراجات المعروفه بالامارات يخذون عليك نفس الي عندنا

الضمان انا اخذت ضمان على المكيينه شهر كامل

بس انا عندي وجه نظر
مكينه الفيكس ار ممتازه جدا جدا وفيها تووررك قوي وعزمها جبار بعكس مكينه اللكزس الي ماتعترف بالتورك يعني تشغل الدبل يروح نص العزم
وتكلفتها 18الى 20 الف بالامارات عند كراجات معرووفه
الصراحه انا انصح فيها اكثر احصنه وتروك من مكينه الكزس

[ابو شجاع]

الله مير يسلمك رد وافي وثلجت به صدري وان شاء الله اول مانزبط الموتر بالرياض بنوجه الصمان سويه واطلق كشته

امين ويسلمك
واذا احتجت اي شي عندك الرابطة وان كان بغيت ورشة فى الرياض ابشر بللي يدلك على واحد

الله من كشتة وكشتة بتصير
الله يجيب الخير ويرزق البلاد والعباد

[ابو شجاع]

بالنسبه للامارات
يحتاج واحد فااهم بالترهيم لان اذا شافوك سعوودي بيلعبون عليك لانهم يعرفون اذا طلعت من عنده ماراح ترجع له
بالنسبه للسعر الامارات ارخص ولاكن الشغل النظيف والكراجات المعروفه بالامارات يخذون عليك نفس الي عندنا

الضمان انا اخذت ضمان على المكيينه شهر كامل

بس انا عندي وجه نظر
مكينه الفيكس ار ممتازه جدا جدا وفيها تووررك قوي وعزمها جبار بعكس مكينه اللكزس الي ماتعترف بالتورك يعني تشغل الدبل يروح نص العزم
وتكلفتها 18الى 20 الف بالامارات عند كراجات معرووفه
الصراحه انا انصح فيها اكثر احصنه وتروك من مكينه الكزس

وجهة نظرك نحترمها لاكن رابطتنا عن مكينة اللكزس وليس الاندكروزروبالنسبة للتورك فى مكينة اللكزس اراه ممتاااااااااااز جدا مقارنة بمكينة الوكالة(4200)ولايوجد اي مقارنة بينهم

[الحر النداوي1]

ابو شجاع ياليت توصف لي الورشه الي بالرياض ويركب مكينة ٩٨
عسى شغلهم نظيف ويعطي ضمان