اسعار الاكسبديشن تاجير مع الوعد بالتمليك

[a1393]

السلام عليكم ورحمة الله وبركاته اما بعد

اخواني ممكن احد يفيدنا في الاتي
1- سعر الاكسبديشن 2012 م استاندر تاجير منتهي بالتمليك
2- سعر الاكسبديشن 2012 م الفئة الثانية تاجير منتهي بالتمليك
3- سعر الاكسبديشن 2012 م الفئة الاعلى ( اللمتد ) تاجير منتهي بالتمليك
4- الفرق بينهم
5- ايهم تنصحوني به
علما بانني سوف ادفع لهم دفعة من 30000 ريال الى 60000 ريال من اجل تخفيف القسط الشهري

[أنصر نبيك]

لاتشتريه بدون دبل

[جامعي]

اذا الفئه الثانيه فيها
كاميرا خلفيه
وباب الشنطه يطلع بالريموت
والقزازه تبع مقاعد الصف الثالث تفتح
والمكيف لمس
فتوكل على الله

ولا تنسى الاستخاره

[e3lanat]

وعليكم السلام ورحمة الله وبركاته

اخي الكريم
انصحك بالابتعاد عن الشراء بطريقة القسط المنتهي بالتمليلك لان اللجنة الدائمة للبحوث العلمية افتت بحرمته
واقل ما يقال به انه شبهة وقد امرنا الابتعاد عن الشبهات
ولديك بديل شرعي وهو الشراء بنظام الاقساط
حتى يبارك الله لك في مالك

وان اردت تفصيل المسألة يمكنك الدخول لهذا الرابط

http://www.saaid.net/fatwa/f29.htm

واتمنى لم التوفيق مقدما

[سعدالقحطاني]

يالغالي
اذا قيمت السياره 135000 الفئه الثانيه
ودفعت لهم 40000 الباقي من قيمة السياره هو 95000
هذي معادلة حسابهم :
95000/100 =950 تقسم المبلغ على مائه
950*8=7600 الثمانيه ( نسبه الشركه )هذي اقل نسبه مرت علي قبل ثلاثه اشهر
7600*4=30400 ( الفائده ) في اربع سنوات وكل ما زادت السنوات زاده الفائده والعكس صحيح
نسبة التأمين انت الذي تدفعها وهي تقريبا 22000 على اربع سنين
الفائده + التامين = 52400
اي بمعنى اخر الفائده هي 50% تقريبا
المبلغ كامل =125400
وهناك دفعه اخيره كحد ادنا 16000
المبلغ المتبقي اقساط هو = 109400
مبلغ الاقصاط الشهري هو = 2279.16
( المهم )
واذا عندك 60 الف على كلامك تدين لك 20000 الف واشتر لك مستخدم مديل 2008 او 2009
واترك عنك الايجار المنتهي بالتمليك لان السياره مؤمنه ولا سمح الله صار عليك حادث والله يكفينا واياكم شر الحوادث وصارت السياره تالفه وباقي عليك ولو شهرين تروح اقصادك كلها تاجير والله يعوض عليك
لان الشركه المقصده لك بتاخذ قيمت السياره من الشركه المؤمن لديها والشركه تاخذ السياره منك وتصلحها وتبيعها وانت للاسف مستاجر لا يحق لك فيها اي شي رغم انك انت من دفع مبلغ التامين
هذي كل ما لدي
تقبل تحياتي

[الصيدلاني]

الاخ إعلانات كلامك صحيح لكن انا موظف قطاع خاص ولا شركه تعطيني أقساط وش اسوي......!!!!

يا تأجير من الوكاله او أخذ قرض بفوائد من البنك وأشتري للسياره كاش....!!!!


والمحصله واحده. ......


Sent from my iPad using Tapatalk HD

[m3ax]

غلطان يالطيب

لو تاخذ قرض من البنك وتشتريها كاش بتكون نسبة الارباح قليلة جدا مقارنة بارباح الوكالة في للتاجير المنتهيبالتمليك

غير كذا تقدر بأي وقت تبيع السياره لأنها بتكون باسمك بينما التاجير ما تقدر تبيعها لين تسدد للوكالة كل هلله عليك

انصحك بالقرض واشترها كاش واذكر البنك الفرنسي كلمتهم مره استفسر كم يعطوني قرض وقالوا لي 135 الف ريال واسددها تقريباً 150 الف ريال يعني فائده 15 الف او حولها يا بلاش والله

[أبوأسامه...]

يعطيك العافيه علبى التحليل


وكلامك صحيح هذا احد اقاربي مطلع كامري فل ودافع لهم 7500 بس دفعه أولى
وصدم نخله ونقسمت نصين وسلم مجاه شي لئنه ماربط حزام الامان (كل ي مقدر من العزيز الحكيم)

منشركةالمتحده قالو له انت دافع 7500 دفعه أولى نعطيك الدفعه الي دفعتها بس وناخذ السياره ولانطلبك بشي قال الاقساط الي دافع لي سنتين قالو انت مستأجرها والدفعه الي أخذناها نعطيك ايها المهم اخذ فلوسه وكملها بقرض وشرى الانترا 2011كاش وارتاح

[عبدالله آل]

اخي العزيز
اسئل مجرب ابعد ابعد ابعد عن التأجير المنتهي بالتمليك .. حتى الي الله ستر عليهم ونسئل الله لنا ولكم الستر وانتهت الأقساط وملكو السيارة إلى ان هناك عدتة اسباب تخليك تبعد عن هذا النوع من الشراء :-
- انت تشتري السيارة على انها تأجير ونسبة الأرباح الي ياخذونها كبيرة جداً !!! ليش ؟؟؟
- مقابل نسبة الأرباح العاليه من المفترض انهم يتولون عملية الصيانه.. وانت من المفترض بس تقود السيارة حسب التفاق وتكون امين عليها طول مدة التأجير .
- اسمه تأجير ليش انا الي التحمل صيانة السيارة .
- ليش انا الي اغير الكفرات على حسابي .
- ليش انا الي اغير الزيت على حسابي .
- ليش انا الي اسوي لها صيانه في الوكالة على حسابي .
- لماذا انا ادفع مبلغ من المال إجباراً عند اي حادث اصتدام مع العلم اني دافع قيمة التأمين شامل وعلي .
- لماذا لماذا لماذالماذالماذالماذالماذالماذالماذالماذا.. ولاكن لاحياة لمن تنادي
مهم / إذا اخذت سيارة من مكاتب تأجير السيارات فقط تدفع اجار اليوم الي تستخدمها فيه وناس كثير ياخذون سيارات من مكاتب التأجير لعددة اشهر ولا علية تغير كفرات ولازيت ولا صيانه وإذا خربت وقفها في اي مكان وقل لهم سيارتكم في المكان الفلاني طافية جو وخذوها
لااااااااااااااااااااااااااااااا تاخذ شي منتهي بالتمليك لأنه ماهو على اسمة تأجير
تكفى يااااااااااا اخي خذ لك قرض من البنك واشتر كاش افظل كثييييييييييييييييييييير

[لسان الحقيقة]

ياخي ما يبيلها مطوع
طلع لك قرض من البنك واشترها من التوكيلات كاش وتسجل باسمك
وبكذا الفائدة تطلع عليك بسيطة