ياهل النيسان السفاري والباترول ابي الفزعه؟؟؟

[سفوات]

السلام عليكم ورحمه الله وبركاته

ياشباب انا عندي نيسان جيب سفاري موديل 98 المشكله ياشباب اني اذا عشقت الدبل وجيت افصله ما يفصل الا اذا عشقت رييوس وريوست حاجه بسيطه طفت اللمبه وفصل الدبل تكفووووون شوفولي حل انا ماوديته مكانيكي ابي استفسر اول شي وبعدين اسويهاا لا اني اخاف تعلق علي في البر واكل هوا بعدين اذا ماريوست مافيه امل يفصل لاني مشيت اكثر من نصف كيلو مايفصل

[ابو عاذر]

أخي العزيز لاتحتار الوضع عادي ليس هنالك مشكلة والجيوب هذا طبيعي فيها أن ما فصل الدبل عند تقديمه فإنه يفصل عند الرجوع للخلف وكلا الامرين يفي بالغرض ،،،،،،،،،،،،،،،،،،،، وتعظيم سلام للجيوب دبل عصا ( قير ) لأنها نادر ماتعلق أما الجيوب دبل زر كهرب فالله يعين أصحابها على مشاكل تعليق الدبل والتغاريز !!!!!!!!؟؟؟؟؟؟؟؟؟؟

[ابو مرهش]

السلام عليكم

انا كان عندي نفس هالموديل من السفاري والدعوه عاديه بس لما تجي تفصل الدبل لاتوقف وقوف تام خل السياره شوي تدحدر وفصله بسرعه وعادي تطفى اللمبه بس اذا كنت واقف وفصلته بعض الاحيان يحتاج تعطيه شوي ريوس وهذا الشي طبيعي والسياره مافيها اي خلل

[sameer_1798]

ياأخوي هذا طبيعي
إما أنك ترجع ريوس أو تلف الدركسون لليمين أو اليسار للآخر .....

[ابوالجازي]

السلام عليكم
اول شي ياسفوات تأكد من حجم الكفرات الخلفيه والاماميه لازم تكوت مثل بعض ولا اختلفت دورت الكفرات ويعض ولا يفصل الا اذا رجهت شوي ريوس
اما اذا كانت الكفرات حجمها واحد فما ادري وش المشكله

[ابو سلمان]

طبيعي جدا .......

[سعد@]

عادي جميع سيارات الدفع الرباعي كذا

[سفوات]

مشكووووووووووووووووووورين
ويعطيكم الف عافيه
تحـــــــــــــياتي

[باترول 4×4]

إن شاء الله مافيه شيئ
وإذا كنت تبي تأكد من سلامة الدبل عشق الثقيل في في الزفلت بعيد عن المطاب وامش شوي ولف الكفر اذا كان كل شيئ طبيعي فالحمد لله لكن اذا كان فيه رجة ولا حنة ولا طقطقة فالدبل يبغى له شغل .

[ساري15]

عااااااااااااااااااااااااااادي

ما فيه اشكال .... ومثل ماقال الاخوان ... دوس الكلتش اذا كان قير عادي ... وافصله وانت تمشي وغمض عينك عن اللميه

وراح يفصل من كيفه ... لاتهتم .. الامر طبيعي ....

والله يستر على الجميع

[شبح الصحراء]

عادي جداً أنا معاي هايلوكس 2005 دبل ما يفصل الجير إلا وانا ماشي وأحياناً لازم أريوس وهذا مكتوب في الكاتلوج .

[سفوات]

باترول
وساري
وشبح الصحراء
ومشكوريين ويعطيكم العافيه