شاهين نادر ولا وكري ...

[قناص2000]

هذا وكري ومعروف باليوتيوب من زمان

[خالدد العطاوي]

وكررررري مافيها كلام. طييييبة

[راعي الونه]

السلام عليكم ورحمة الله وبركاته
.
.
انا اختلف على الطير الطير مو وكري

الطير شاهين وامه شيهانه وابوه شاهين

وصاحب الطير الصقار وتاجر نوادر الطيور

بالعراق اسعد الشبلي والرجال ماهو غشيم

ولا ابن اليوم بالصقاره ولا ابن امس الرجال

صقارته وراثه وما يجني الا النادر وانا اعرفه

وكل صقاقير العراق تعرفه واما بالنسبه للرأس

لونه كاشف التفسير له انه نادر والذيل كذالك

اللي حاب يقتنع بكيفه واللي ماحاب بعد بكيفه

يا اخوان. وترا ما خاش هواش هههههه بس

داخل افسر الفيديو والتصوير قديم على فكره

تحياتي لكم جميع وسلامتكم

[الفارع]

اوافق راعي الونه الطير شاهين

[راكان1000]

الطير شاهين 100%
الشواهين البحريه ثلاث انواع
1 - الاسود : ويقولون ان سودهم اسودهم 2 - الحمر : ويقولون ايضا ان حمرهم صيودهم 3 - الابيض : ويقولون هنا ان بيضهم شرودهم والطير من الشواهين البيض
وسلامتكم

[كلي فخامه]

وكري مايبغاله كلام

[النااااااادر]

يالرربع انا عندي ملاحظه بخصوص الطير

الاغلب قال انه وكري وبعض الاخوان قال انه فرخ وكري

طيب ارضية الطير كفوف الطير لونها اصفر هل فرخ الوكري يجي لون كفوف الطير اصفر ؟؟

وهل الطير فرخ ولا قرناس

ان كان فرخ العلم عند الله انه شاهين
وان كان قرناس الله اعلم انه وكريه


فالكم الجنه

[راعي - عديم]

فرخ وكري

ولايعرق بالشاهين

[بو عزه]

وكري و قرناس هوا بعد و اشرط على ذالك
في فروخ تجيك كفوفها صفر و تجيك مخوضره والطير ما فيها جدل وكري

[برق المغيب]

صحيح يابو عزه أوافقك الرأي فروخ الوكارى تجي كفوفها صفر ... ترى كان عندي فرخ وكري من طيور السودان لاشفته تقول مثلوث مزيون بالحيل راسه كاشف وريشته شعلا ونفس ريشة هالوكري ....

[النـادر]

هذي وكارى المغرب والجزاير مايجينا منها الا القرانيس اما الفروخ قليله اللي تجينا

[تميم2222]

ما شالله وكريه

[النااااااادر]

يالربع لاحظومدامع هالطير

ماهي مدامع شاهين

مدامع الشاهين يجيك صوادها قوي

وفي ناس مصره على انها شاهين نادر

[وكري الشمال]

افادوك الاخوان

[ابوفراس نواف]

يازين هدده علي لارانب وتقبلو مروري بصدر رحب وفالكم الصيد