بناء ملحق من طين _(مشب طيني) صور

[بنادول]

السلام عليكم
الله يبارك لكم بهالملحق
اخوي الله لا يهينك ممكن ترسلي رقم المقاول الي مزين لك هالملحق
a_k_582@hotmail.com

[فهد البواردي]

ما شاء الله بارك الله

مشكور اخوي على الصور

[الشقردي911]

والله كلام كثير
الله يعطيك العافية

[لورد حريملاء]

مشالله تبارك الله اهييك على هالمسات الرايقه واقول هاذي لمسات فنان وبتوفيق

[الودعانيه]

ماااااااشااااء الله كيف روعه
حييييييل يجنن

الله يهنيك فيه يارب

والله ماغير اقول حق ابوي يسوي لنا مثله

صح ماراح اجلس به لانه بيصر للرجال بس مررررررررره نايس

تسلم على مشاركتك لنا مجلسك

[الوافي2006]

اخي العزيز الحقيقه شي رائع0 انا عندي مساحه جيده فضاء وعندي الرغبه من زمان عمل ملحق من الطين الخالص بدون استخدام الاسمنت0 لذلك امل تزويدي بالعماله التي تعمل ذلك ولك تحياتي

[هدير الموج]

ذوقك راقي يا ابو عزيز ماشاء الله شغل مرتب خمس نجوم

الله يبارك لك ويهنيك

كل عام وانت بخير

[هوى الشرق]

ما شاء الله تبارك الله
مكلف واجد الله يهنيك
مهندس مبدععععع

[crash.mad]

ما شاء الله على البركة إن شاء الله

[الوهاج]

ماشاء الله تبارك الله
ابداع

[YaQot]

انا حبيت اساعد بعض الشباب بس لاني والله رحمتهم
وعطفت عليهم وربي لا اكثر ولا اقل
الي حاط ايميله والي يسئل والي الي الخ ......


واقولهم ياشباب ترى فيه هناك محلات\متخصصه في تصميم وبناء هالاشياء الي هي جلسات وملاحق شعبيه او تراثيه الخ...
وابي واقولكم عنها وين تحصولنها وابي اوصفها لكم ووين موقعها بالضبط

وعادي ومو مشكله

خلوني ا سوي اعلان ودعايه للمحلات

المهم ترى هالمحلات على فكره في الرياض
بسم الله نبدا
واعذورني اذا ماعرفت اوصف زين

المحل الاول
اسمه الديوانيه النجديه
الموقع:

طريق أبو بكر الصديق (حي النزهه)
الوصف:
امسك طريق الدائري الشمالي الين مايجيك مخرج ابو بكر الصديق اطلع معه وبعدين امش تبي تجيك اشاره تعدها تجيك اشاره ثانيه برضوه تعدها وبعد تجيك اشاره ثلاثه الي هي تقاطع طريق الملك عبدالله ابد خذ يوتيرن يعني ديور و ادخل مع الخدمه وامش تقريبا 300 او 400 الين ماتحصله موقعه قبل صيدلية اطلس



المحل الثاني
اسمه والله مدري ناسيه

الموقع
طريق العروبه (حي الورود)
الوصف:
امسك طريق الملك عبدالعزيز وخلك في الخدمه وامش الين ماتجيك اشارة حقت محل اكسترا للكترونيات ابد لف معاها يمين وامش الين ماتجيك اشاره حقت تقاطع العروبه مع شارع المهندس عبدالله العنقري ديور معاها وامش وامش الين ماتلاقاه طبعا موقعه قبل بنده

تبون محلات ثانيه بعد؟ ولا
ترى باقي تقريبا محلين زياده وبس
ها وش قلتم؟

عالموم انا في انتظاركم

لكم مني اجمل تحيه

[جغرافي2000]

يعطيك العافيه ابو عزوز

[ملاحق السيول]

ماشاء الله تبارك الله

[الرررااايق]

الله يعطيك العافيه

انا ودي اسوي ملحق لكني من سكان الخرج
فاذا فيه احد يخبر عمالة كويسين او يجون من الرياض
والي عنده ارقام عمال الله لا يهينه يرسلها لي

ولكم جزيل الشكر

[S a M i 1]

يالربع تكفون احد يعطينا ارقام ناس تشتغل هالمجالس

دورت في الرياض مالقيت الا محلين و كلهم اسعارهم ناااااااار لأبعد درجة