بناء ملحق من طين _(مشب طيني) صور

[مراسل ضرية]

ماشاء الله تبارك الله

هذا والله الشغل المضبوط

ياليت نعرف المتخصصين ببناء الطين واللي يعرف لايبخل علينا

[عيسى عبد الله]

مبدع دايم الاهنت
ع النقل

[ابو النادر]

ماشاء الله تبارك الرحمن
ابداع ربي يهنيك فيه

[طنب مصدي]

روووووووووووووووووووعة ما شاء الله

انا عندي ملحق طين صحححححححححح شعبي

وهذي صورته

السلام عليكم.. هذي فقــَّاسة بيض الله يسلمك..

وراس ذا الأفغاني ما شاء الله ماخذن ربع الملحق..

أمزح معك وأنا خوك أمزح.. هههه.. بس والله يا تمزعت مصراني من الضحك يوم شفتك حاط ذا الملحق وغاصبه إلا يجي في الحوش الله يقطع بليس..
لا تفكر إن عندي ملحق.. لا والله ما عندي.. ولا عندي حتى ربع ذا الملحق الله يهنيك فيه.. بس الله يسلمك أبي أستفسر عن شيء ((وإلي يعرف لا يبخل علينا بالمعلومة الله يجزاكم خير )) هل أقدر أخلي الملحق كامل ( والكامل وجهه ) من الطين بدون بلك.. يعني مثل بيوت الطين أول طين وبس.. وإذا أقدر.. كم تكلفة بيت الطين.. بيت طين خالص مثل ما قلت أول بدون بلك.. والمساحة تقريباً 4×5

ملاحظة:
أكثر ما عجبني في ملحقك الثيل إلي زارعه قدامه.. والله يا معطي الملحق منظر.. وهذي الله لا يعوق بشر أبسويها مثلك إن الله رزقنا بالدريهمات وسوينا الفكرة والملحق إن شاء الله.. بس الملاحظة إلي أبقولها لك.. الثيل يبيله ماء بشكل يومي الله يعينك.. ويومنك ساقي ساقي.. ما ناقصك في ذا الثيل إلا تحط وتزرع كم شتلة ريحانه.. وفل.. وياسمين بلدي.. أو شجرة وحدة ياسمين هندي.. تراها حليوه والشجرة مهيب كبيرة.. تعتبر شجيرة.. وجذورها ما تظر البيت والأساسات.. وبيطلع الملحق والحوش كله يعطعط من ذا الروايح الزينه..

والمعذرة على الإطالة.. والله يجزاكم خير على الموضوع..

[jgjc]

مشاء الله

بصراحة صور روعة

مشكور والله يجزاك خير

[فتى التويم]

السلام عليكم يا مكشاتية

العلم سلامتكم أنا ناوي إن شاء الله أحط تعديلات بالمجلس من ضمنها وضع مشب النار لكن المشكلة أن المجلس في الدور الثاني سؤالي فتحة التهوية كيف يكون وضعها طبعا الوجار بيكون في وسط المجلس والبيت ملك (بيت الوالد الله يحفظه)

أبي مشورتكم في هذا الموضوع ولا تبخلون علينا الله يجزاكم عنا خير

فيه اكثر من حل

الاول: انك تخليه مشب حديد تصير تفتح فتحه في الجدار ثم يركب له حلق يرفع المدخنه لفوق

الثاني: ان كانك تقول لا ابيه وجار ببلك احمر فأنك تبنيه جوا الغرفه مع المدخنه وتفتح فتحه في الجدار تصير فوق في الجدار مقاربه للسقف ثم تحط حلق حديد يرفع لك مدخنه صاج للسطح(قبل لا تركب الحلق لاتنسى تركب المروحه بالاول ثم تحط الحلق وتليصه بإسمنت عشان مايسرب دخان وان خربت المدخنه امرها سهل بإذن الله


هذا اللي عندي والشباب ان شاء الله فيهم الخير

[لحظةوداع]

ماشاء الله تبارك الله
الله يبارك فيه وتجتمعون فيه على طاعة الله

[فتى الوادي]

ما شاء الله ..
ممكن رقم البناء على الخاص او على البريد amotaib@hotmail.com

شكرا لكم .

[super benelli]

ماشاء الله تبارك الله

100%

[الحبر الاحمر]

بصراحة تحفة بس من وين اجد الطين في جدة

[سواق العايدي]

الاخ حنيني الله يوفقك ابي رقم الرجال اللي يسوي هالشغلات ومشكور جداً

[أبوفهد الشمري]

شباب هل فيه احد يسوي كذا بالشرقيه ؟؟؟

[بوخليفه77]

بصراحه جميل بمعنا الكلمه
تحياتي

[عيون2009]

ما شاء الله تبارك الله إبداع
لو توضح مكان الحطب وين وضعته إذا تكرمت وشكرا

[mohd26]

على فكرة بيوت الطين افضل من الاسمنت بكثير وبالذات لمعيشة الانسان في داخل هذه البيوت
لان البيوت الاسمنتيه من بلاويها السرطان ولكن الله عزوجل يرحمنا حيث اننا نصبغها
اما الطين فالانسان مخلوق منه
وكذلك مزايا الطين بارد صيفا دافئ شتاء وقدرة الله في بيوت الطين انها تعمر اكثر من الكتل الاسمنتيه