الفزعة يارجال مكشات سرقة سيارتي

[عليمي2000]

الفزعة يا رجال مكشات
اخواني الكرام
السلام عليكم ورحمة الله وبركاته
لقد سرقت سيارتي
مواصفاتها كالتالي : جيب ابيض باترول ربع موديل 86 م رقم اللوحة ل د ق 611 استبنه علاقي مع وجود جيك بالخلف وترى توي شاريها ماكملت اسبوع سرقت من عند الباب بعد الفجر ويوم طلعت الساعة 8 الصبح مالقيتها وقد ابلغت شرطة الملز بالسرقة في حينه .
يمكن يشوفها بعضكم هنا والا هناك ويعطيني خبر
وجزاكم الله خير
رقم الجوال للاتصال 0556424421ابوطلال

[المخيال]

لاياشيخ
لاحول ولا قوة الا بالله
الله يردها لك سالمة
جزاك الله خير

[ابرق العزاف]

الله يعقلها عليك وان شفتها ابشر

بس ياليت ذكرت المنطقه اللى سرقت فيها
تحياتى

[ولد شقرا]

اللهم انت رب هذه الضاله اجمعه وضالته

[المربد]

الله يخلف عليك
ويعوضك خير منها

[الضاري]

لاحول ولا قوة الا بالله

يالله صباح خير

الله لايوفق ولا يرزق اللي سرق السياره

يا ناس لعنبوهم ما يتوبون ويخافون من الله

سرقة السيارة عندهم شربة ماء

أعوذ بالله من هالناس اللي لادين ولا ضمير ولاحياء لا من الله ولا من الناس

أعوذ بالله من الشيطان

يالله ياكريم ترد السيارة لصاحبها يارب العالمين

[أبوسالم2006]

الله الله بالدعاء وترى الحلال مايضيع

[عليمي2000]

السلام عليكم ورحمة الله وبركاته

اخواني الكرام ( ولد شقرا - الضاري - أبو سالم ) شكرا وجزاكم الله خيرا .

[صقر]

الله يردها لك سليمة

والله ان السرقة تقهر ... لأنك ما تقدر تسوي أي شيء ... وماعليك الا الانتظار والدعاء.

[فيـ27ـروخ]

الله يرده لك سالمه ويعوضك خير منها

أخــــوك
(فيـ27ـروخ)(ابوفهد)

[عليمي2000]

السلام عليكم ورحمة الله وبركاته

شكرا اخواني الكرام ( مشرفنا صقر و فيـ27ـروخ )
وجزاكم الله خيرا والحمد لله على قضاءه وقدره ومن شاف مصيبة غيره تهون مصيبة وانا سيارتي ماهي اغلى من سيارات كثيرة تعرضت للسرقة ولكن شاء الله وماشاء فعل ولا راد لقضاءه ،
الي حيرني سرعة السرقة حيث ماكملت اسبوع من شرائها يعني ما امداني اطلع عليها الا مشوارين للغرابي والصناعية لغرض تجهيزها ببعض المستلزمات والصيانه .

[المتهادي]

الله يعقلها عليك

انت تقول موديلها 86 ولا انا غلطان؟؟؟

[عبدالرحمن العمر]

اللهم انت رب هذه الضاله اجمعه وضالته ...

[عليمي2000]

السلام عليكم ورحمة الله وبركاته

شكرا لكم اخواني الكرام ( المتهادي والغاطي ) وجزاكم الله خيرا الجزاء على مواساتكم لي
اخي المتهادي نعم الموديل 86 م قديمة شوي بس زينة .

[المتهادي]

86 ولا 46 هذي حلالك ومن حقك انك تزعل عليها .....

لو ضاعت 50 ريال من جيبك ضاق صدرك ....وبديت تدور وتدور الين تلقاها ..

والمال عديل الروح ......الله يعقلها ويقر عينك فيها وينتقم من عيال الحــــرا.......