مشروع باثفندر الجيل القديم مكينة لكزس

[هاوي باثفندر]

السلام عليكم

كيفك شباب انشاء الله بخير

انا من عشاق ابو بندر بس كرهني فيه مكينته وكان نفسي بمشروع عليه والحين دخلته عند الكابتن سويدان السويدان مكينة لكزس 400 واخترت الكابتن السويدان بحكم شهرته وخبرته والرجال معروف انه راعي ذمه ونصوح جدا وكلن نصحني فيه وخصوصا بالكهرب فـ شرايكم بالمشروع يستاهل ولا لا طبعا استخدام يومي اذا يستاهل بنزل الصور اول مايطلع انشاء الله ننتظر ارائكم

[يكفيني نظرة]

اللي اعرفه ان مكينة اللكزس تمد بالخط يعني حقت سرعه اما مكينة العزم والقومات مكينة الكابرس LT1 و LS1 ..
الله يسهل امرك..

[هاوي باثفندر]

الباثفندر اخف من الباترول يالغالي بكثير مو شوي والكابرس يتنخاف منه حراره وكهرب اما اللكزس محد اشتكى منه ولو خبطت اشتري وحده 3000 مايضيق صدرك وانا ابيه استخدام يومي وراعي سفريات كثير وانشاء الله اللكزس على خف الباثفندر بتكون ادائه مرضي جدا

[عبدالرحمن السالم]

الله يوفقك بالمشروع اذا ضبطه لك سويدان
هذا رد للكابتن ابو صالح

مشروع كبير وبالتوفيق


لكن هل راح تتحمل الكوارين قوة المكينه ،،، بحكم خبرتي البسيطه لا


لاني كنت ناوي على مكينه لكزس على باث ولا زال براسي الموضوع علشان اقهر بعض الناس وبعد الدراسه والاستشاره كلهم قالو ان الكوارين لن تتحمله التسارع القوي بمكينه الكزس

وهذا رابط الموضوع

http://www.mekshat.com/vb/showthread...86#post8668686

[ب ح ن 13]

الله يوفقك ومشروع تمام التمام خاصة انها استخدام يومي

[السامي2011]

علمنا بالجديد

[هاوي باثفندر]

لا ابشرك الكارونه تتحمل وبالسهوله بعد لأن الباثفندر كارونته كلتشات والدداسن بالشرقيه اعتقد يركبون كارونة باثفندر على مكاين ار بي و تو جي وانا كنت مركبله تيربو قبل بعدين مكينة اللكزس 260 حصان مهنا زود علشان يضر الكارونه بس الخوف من القير

[هاوي باثفندر]

وانشاء الله الاسبوع الجاي بنزله صور

[كايد]

موفق يالغالي
لكن هل القير والدفرنسات تتحمل 8سلندر.

[السامي2011]

يحتمل الدفرنس ما عليك

[هاوي باثفندر]

مكينة اللكزس 260 حصان يعمي اتوقع القير يتحمل باللراحه

اما الدفرنس يتحمل وهو مرتاح ومهنا خوف عليه

بس الله يامر الكابتن السويدان وينجزه لي له شهر ونص للحين مالمسه

[هاوي باثفندر]

المعذره على التأخير المشروع تأخر شوي وجبتلكم بعض الصور



[IMG][/IMG]

باقي الكهرب والمكيف والقزوز

اذا خلص بنزل تسارع انشاء الله دعواتكم

[أبوشريدح]

ما شاء الله تبارك الله

بالتوفيق ان شاء الله

بس بالله لا تنسى تخبرنا بالتكلفة الاجمالية وما هي المشاكل اللي واجهتك
لا ني ناوي ان شاء الله على مكينة في اكس ار
الله يوفقك

[هاوي باثفندر]

ابشر لاخلصت من كل شي بعطيك خبر

[ابومحيميد]

السلام عليكم

كيفك شباب انشاء الله بخير

انا من عشاق ابو بندر بس كرهني فيه مكينته وكان نفسي بمشروع عليه والحين دخلته عند الكابتن سويدان السويدان مكينة لكزس 400 واخترت الكابتن السويدان بحكم شهرته وخبرته والرجال معروف انه راعي ذمه ونصوح جدا وكلن نصحني فيه وخصوصا بالكهرب فـ شرايكم بالمشروع يستاهل ولا لا طبعا استخدام يومي اذا يستاهل بنزل الصور اول مايطلع انشاء الله ننتظر ارائكم

مبروك عليك مشروع الـ 400 مقدما

اهنيك على الاختيار انت ضربت عصافيربحجر

وفرت على نفسك تكلفة ماكينة الباثفندر الغالية مستقبلاً

وبنفس الوقت قوة ونشاط

وجودة ومتانة حسب تجربة الناس مع ماكينة اللكزس

بصراحة المشروع في بالي من زمان خاصة مع مشاكل ماكينة الباثفندر ومنها النقص والحرارة ومسامير الثلاجة وسعرها الغالية

وبخصوص الكوارين اعتقد تتحمل بالراحة

ماكينة اللكزس مهب مثل الـ ls1

بس اللي نبغاه اللحين منك ..

تفاصيل المشروع ..

كم التكلفة الشاملة ؟
هل يحتاج تطعيج البودي ؟
نوع الكلتش والحذاف اللي يركب ؟

بانتظارك ياكابتن ..