مشروع باثفندر الجيل القديم مكينة لكزس

[أبوشريدح]

ايا كان قوة المحرك

فانا اتوقع انه ما ياثر ابدا على الكارونة
دام ان الزيت موجود في الدفرنس

[عبدالرحمن السالم]

ماشاء الله تبارك الله ، سقطت المكينة
الله يعطيك من خيره ويكفيك شرهه ، بس عاد نبي نشوف ادائة زين او لا بعد التسقيط

[هاوي باثفندر]

المكينه صقطت بدون تعويج بالبدي ولا شي بس المراوح مالهن مكان بنحاول نرجع الاديتر شوي

الكلتش رياضي مدري وش اسمه وانتيك وفلتر كي ان

الحذاف اعتقد انه حق 2j اتأكد واعطيكم خبر دعواتكم

الاداء بنزل كم مقطع انشاء الله تسارع وبالنفود

[عصاقيل الدخله]

ما شاء الله تبارك الله ،،، ننتظر التجربه
خل يرتاحون بعض الناس من النقص كل طلعه وهو جايبين كرتون زيت

[عبدالرحمن السالم]

ما شاء الله تبارك الله ،،، ننتظر التجربه


خل يرتاحون بعض الناس من النقص كل طلعه وهو جايبين كرتون زيت

خبوول هذولا لا تشرهه
شرفت ياكابتن

[هاوي باثفندر]

الباثفندر مايعبه النقص اذا كل 3000 كيلو ربع علبه بس يعيبه ان مكينته ماتتحمل الجور تبي واحد يدلعها واذا خبط مكينته غاليه

[هاوي باثفندر]

وميزت الباثفندر ان كوارينه كلتشات يعني شبه مشرك وتتحمل بقوه لاكن الخوف من القير مدري يتحمل ولا لا

[مرسال1]

الله يوفقك في مشروعك

لكن أهم شي ، التجربة وخاصة بالنفود

لزوووووووم تعلمنا عنه بالنفود

[هاوي باثفندر]

ابشركم خلص الموتر له يومين بس بضبطلكم كم صوره ومقطع وانزلها لكم

[شاووش]

الف مبروك يَ اخ هاوي
والله يعطيك خيره ويكفيك شره
وفي انتضار تقريرك على احر من جمر

[هاوي باثفندر]

[هاوي باثفندر]

طبعا هذي بعض الصور اما المقاطع ماصورت لأن الكلتش مايتحمل بركب كلتش وانزلكم مقاطع. ولاتنسون ذكر الله

[شاووش]

ماشاء الله تبارك الله ..
نتمنى من احد المشرفين تصغير الصور
وفي انتظار المقاطع

[راعي البا]

ما شاء الله تبارك الله
في انتظار المقاطع يا كابتن :d

[علومك غانمه]

كم التكاليف بارك الله فيك