ياللي تنام الليل لاتسهر الليل
خل السهر للي جفى النوم عينه
من كثر ما يكتم همومه عن القيل
يغدي بروحه دون يدري بوينه
يسري وتسرح به ركاب الغرابيل
في ما مضى فكره يراجع سنينه
ولامن تصوّر له بوضح الدرابيل
شيّن يبيّن عبرته في ونينه
هوت دموعه هوي رمح المشاكيل
ساعة رمآبه مألتفت في عوينه
ضامن صوآبه عقب عاده وتدهيل
ومن قبل لا يرمي هجوسه فطينه
يا قلب لا تكتم وتقضي بتنكيل
كم واحدٍ قبلك شكى من كنينه
وضّح عسى تصبح وعورك تساهيل
حالٍ مشقّى بك حياته حزينه
العمر مره والسعاده محاصيل
والوقت ما يرحم سيوفه سنينه
ايامنا كفّت وقفّت مراحيل
والقلب باقي ما فرج عن سجينه