يا مل قلباً على الكشتات شفقاني = مشتاق للبر والمقناص والشله
مشتاق للشله اللي شانهم شاني = اللي على منهج الاسلام والمله
كلهم رفاقه ومن ناسي وعرباني = ما فيهم النذل وإلا الخبل والعله
من فوق جيب جديداً صنع ياباني = جاهز مجهز بمطلوب الخلا كله
في ديرة ًكلها هضاب وودياني = ما ياصله غير جيبً والدبل تله
لا جيتها عصير مستانس وطرباني = والليل مقبل وكل شيً طرح ظله
ومديت شوفي ولا طالعت سكاني = ما شفت غير الشجر كاسيته البله
وقررت فيها المبيت ليومنا الثاني = والنار شبتها في مجرد السله
والصبح صحيتهم من قبل الاذاني = ومجهز القرص والبراد والدله
يوم وضح الصبح ودرب اللي مشى باني = كلً مشى بالدرب اللي تسهله
وتباشروا بالغدا ذربين الايماني = وكلً لفى للغدا باللي كتب الله
والله هذا مناي وطب الاحزاني = وعشقي لطرد الولع والله ما مله
15 نوفمبر 2015 - 16:514 نوفمبر 2015 - 21:27
 |
رد مع اقتباس
