وش افضل مراوح كهرب لجيب VX R ثمانيه سرنده 2000 عادي

[الشمروخي]

جزاكم الله خير افضل مراوح وافضل واحد يركب بالرياض والسعر اذا سمحتوا وشكراً

[mekshaat]

يقولون مراوح السوبارو لكن مهندس سعودي أعرفه مركب مراوح جيب اودي
على شيروكي طبعا الفكره جديده يقول أقوى من السوبارو جاب دينمو الاودي
مستعمل ورهمه تكلف الشغله كلها تقريبا 1500ريال عموما يمدحها من ناحية
التبريد وخصوصا مع تشغيل المكيف ومكان ورشته بالرياض.

[كبسولة2]

معلومة مهمة جداً جداً

المراوح الكهربائية سلبياتها :

تستهلك دينمو الكهرباء بسرعة

يعني كل 6 أشهر تركب دينمو جديد وعليك الحساب

غير أنها تضعف الكهرباء في السيارة ويلاحظ في رفع الزجاج

وذبذبة الأنوار وإصفرارها وتقل شرارة الكهرباء للبوجي وتضعف عزم السيارة

بسبب سحب المراوح للكهرب

لاتزال المروحه الميكانيكية أفضل بكثيييييير

من الكهربائية وتستخدم على المحركات العملاقة

مثل الجموس حجم 3500 وحجم 2500 هافي ديوتي لقوتها وكفائتها

وللفائدة انظر الرابط التالي

http://www.mekshat.com/vb/showthread.php?t=493278

[Salamah.y]

يارجال ,, يوم بدآ يبرد الجو الحين
خل موترك على شد بلآده , أفضل لك
ما يمدحون مراوح الكهرب على المحركآت الكبيره
الا اذا حصلت لك شي قوي و مخصص لمكاين ضغط عآلي

,

الله يوفقك بمشروعك
و ننتظر النتايج لو تم @~

[sgl2002]

ماتنفع ابدا ابدا

[ابوسليمان12]

انا اقولك وش اللي صار معي بنفس موترك ركبت سوبارو كبار وكانت تمام لكن يوم جا الصيف تمام ما عدا ان الحرارة من يوم تتعدا السرعة ١٣٠ ترتفع الحرارة الى حول النصف واذا خفظت السرعة ١٢٠ تنزل الحرارة علا الربع وبعد فترة فكيت المراوح وركبت مراوح لومينا ونفس المشكلة تكررت ورجعت المروحة الميكانيكية وبحثت بالنت ولقيت كثير ناس تمدح مراوح اليوكن موديل٢٠٠٧ وطالع واشتريتها من موقع امازون وابشرك الان وصلت عن طريق dhl والتكلفة الاجمالية لمراوح اليوكن مع الشحن تقريبا ١٤٠٠ واي سؤال انا بالخدمة

[turke2545]

ركب مراوح قراند شروكي 8 سرندل وركب بلف جيب ديزل وتشوف الفرق والخف اسال مجرب

[الشمروخي]

انا مركب مركب فرق مهب طبيعي باذن الله واباشوف رايكم بنوع المراوح الزينه بيض الله وجيهكم
وانا مركب عشان صوت ازعاج المروحه ماادور تبريد لان مكينته بارده بلد بس صوته قلق قلق

[الشمروخي]

ماتخبر احد يركب حقت الشروكي وبلف الديزل وبكم

[الشمروخي]

اخوي ابو سليمان لو غيرت البلف انحلت مشكلتك

[يالبى الهلا]

لاتركب المروحه مامن فرق راح تحدث مشاكل انت عن غنى عنها من واقع تجربه خلاها على مبنى الشايب

[مريقب العيفار]

اسمع بارك الله فيك

انا كنت مركب مراوح كهرب على gxr ولا لقيت فرق وفكيتها لانها ماهي مامونة

مرة انقطع سلك الكهرب وبغيت اتورط

الفرق يبين بالسيارات الصغيرة اللي المروحة تحمل على المكينة

اما مثل موترك فالمروحة ما تأثر تأثير بين

نصيحتي لك خل موترك على حاله

[مريقب العيفار]

اسمع بارك الله فيك

انا كنت مركب مراوح كهرب على gxr ولا لقيت فرق وفكيتها لانها ماهي مامونة

مرة انقطع سلك الكهرب وبغيت اتورط

الفرق يبين بالسيارات الصغيرة اللي المروحة تحمل على المكينة

اما مثل موترك فالمروحة ما تأثر تأثير بين

نصيحتي لك خل موترك على حاله

[مجنون عسل]

يا الغالي ممكن معرفة اسباب تركيب المراوح الاضافيه ؟
هل الموتر حرارته تترتفع او ايش السبب ؟

[ماجد ابو فيصل]

افضل مراوح مراوح بلاده وافضل ورشه الضحيان بالنسيم