مشكلة رجة كفرات البالون بالفتك

[المنطلدز]

السلام عليكم
وشو الاخبار

عندي مشكله بسيطة ركب كفرات بالون ماكسس على الفتك وصار به رج على 40 وتروح وتجي والمشكلة رصصت ترصيص عادي ولا راحت

هل له حل الرجه او تبتل معي ؟

[jeep 2001]

على كلام الناس مع الوقت تخف الرجه مع كثرة الاستخدام
ونت رصص ترصيص ارضي وان شاء الله تخف زوود

[المنطلدز]

الله يعطيك العافيه اليوم ابمر وابخليهم يرصصونه ارضي واغدية تروح

[وليد46]

شف اخوي لا تتعب نفسك اذا كانت الجنوط مقاس ١٧ فالرجه لازم تكون فيه لو تسوي الي تسوي

واذا انت ملزم على البالون مالك الا تغير جنوطك لمقاس ١٦.

[ابوسند9]

رصص ارضي
والكفرات الاكثر نسبة رصاص ضعها خلف
والله يكون بعونك من الماكسس رجه وسلخ وكل يومين في بنشر تعبئي هواء

[المنطلدز]

ماقصرتو رحت اليوم ابرصص ارضي قالي ما ارصص للبالون قلت وراه قال صعب او مايظبط

الله يعينن عليهن

[patrol-fa]

الرجة بالبالون طبيعيه ..

إن تسانك بتتحمل لا تشيلها وبتتعود عليها ..

[المنطلدز]

انا ماعندي مشكلة بي خايفن على الموتر لايدمرنه الكفرات

[ابوسند9]

اخوي حدد موقعك وانا ارح ادلك على افضل محلات الترصيص

[المنطلدز]

ابو سند موقعي القصيم - عنيزة

[وجعين]

شف عندنا السنيدي مقابل دوار الهديه ببريده يرصص ليزر اكتروني انا مثلك ورحت له ورصصت الي قدام بخمسين ريال وراحت الرجه