السلام عليكم اخواني
محتاج اشتري مكينتين جديده ومحتار بين ياماها تو ستروك115 وبين ايفنرود اي تيك تو ستروك 130
بوتي ضاعن 29 قدم 9 متر وشوي يعتبر ثقيل وكنت ابغاله ياماها 85 اثنين لكن الكل قالولي قليل عليه وتقصر عمر المكاين كدا ( صحيح الكلام ؟؟ )
الميزات
ياماها ضمان الشركه سنه والسعر طقم مكينتين 67000
يجي معاها الكونرول وخزان بنزين 25 لتر وغير شامل التركيب
ميزات ياماها هيه تيوتا البحر يعني قطع متوفره وصيانه سهله ومعروفه لدى الجميع ما يحتاج احكي عن ميزات هالمكينه وعيوبها فهي معروفه تماما للجميع
لكن الي خلاني اتجنن ميزات ايفنرود
ايفنرود - ميزاتها مره كثيره حصلت ال 130 ب 70000 مكيتنين تو ستروك
ضمان لمده 3 سنوات كامل مع القطع
حسب ما اكدلي الوكيل انه عنده جميع قطع الغيار كامله متوفره وفي اي وقت
اخبرني انه صيانتهم ممتازه وعندهم اكبر ورش في جده و25 فني جاهز يطلع في اي وقت للصيانه
ميزات المكينه اولا انها 130 مقارنه بنفس السعر ياماها 115
الرفاسات ستانستيل ويجي معاها كونترول وجي بي اس ساتلايت انتينا
وعدادات حراره وسرعه وزيت
يعطيني ضمان 5 سنوات على البستم الي يرفع المكاين
وضمان 10 سنوات على بوية المكاين انها ما تصدي وحوامل المكاين ما تصدي وعليها ضمان
يقلي المكينه صحيح هيه تو ستروك لكنها ما تحطلها زيت وبنزين مع بعض
تحط الزيت لوحده في مكان وله مؤشر اذا نقص تزدله واذا انتهى الزيت كليا تعطيك المكينه انذار انه معاك 5 ساعات كامله تمشي بدون زيت بدون اي مشكله عشان ترجع وتحطلها زيت
المكينه الوحيده الي تمشي بعد انتهاء الزيت 5 ساعات بدون زيت .
اخبرني بأن الرفاسات توربينيه تلف عكس بعض ودا يعطيها دفع وقوه اكتر
اخبرني انها 130 تعادل بقوتها 150 من ياماها وانها المكينه رقم 1 في اوربا وامريكا وانها ما يطلعلها صوت عالي بالمره ونهائيا ما تطلع دخان زي الياماها ( صديقه للبيئه )
وزنها خفيف جدا حسب كلامه تزن 136 كيلو المكينه ويشيلوها ثلاث اشخاص
اخبرني ان المكينه معزوله تماما من الداخل ولو نزلت المكينه كامله في الماء ما سترب
واخبرني انها فيها فلتر يطفي المكينه ويعطي انذار في حال تسرب اي ماء للمكينه او للبنزين
كما اخبرني انها منتشره بقوه حاليا لاهتمامه كوكيل بالصيانه والقطع
اخبرني ان راس المكينه في اي نوع مكون من اكتر من 180 قطعه
اما في مكينه ايفنرود فهي مكونه كامله من قطعتين فقط واصلاحها سهل وغير معقد
يا جماعه طولت عليكم لكن الرجال سحرني بقوه بعد ما كنت واثق اني ما حاخد غير ياماها لمعرفه الجميع بها وقوه صيانتها وسهوله قطعها صرت مره محتار
انا محتاج خبراء ترد علي لان عامه الناس والي عندهم ياماها حيقلك ياماها وبس
والي عنده سوزوكي يقول سوزوكي وبس
ترى انا عندي سوزوكي وكل ما احتجت قطعه اروح البلد اصنعها لان الشركه تقلي بعد شهرين تعال عشان غير متوفر وصيانتهم ما يجوني الا بعد شهر من الملاحقه والاتصال
انا محتاج خبراء تقلي ايش اشتري والسبب والميزات والعيوب الي غايبه عني
اسف جدا للاطاله وبأنتظار الخبراء
تحياتي اخواني
15 نوفمبر 2015 - 16:514 نوفمبر 2015 - 21:27
 |
رد مع اقتباس
