الفزعه يا اخوان

[ابوووفهد]

السلام عليكم ورحمه الله وبركاته
ياخوان فزعتكم والله تبهذلت من الورش مابين ورشه ورشه
وكلن يشوتني من عنده
القصه ومافيها
معي جيب باترل 2006 بهذل بصحتي بالحراره كل شي سويته
مع الطريق مافيه حراره واذا وقفت فور على طول ثم قامت الحراره
اغلب الورش يقولون اديتر صيخت الاديتر والمشكله هي المشكله
مانحلت تكفوووووون افيدوني
الله يستر عليكم
والله اني اخر شى ابغاه يخبط حتى افتك من المشكله هذا
لاني مااقدر ابيع وهو على الوضع هذا ماودي اخش فيه احد
دعواتي لكم بتوفيق

[jeep 2001]

غيرت طربنة الماء
غيرت البلف
غيرت كلتش المروحة
؟؟؟
وانا انصحك تروح ورشة باترول الي بالصناعية وتشوف وش يقولك ازين لك

[mekshaat]

المشكله اللي عندك تتعدد أسبابها وان جلست تخمن بتغير
كل القطع اللي لها علاقه بالمشكله وتخسر مبلغ ماله
داعي الحل الصحيح توديها لورشه فاهمين ويشيكون
عليها ويحددون العطل عشان تختصر التكاليف واذا أنت
بالرياض أبشر بوصف لك ورشه شغلهم جيد.

[YUKON_GMC]

دام الموتر مايحتر مع الممشى والسرعه فالمكينه سليمه من هالناحيه وكذلك طرمبة الماء وكذلك الاديتر


تبقى المشكله محصوره بين ( مروحة المكينه ومروحة المكيف ) تأكد انها شغاله مضبوط بفحصها عند اكثر من ميكانيكي

[ls1.5700]

انا مع راي اخويYUKON_GMC
هو اقرب حل للمشكله

[ابو لموره]

كلام أخونا يوكن صحيح..

يالربع المراااااااوح مهمه...

[LOKA]

خذ العلم الاكيد اذا توقف وترتفع الحراره وفي الطريق ما ترتفع فهذي طرمبة الماء والله يسر امرك وتنحل مشكلتك انا حصلتي نفس المشكله والله ماخليت شي ماغيرته وفي الاخير طلع من الليات وكنت عكسك تمام اذا وقفت ما ترتفع الا في الخط وانا ماشي ولحظات وتنزل وقلي صاحب الورشه لو الحراره ترتفع والسياره واقفه فهذا من طرمبة المويه فغيرها وان شاء الله يكون السبب منها وسلامتك

[ابوووفهد]

اخواني اشكرلكم تفاعلكم
الله يعافيكم ويجزاكم بالخير
الله يستر عليكم ويوفقكم لك خير
ان شاء الله افيدكم بالقريب العاجل عن الوضع
تحياتي لكم

[sgl2002]

مشكلتك ماتتعدى المروحه

[جروح الروح]

انا نفس مشكلتك بالضبط
حتى الوكاله ماعرفت تصلح السياره !!

[ابوووفهد]

اخواني الاعزاء مشكلتي ما انحلت غيرت تماتيك المروحه وصارت الحرارة طبيعيه جدا مع الخط ممشاي 170
وعند التوقف يفوّر الماء(يطبخ)
ارجو الإفاده يا اخواني جزاكم الله خير

[ls1.5700]

والله غريبه
اخاف الاديتر فيه مشكله ماصيخوه زين او احد الاهواز الي رايحه للقربه مسكر تاكد منهم
وشيك على دفع طرنبة الماء افتح الاديتر وهو بارد وعبه ماء وراقب حركة الماء وشوف
الماء يقلب يتحرك او لا
وغطاء الاديتر تره يسبب بلااوي غيره اصلي
والله ييسر امرك ويعوض عليك