:: تقريري وتجربتي لتايوتا سكويا ليمتد دفع رباعي بعد 100.000 كلم ::

[كومبو]

يعطيك العافية والتقرير كافي وافي والله يعطيك من خيره

آمين
جزاك الله خيرًا
شكرًا لتواجدك

[كومبو]

بيض الله وجهك ،، كفيت ووفيت يالذيب

جزاك الله خيرًا
شكرًا لتواجدك

[كومبو]

ما شاء الله
تقرير ممتاز
و انا اشوف ان الموتر من افضل المواتر العائليه حالياً
الجمس كثروا فيه الحساسات و الوكيل لك عليه
الفورد يخوف
النيسان وكيل داج

جزاك الله خيرًا
صدقت وهذا اللي فكرت فيه يوم أشتري السكويا
شكرًا لتواجدك

[كومبو]

تم تقييم



وتثبيت الموضوع


بارك الله فيك

بارك الله فيك
وشكرًا لتثبيت الموضوع

[com.الطراعيز]

مشكور الله يعطيك العافية

[كومبو]

ابدعت مشاء الله عليك
انا كنت ضده شكلاً ومضموناً
ولكن مرة شفت له مقطع في اليوتيوب
كان سباق بين الباترول الجديد مع جيب اللكزس
وكانت سرعتهم على 210كم
وشوي يتعداهم سكويا كأنهم واقفين ..؟؟؟
بدأت ابحث عن ها السيارة بصراحه توقعت انه مرهم
ولكن بعد البحث المطول اكتشفت الكثير
الكلام يطول وراح أختصره
بأن والله يشهد الآن أثنين من أنسابي شارين 2 ليمتد 2011
شريانهم بنفس الشهر وكان عليهم طلبيه كبيرة
بعد قيادته اقتنعت به ووالله اني افكر فيه بكل جديه
لي تداخلات
(1)
اكبر عيب فيه
افتراش الكفرات الخلفية خاصه مع السرعات العاليه
والتحميل وهذا يسبب تآكل الاكفرات بطريق سريعه
وتوزيع غير عادل
(2)

جربنا دبله على جميع الطرقات
رائع رائع رائع
واتمنى ان تجرب هذه
عشق الدبل الكبير
اضغط زر في النص عليه علامة X
وجرب ترقى به رصيف مرتفع أو تل او حجر
بحيث تجعله بزاية اقصد تحاول ان يكون على ثلاث كفرات
واتمنى ترد هنا النتيجه
هذا انا توقعته دف لووك
(3)
اتمنى يكون فيه هدروليك
للتحكم بالارتفاع وانا قرأت بأنه موجود
في المواصفات الامريكيه
او فئه أعلى من الليمتد

جزاك الله خيرًا
شكرًا لتواجدك
1- هذا الشيء ميزة لثبات السيارة وعيب لتآكل الكفرات
2- لعلي أجرب إن شاء الله لكن الزر عبارة عن قفل دفرنس وسطي ليس دف لك
3- نعم فيه نوع أعلى فئة من الليمتد اسمه بلاتينيوم
يفرق بتخشيبه / تبريد للمراتب الأمامية / تدفئة للمراتب الخلفية / الكرسي الوسطي منفصل وبينه تكاية / نوع الجلد يختلف عن اللمتد /هيدروليك خلفي / رشاش ماء للأنوار الأمامية / الجنوط لمعتها تختلف
لكن كان يجيبه عبداللطيف بدون دبل

[كومبو]

ماشاء الله تبارك الله
تقرير رائع جدا والله يعطيكم من خير الموتر ويكفيكم شره ماقصرت وفيت وكفيت

عندي بعض الاضافات الفنية على السيارة
وهي ان السيارة مبنية على شاصي ترك (شاحنة) وهذه ميزة للتحميل وايضا القير مصمم لجر المقطورات بوزن 7.5طن لمسافات طويلة وسحب 35 طن لمسافة قصيرة بدون مايتأثر اي شي في المحركات

وبالنسبة لطريقتك اخوي HASSAN فيه حركه حلوة تستفيد من التراكشن وتخليه يشتغل معاك مثل قفل الدفرنس وهي عند التعلق ووجود احد الكفرات بالهواء هي ان تشغل التراكشن (تكون لمباته طافيه) وحرك السيارة في هذه اللحظة كمبيوتر مانع الانزلاق رايح يثبت الكفر المعلق ويحرر الذي في الارض فتتحرك السيارة وكأنك تستخدم الدفلوك للدفرنس بالتمام

تحياتي
ابوحمدان

جزاك الله خيرًا
شكرًا لتواجدك يابوحمدان
7.5 طن ما شاء الله يوم أروح لصلالة كنت أجر تقريبًا 475 كيلو جرام وخايف على القير وكل شوي عيني على حرارة القير >> موسوس
التراكشن ماهضمته أبدًا في كثير من السيارات // مزعج جدًا

[عبدالله الموسي]

تقرير مميز

بارك الله فيك

[ابوريان القحطاني]

مشاء الله تقرير مميز في الحقيقه

اخوي كم قيمة الكفرات المذكوره في التقرير ؟

[شاهين12]

ماشاء الله تبارك الله
الله يعطيك العافيه ،ويبارك لكم في حلالكم .

[مكشاتي الجزيرة]

ماشاء الله تبارك الله
الله يعطيك العافيه ,تقرير عسل

السيكويا يالسيكويا ... من تجربه شخصية ... سيارة درجة اولى ... صراحة ماشاء الله ...موتر..
وحبي لها يزيد ...

السيارة الاولى التي جمعت ( السيارة العائليه + الجيب سيارة البر )

عندي كم سؤال ... الله لايهينك

القطع من وين تشتريها من الوكالة ام من المحلات ...ممكن تعطينا اماكنها ...

[PATHFINDER 4]

تقرير جدا رائع والله يبارك لكم بحلالكم

سؤالي هل فيه فرق بينه وبين الجكسار الجديد من 2008 الى 2012
من ناحية عدد الركاب والمساحة الداخلية بشكل عام (وش الموتر الاوسع من الداخل وهل الفرق كبير)

سألتك لان كان عندنا جمس والموتر معروف واسع ومريح صار عليه حادث الله يعوضنا
وشرينا جكسار مستعمل 2009 V8 لكن في السفر الاهل متضايقين منه ونفكر نرجع للجمس

تنصحنا بالسكويا بدل الجكسار ؟؟ وهل بيكون مثل مساحة الجمس ؟؟

[Aboabdulaziz]

ما شاء الله تبارك الله -

اتوقع لو عمل الوكيل دعايه للاسكويا لن يستطع وصفها كما فعلت

وصف رائع وشيق تسلم -

انا لي تجربه مع السكويا والارماد - بصراحه الارمادا يتفوق - من ناحية السعر ايضا الراحه

مشكلته شكل الارمادا لك عليه ....

متى نفتخر بسياره من صنعنا - عرب ميد - صناعه عربيه هههههه

على فكرة وين غزال او صارت قرد هههههه

اشكرك

[ياسر2006]

بارك الله فيك

[حان الرحيل]

السلام عليكم
مششكور على التقرير والسياره رخيصة مقارنة بنوعها وحجمها ...واتوقع انها سترتفع اذا زاد الطلب عليها
ال2011 اذكر كان عليها عرض من الوكيل الفئة الاقل درجه دبل ب138000 وتاخذ هديه ب15000الف من الاجهزه الالكترونيه اللي عند نفس الوكيل مثل toshiba..philcoوغيرها يعني سعر سياره بهذا الحجم والنوع هو123000 ....واللي بدون دبل تقل ب10000ريال...........
اعتقد انها اوسع من اللكزس ...ولها نفس المكينه وبعض الاشياء الكثيره المشتركه مع توفير 270000ريال........
ارجوا ان نفكر في شراء السيارات لا شراء الماركات ...وخصوصا محدودي الدخل ...
ولن تتغير سواء كنت على بوينق747boeing ولا على kiaكيا ريوreo