ماء من المكيف يصب وسط الغمارة تحت ارجل الراكب هل من حل ؟

[VTC]

المشكلة جدا بسيطة
حلها انك تنظف مجرى اخراج الماء الي في الكبوت وهو عبارة عن فتحة بدون لي وترجع تركب لي على الفتحة وتنزلة على تحت لأن الهوى القوي احيانا يتسبب في ارجاع الماء الخارج من الثلاجة الي تسبب بعامل الرطوبة الى الداخل

[محمد المدني]

مثل ماذكر استاذنا الكريم اصيل حجازي

[ابوس11م]

السلاام عليكم

تبي الحل الاكيد واسال مجرب ولا تسأل طبيب صارت معاي في موتر سفاري 2002 وكان لاصار بالجو رطوبه والتكييف صار عال العال ينزل ماي على رجل السايق . لكن قبل لاكان ينزل بهذلني كان الموتر يطفي من نفسه تدقه سلف مايشتغل وبدلت طرمبته وكنت راجع من البحرين رايح للكويت ووقف بداخل السعوديه شلته بونش وبدل راعي الكراج الطرمبه ومشيت وجيت الكويت وابدعي طيري بلمواح وطفا . الوكاد قعدت اشغله ساعه ساعتين يدق سلف مايشتغل شلته للوكاله ونزلته من السطحه اشتغل . قلت افحصوه كومبيوتر فحص قال تنظيم البنزين مش كويس قلت توني مبدل طرمبه قال بشيك على الكومبيوتر بفتحه انا حاس بشغله فتحته لقاه مغبر لكن في ماي كان نازل عليه مبين اثر الغبار والماي اللي سايل عليه نظفه ورد ركبه وفحصه كومبوتير كل شي اوكي قال هذا فلتر المكيف بدله وبدلته وكل شي اوكي قال الفلتر بدله كل عشرين الف وسلامتك