استفسار بخصوص الاندكروزر

[بدر الشويلعي]

السلام عليكم ورحمة الله وبركاته
اسعد الله صباحكم ومسائكم جميعا

اخواني الي عنده معلومه عن مساعدات الاندكروزر الاماميه وش سالفة الحساس الي فيها
انا رحت لبنشري يكشف على السياره وقال الاربع مساعدات تالفه
قلت بجيبها لك وركبها قال اركب لك الخلفيه اما الاماميه فيها حساسات ما اعرف اركبها لازم الوكاله
وانتم تعرفون الوكاله ومواعيدها وغلاها بالاسعار والصيانه
الي عنده معلومه او اي شي يفكني من الوكاله الله يجزاه خير
السياره جيب موديل 2010 جي اكس ار

[أبو حرب 111]

عندي شوية نقد لك تركب مساعدات عند بنشري وماتدري من وين جايبها
اخوي خذها من الوكاله اصلي ولا من تشليح ابعد عن التجاري
وشوفلك محل مختص باليايات والمساعدات يركبونها لك

[بدر الشويلعي]

انا بشتريها من الوكاله
المشكله بتركيبها
يقول لو تجيبها ما اركب المساعدات الاماميه لان فيها حساسات
انا سؤالي وش فايدة الحساسات الاماميه اذا هي متفقعه ولا بين لي
وهل كلامه صحيح او لا
لاني ما الي اروح للوكاله من غلالها ومواعيدها
انتقادك على العين والراس اخوي
ان شاء الله وضحت مشكلتي لكم

[بدر الشويلعي]

للرفع تكفون

[hamido]

وش دراك انه متفقعه هل نازل زيت منها ولا يهز مع المطاب ....
لاتخلي بنشري يفتيلك

[بدر الشويلعي]

الا الزيت نازل ويطيب ولا منه لقى رمله يذبحني معها ماغير تقص كفراته الي ورى
المساعدات كلها تهرب زيت
المشكله ماهي هذي
المشكله ما لقيت احد يركب الاماميه يقولون حساس لازم الوكاله وانا خابر الوكاله ولعبها
هل فيه حساس امامي بالمساعدات او لا
وكيف الغيه ان امكن لان ما فيه فايده

[ابو فهد...]

ميزان العضيب يركبعا لك

[بدر الشويلعي]

انا من المدينه المنوره مدري هل العضيب حولي او بعيد
والظاهر بركبها عند اي بنشري لو الغي الحساس
الوكاله يقول تعال بعد اسبوع ونسوي لك حجز وعلى حسب الزحمه نخلص سيارتك يعني اطقها اقل شي ثلالثه ايام رجليه
ماعاد فيه حقوق لنا سواء ادارات حكوميه او شركات
ماعاد لنا غير الصمت لا حول ولا قوه الا بالله
لكل من اعان او شاهد جزيل الشكر والعرفان