المشاركة الأصلية كتبت بواسطة سعيد555
بسم الله الرحمن الرحيم
والحمد لله والصلاة والسلام على رسول الله
اليوم كل واحد يعرض فينا مشكلة من مشاكل سيارته او ما شابه
وانا اليوم بعرض شيئ آخر ما ادري اذا اصلا مر عليكم قبل اتشي
لاني صراحة ناوي اشتري سيارة
فالفكرة انه احنا انروح سوق السيارات ونشوف الزين والشين وكلنا نستنا انلاقي واحد يطلب سعر معقول
لكن السؤال الي يطرح نفسه
قبل ما انا اغلب نفسي واروح عالصناعية وافحص اي سيارة بالكراج شو ممكن اسوي
يعني كيف افحصها مبدئي
كيف اعرف اذا القير جيد ولا لأ
كيف اعرف اذا صوت الماكينة طبيعي ولا لأ
كيف اعرف اذا السيارة فيها حرارة ولا لأ
كيف اعرف اذا الماكينة فيها عيب او فيها خراب يعني مثلا هل تشرب زيت او هل تخلط مياه مع الزيت
طبعا في ناس حتقولي افحص بالكراجات وناس حتقول افحص بالكمبيوتر
واكيد ما في حد يشتري سيارة جديدة وما يسوي هالشي
لكن سؤالي او الفكرة يعني اذا ما لقيت ورشة عدل او ورشة ثقة
والسموحة منكم عالاطالة