فيش شاحن الجوال بالباترول

[ملهم2011]

هلا والله بالاخوان

هذي مشكله تمر لجميع الاشخاص بعد فترة، بخصوص تحت الشاحن حق الجوال الي بالسيارة والفتحة الثانية الي حاطينها ولاعة للدخان انا الحين استخدمها اشحن فيها جوالي، وكنت استخدم حق الفتحة الخاصة بالجوال وخرب، والحين الظاهر جاي الدور على فتحت الي للدخان بتخرب لان الشاحن مره يشتغل ومره يطفا.

ودي اعرف كيف اصلح الفتحات وارجع الكهرباء لها مثل اول. وثاني شي كيف احافظ عليها لو صلحتها .

وشكرا

[أصيل حجآ زي]

يأبن النآس :

خلك حذر من شبك شآحن الجوآلات بالولآعة
أو حتى بفيش { بريزة } الخآصة بشحن الجول .
للأسبآب التآلية :

أغلب الشوآحن اللي بالسوق صينية فآشلة
وأذا خليتها مشبوكة بالولآعة أو الشآحن بالسيآرة
تسخن وتحرق السيآرة لا سمح الله .

والسبب أن البريزة لشآحن السيآرة أو الولآعة تخرب بسُرعة
هو من الشآحن اللي أنت تشبُكُه ثـــُم تشبُك به الجوآل .

لا تستخدمهُ الا للضرورة .

وأذا فصل عليك :
فأبحث عن فتيل { فيوز Fuse / مصهــّر }
في عُلبة الفتآيل { فيوزآت Fuses } والمُرحلآت { رلي Relay }
في أكثر السيآرآت الحديثة بها علبتين على الأقل للفتآيل والمُرحلآت
وغآلبآ تكون وآحد يسآر رجل السآئق تحت الطبلون
والأخر بحــُجرة المُحرك تحت غطى المُحرك من جهة السآئق :

بس أن شاء الله أنك ما تدخن
حتى لا أتحمل الأثم معك .
ههههههههههههههههههههههههة

تحصل مكتوب عليه حق ولاعة سقآرة
Cigaret Lighter Fuse

أو مُختصر الكلام مثل CG LTR
مثل المؤشر عليه بغطى العلبة تحت بالسهم الأحمر :

يا مكتوب أسم الفتيل بالغطى أو صورة الولآعة بالغطى :

ونفس الشيء لفيش الشآحن
يمكن تحصل مكتوب عليه
{ سل فون بلق Ce-ghone Plug } .


يجي في العلبة أو غطآها
ملقآط { سحآب } لسحب الفتيل / الفيوز
مثل هؤلائي تحت في الغآلب يا أبيض يا أسود .
أنتبه أحد يسرقُه عليك / خآصة بالورش :


















ويجي عدة فتآيل { فيوزآت } برقم مُعين
بظهر الفتيل /// الرقم هو قوة التيآر اللي يتحملُه
لا تغير بتيآر A أكبر من المكتوب عليه أبدآ .
وألا حرقت السيآرة مُتعمدآ مع سبق الأصــــررررررررررررآر .

[ملهم2011]

شكرا يخوي، لا ما ادخن

بس مرات تحتاج تشحن جوالك في الضرورات.

وشكرا على شغلك .