السلام عليكم
اخواني ابي احد يعلمني طريقة سهلة كيف اطبخ بالقدر المضغوط لاني بصراحة ماعرف لة ياليت احد يعطيني وصفة سهلة مثلا لطبخ حبة دجاج كم مقاس القدر والموية ومقياس ارز والمدة والطريقة وجزاكم الله خير
15 نوفمبر 2015 - 16:514 نوفمبر 2015 - 21:27
 |
| 15 نوفمبر 2015 - 16:514 نوفمبر 2015 - 21:27
|
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
السلام عليكم
اخواني ابي احد يعلمني طريقة سهلة كيف اطبخ بالقدر المضغوط لاني بصراحة ماعرف لة ياليت احد يعطيني وصفة سهلة مثلا لطبخ حبة دجاج كم مقاس القدر والموية ومقياس ارز والمدة والطريقة وجزاكم الله خير
مكشاتي متواصل
وعليكم السلام
جب قدر الضغط مهوب كبير ولا صغير يعني وسط
بعدين تقطيع البصل وتحمسه مع زيت وتقطع الدجاجه
اربع قطع وتشيل جلدها ازين بعدين تنزلها على البصل وتحمسها
وتحط عليها من البهرات وتدق ثلاث فصوص ثوم وتضيفه عليها
وليمون اسود حبتين وثلاث ملاعق صلصه سعوديه وتضيفها
وتضيف ملح وصب مويه على ارتفاع الدجاج وتكتمها بالغطا
الين يتس تس بعدين قصر على الغاز وخله 10 دقايق
بعدين نجي لرز انا اقوس بعلبه الطماطم حط علبه كامله وشوي زياده
وغسلها وانقعها لمده 10 دقايق نجي بعد 10 دقايق فك الطشاش الين يروح البخار
بعدين فك القدر بالهون شف المرقه تحتاج ملح زياده واذا مضبوطه ضيف الرز على مرقه الدجاج
وحط 2 فلفل وا خلطها بالهون واكتمها مره ثانيه وقصر على الغاز على الاخر حتى يستوي الرز
مدة من خمس الى عشره دقايق الين تشم ريحه الرز بعدين افتحه وبالهنا والعافيه
ماشاء الله الربع ما قصرو
وهذي طريقه ايضا وماشي عليها
لكل شخص طريقه معينه الله يوفقك
الطريقه الاولى بالنسبه لي
الرز مع الدجاج يكبس مع بعض وتحط قشك مباشره من ملح وغيره طبعا بعد ماتكشن وتضبط الامور المعروفه
واما مستوى الماء اقل من الرز يعني يصير ربع كمية الرز طالع من الماء وتكتمه الله يحفظك اذا تس خله يتستس سبع دقايق
ثم اقصر عليه لمدة خمس دقايق وبالعافيه عليكم
طريقة اللحم
حط لحيماتك وعلى حسب نوع اللحمه فيه منها الي ياخذ 20 دقيقه وفيها منها الي ياخذ نص ساعه
والناس اذواق منهم الي يبيها لينه مره مايعه ومنهم الي يبيها تنعض شوي
اذا اخترت الي تبي وحسبت له مده عقب التس يعني يستمر في التستسه << حلوه ههه
سواء 20 دقيقه او اي وقت بعد نضوج اللحم تحط رزك وتخليه مع مستوى الماء وان زاد شوي مايخالف
وتكتمه يعني تخليه يتس لمدة 2 الى 3 دقايق بالكثير ثم اقصر عليه لربع ساعه او عشر دقايق ولو حطيت الصاجه الحديده الي توزع الحراره افضل بعد وخله وبالعافيه عليكم
مكشاتي نشيط
لاتطبخ دجاج مقاطعه
مكشاتي متقدم
اهم شي البهارات هي اللي عليه الكلام وانت ونفسك في الطبخ ’’’
’وترا اذا حطيت خضروات مع الرز غالبا يلتبخ الرز و بالتوفيق .
مكشاتي متقدم
اذا بتطبخ في قدر ضغط الماني تيربوا اذا تستس احسب له دقيقتين ونزلة او اقل...بعدين حط الرز واذا تستس احسب له 8 الى 10 دقايق
واذا قدر السيف اذا تستس احسب له 4 دقايق ونزلة وحط الرز واحسب له 10 دقايق
اذا طول اكثر من هالمدة ترى الدجاج بيصير جريش ويتملهس...
بالتووفيق لك
مكشاتي ياقوتي
عسى الاخوان افادوك
مكشاتي متقدم
الاخوة
ابو ناصر
سعد القاسم
قلايد الخيل
الامل بالله
الرويضة اون لاين
al3rands
شكر جزيل لكم على الافادة والمعلومات وانتظر مزيد من المعلومات لاني احب اخذ من كل بحر قطرة وتقبلوا تحياتي
مكشاتي
بالنسبه لي جب قدر الضغط وقطع البصل واحمسه بشوي زبده بعدها حط الطماط واحمسه معه وحط لومي اسود بعدها حط الدجاج مقطع صغار وملعقه بهارات واعصر ليمونه عليه لانها تشيل صنقة الدجاج واحمسه لمدة خمس الى سبع دقايق ومعه الفلفل الاحمر بعدها حط عليه مويه فايحه وحط الملح واذا قلب الماء ذق ملحه كانه زين كب عليه الرز من دون ماتتنقعه وطريقه قياس الماء امسك القدر مع العراوي وميله شي بسيط اذا بان الرز خلاص اكتمه وزد عليه النار اذا بلبل خله نص دقيقه واقصر عليه لمدة 20 دقيقه وبعدها انكبه وبالعافيه واذا مادعيت لي ماعرف شي
مكشاتي متقدم
وطريقه قياس الماء امسك القدر مع العراوي وميله شي بسيط اذا بان الرز خلاص اكتمه
هذة اول مرة اقرا هالطريقة
ممكن تعطينا معلومات اكثر بارك الله فيك
مكشاتي متقدم
مكشاتي متقدم
مكشاتي متقدم
ماقصرو الشباب بس متى بتعزمناء
مكشاتي متقدم
نصوب المنشى حياك الله ابشر بس خلنا نضبط الشغلة اول لايصير مخبوص ولا محروق وماعندك اي مشكلة تشرفنا
مكشاتي
اعزمونا لا تخلونا
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس