شاشاة جمس 2007 وطالع نوعيه ممتازه ومواصفات خياليه ( مختلفه عن السوق )

[3ashqGMC]

السلام عليكم ورحمة الله وبركاته

شباب انا جالس ادور من حوالي شهر عن افضل شاشه بالسوق

ولا لقيت شي يستاهل هنا

شفت فلاي اوديوي تايوانيه وشفت كذا شركه صينيه وشفت الي موجوده في دبي او الشارقه اسمها اتش دي من شركة clayton وطلع لي فيها عيوب غبيه

المهم بعد البحث والتمحيص لقيت افضل شاشه بالسوق وهذي هي


طبعا كلمت موزع الشاشه فالكويت وقال لي ب3000 ريال مع التركيب بدون كميرا بدون شحن للسعوديه وقال بتطلع عليك غاليه دورها بالسوق ولا لقيت شي خاص بالجموس عندنا

المهم كلمت الشركه المصنعه بشكل مباشر

قالو لي تبي تشتري اقل شي 3 حبات مانبيع اقل والسعر 2500 ريال مع الشحن للشاشة الواحده مع كميرا وحده

طبعا تركب لليوكن والتاهو السييرا والسلفرادو والافلانش والسوبربان من 2007 الى 2013

انا موجود وبتشريها وحده وابي معي ثنين عشان نقدر ناخذها

والشاشه نزل منها موديل جديد افضل من القديم واسرع جي بي اس وافضل عرض

هذي صورها


















مميزاتها

شاشة 7 بوصه عاليه الوضوح HD 840x480
لمس خفيف جدا للشاشه
تتحمل درجة الحراره العاليه يعني تشغل في عز الظهر والموتر موقف بالشمس ماتعلق معاك
بلوتوث ربط بالجوال والاتصال من الشاشه وامكانية حفظ ارقام عالشاشه نفسها
تشبيك الشاشاه باسلاك الوكاله بدون تقطيع او تجريح فك فيش واشبك فيش
شكلها متناسق جدا مع ديكور السياره بنفس لون الطبلون ونفس التقاسيم ونفس شكل الازرار
تدعم 17 لغه من ضمنها العربي والانقليزي
تشغل فيديو ودي في دي وتدعم شاشات فالمراتب الخلفيه زي شاشة الوكاله عالدينالي
تتحمل ذاكره خارجيه 64 قيقا
جي بي اس igo للمدن وتدعم خرايط توم توم وخرايط قارمن
تدعم الخرائط ثناية الابعاد وثلاثية الابعاد
معالج سريع بعكس اغلب الشاشات
امكانية اضافة كميرا اماميه للمواقف مع زر موجود مسبقا فالشاشه تضغطه مباشره يشغل لك الكميرا ويصلح للاستخدام فالشعبان والاماكن الي فيها حصى وتخاف تحك بالموتر
كميرا خلفيه تشتغل اوتوماتيك اذا حطيت القير بالريوس
اصوات العدادات وفتح الباب والتنبيهات لحساسات الريوس ماتروح
تحكم بالشاشه بازرار الدركسون كامله ماتفقد منها شي
تقدر تغير الثيم اذا تبي
فيها منفذ يو اس بي ومنفذ ذاكره وتقدر تنسخ عالذاكره الداخليه
ذاكره داخيه 4 قيقا
تدعم شعارات GMC و CHEVROLET

فيها مواصفات كثيره جدا جدا وهي افضل شاشة بالسوق حاليا بعد مقارنة كل المواصفات الي بالسوق

افضل شاشه بالسوق حاليا فلاي اوديو ب2200 ريال بدون كميرا الكميرا ب500 ريال ولا تدعم كميرا اماميه وشكلها اقل من هذي ولا فيها كثير من مواصفات الشاشه ذي


المقاطع التاليه فيها اغاني

هذي مقاطع مختلفه لها ولاحظ حساسية اللمس

وهذا مقطع روسي



الي بيتواصل معي بخصوص الشاشه هذا جوالي 0598102490



انا ماني حاط عرض بيع انا ابي شخصين يشترونها معي فقط لاني ماقدر اخذ اقل من 3 حبات

[مخ سعودي]

وانا اخوك تاكد انها تدعم خاصية السماعات Boss حتى تستمتع بوضوح الصوت ان كانت متوفره عندك نفس الخاصية

[3ashqGMC]

لا انا ماعندي بوز سيارتي جمس سييرا غمارتين 2009

وعلى فكره الشاشه الي فالكويت تعتبر الاصدار القديم منها وليس الجديد والاصدار القديم الشركه قالو لي بنعطيك اياه ب2000 ريال وبعد 3 ايام ارسلو لي ايميل قالو ان الاصدار القديم خلص ولا عندهم الا الاصدار الجديد فقط

[مخ سعودي]

الله يرزقك من واسع فضله لكن انصحك قبل طلب اي شي ابحث عنها في موقع Ebay حتى تتجنب التكلفة العالية ولاتتقيد بطلبهم

[3ashqGMC]

فيه عضو اكد لي باقي شخص ثالث ونطلبها باذن الله

[3ashqGMC]

الله يرزقك من واسع فضله لكن انصحك قبل طلب اي شي ابحث عنها في موقع Ebay حتى تتجنب التكلفة العالية ولاتتقيد بطلبهم

سعرها في مواقع اخرى 2750 بدون شحن وبدون كميرا وهذا للاصدار الاول وليس الثاني

[خالد بن سعود]

ممكن رابط البائع

[3ashqGMC]

هذا البياع على المويدل القديم فقط الجديد مانزل للسوق للحين

http://fedomcn.en.made-in-china.com/...-C7026GY-.html

[3ashqGMC]

اكتمل العدد

بنزل عنها تقرير وقت التركيب باذن الله تعالى

[أبو ناصر]

شيخنا

ننتظر تقريرك عنها ، هل فيها وايرلس .
وش اسم الشركة وهل لهم موقع على الانترنت ؟

[jak1]

السلام عليكم
اخبار الشاشة
ما هو اسم الشركة ؟

[jak1]

السلام عليكم
ياليت أحد الاعضاء يطرح موضوع عن
تجارب الأخوان مع الشاشات الموجودة في السوق للتاهو و اليوكن
حيث لا أستطيع طرح هذا الموضوع بسبب العضوية

[DRWISH]

عزيزي ... ننتظر تقريرك عنها لو تكرمت

بغيت وحده او اثنين معاي شرايه في حالة لازال الشرط قائم

وش اسم الشركة وهل لهم موقع على الانترنت ؟

[jak1]

السلام عليكم
المواصفات رائعة
في انتظار التقريرك و تجربتك للشاشة