بسم الله الرحمن الرحيم
أحبتي تحيه طيبه لكم من قلب
" فرد حمزه "
لي صديق مولع بالمقانيص
وله ابناء وكثيراً ما يغيب عنهم
ولامني سألته وين هالغيبه
قال : مقناص وابشرك صيدن جزل
قلت له ممازحاً
اما تحذانا من هالصيد اللي نسمع به ولا شفناه
والا تراي بورد فيك بيتين
قال هاتها وابشر بالرد
واردت ان ألمسه في الابيات فمدحته
ويستاهل المدح ولاهوب زودن عليكم
وقلت ذا البيتين :
يا راعي المقناص مسيك بالخير=كان المخالب دم هات الحذيه.
مير البلا لا صار جهدك مخاسير=بليتن يا كبرها من بليه
ما كل طيرن حايمن ينحسب طير=ولا كل رجالن عزومه قويه
بعض الرفاقه كنهم نافخ الكير=والبعض الاخر دجة المهمهيه
وبعض الرجال يعادلون الطوابير=شرواك يا راع الوفا والحميه
ياحي صيد الخرب لولا المشاوير=ويا حي ذباح الضبا حي حيه
ويا حي جيب الجكس جيب المناعير=ميزه صناعه باطيب مزيه
جيبن مخصص للوعر والمحادير=يطربك في كل الدروب العصيه
فيه الرجال اللي على الطيب والخير=ما فيهم اللي محتشد من خويه
مجلاسهم فيه الدلال المباهير=نعم الرجال شيوخ نجد العذيه
لامثالهم فالقلب حشمه وتقدير=يالله عساهم للجنان العليه
وختامها حبيت امسيك بالخير=وان كان صيدك جزل هات الحذيه
رد مع اقتباس
