ما خاب من استشار فزعتكم يصحاب الباترول

[ziad_1409]

السلام عليكم
مساكم الله بالخير يا شباب
انا معروض علي جيب باترول ( صالون ) 2003 سلق مبيعات حكوميه سلق الي الدرايش هندل طبعا صالون والموتر مو ماشي تقريبا 120 الف كيلو اذا ما نقص ما زاد ابي نصيحتكم :
اولا / انا لا اراقي ولا احب المراقاة ابد سواقتي هاديه جدا بس بالخط امشي
ثانيا/ ابي الموتر لكشتات علما معي اف جي 2010 ومضايقني ما يشيل شي ابد يالله عزبه وفراشك لو معك 4 شباب ما شال قشهم
الثالثه والمهمه لي / السلق الصالون 2003 تجي مكينته 4500 او 4800

نبي الخبر من ناحية العزم في البر والخط وش هي مشاكل 4500 ونصايحكم بالسعر لا تنسونا واخيرا اشكركم شكرا جزيل
وماخاب من استشار هذا اول باترول يدخل بذمتي …. ان شاء الله

[رائد النماصي]

عليك بمكينة اللكزس كانك راعي خطوط ومكاشيت تطربك وخراباتها لا تذكر ولا سمح الله وطقت تشتريها نظيفه ٣٠٠٠

[ziad_1409]

جزاك الله خير

[ziad_1409]

وين باقي الشباب

[مهند 2009]

وعليكم السلام ورحمة الله وبركاتة

أبعطيك وجهة نظري عن الباترول

أولا: الموتر ممتاز بالبر لكن بالديرة والخطوط ثقيل بالنسبة لمكينة 4500
ثانيا: الباترول ممتاز بالحيل للكشتات ومكانة البر ماشاء الله ويشيل اغراضك والعزب وكلش أن شاء الله
ثالثا: مكينتة 4500 , وأذا تبي موتر خفيف نفس أحرص على الفتك 4800


خلاصة الكلام

الموتر ممتاز للبر لكن للي بيطعس ويراقي ثقيل بالحيل كذلك بالنسبة للديرة والخطوط برضوا ثقيل .
المكينة جبارة وعملية وسهلة الصيانة , أهم شي لايجية حرارة وهذ عدو الباترول الحرارة.

بالنسبة للسعر يفيدونك الشباب


والله ولي التوفيق

[مليار]

مكينة قويه اقصد من ناحية اتحمل والخرابات بس اعزم ضعيف شوي تحس الموتر ثقيل ولكن عمليه بشكل كبير واتوقع انها مناسبه لك اذا انت منت راعي مراقا وتطعيس والله يوفقك لما فيه الخير

[ziad_1409]

الله يجزاكم خير انا مني متحسف الا علي نظافة الموتر من بدي ومحركات وفيه شباب يقولون غير مكينته لكزز او فتك الكبيره والله يا شباب مكينه ماشيه ١٢٠ الف وغيرها حرام جديد بشحمه اليوم بروح ان شاء الله افحص الموتر وعطيكم النتايج
اما مراقاة مهي بلي لاكن الخط الشباب يقولون ما يوصل ١٥٠ الا اذا طلعة روحك

[لسان الحقيقة]

ما ازود على كلام الاخوان المكينة قليلة الاعطال لكن عزمها ردي

[الشامخ 66]

نصيحه لوجه الله انحش عنه
سلبياته
صرفية البنزين بشكل غير طبيعي
ضعف العزم
صوت المكينة مزعج
الشكل الخارجي والداخلي سيء
عدم رغبة السوق لهذه الفئة
ياتاخذ فتك او دور لك موتر ثاني

[ابو مشاري ا]

مساكم الله بالخير
معي باترول ٩٩ سوبر الموتر كويس بالخط وصرف البانزين كويس بس ثقيل حيل وش الحل ابي الموتر يخف
انا من مستخدمي الباجيرو سابقاً وعزمه تمام ولاكن قطع قليل وغالي ومو اي واحد يصلح ولاكن الله حضاني بنيسان باترول فل قير عادي ولله الحمد وابي مشورتكم بثقل عزم الموتر

[السعيد السعيد]

نصيحة لوجه الله
اهرب منه قد ما تقدر ، ارتح وريح بالك إلا اذا بيعطيك الموتر ببلاش ببلاش ببلاش

[msheri]

نصيحتي لك مراح يجوز لك ابدا ابدا خصوصن وان معك اف جي

الباترول ظ¤ظ¥ظ×ظ× ثقيل نفس في البلد والخط وفي البر ماينفع الا في الاراضي المستويه اما ترقا طعس وتطبخ عشاك فوق الطعس هاذي بعيده على ظ¤ظ¥ظ×ظ× الا اذا بتشد عزم لين يوصل ظ،ظ¢ظ× عشان تقدر ترقا ههههه خذ العلم من المجرب والله يوفقك