تغطية اغلى طير حر بالحماد بالقرب من عرعر لهذا العام بـ (291.000)...

[صقر الخبت]

ألف ألف
مبروووووووك

[البرنس الليبي]

ماشاء الله تبارك الله

الله يبارك لهم جميع

[ابوعديم1]

الطير طيب ولا فيه هرجه وماوصل لهلقيمه الى هو يستاهلها
اما يقال انه ماطرح مثله من 30 سنه فهل الكلام مبالغ فيه صحيح
نقدر نقول انه طير الموسم ممكن اما مطرح اخوه في 15 سنه تزود سنه او تنقص
طرحة قرانيس ازين منه ومنها
قرناس الي طرح في حصاة حبو الي طارحينه الحويطي والقرناس المهاجر
طوله 18 وعرض 18 رااهي
وقرناس المجانين راسه فنجال الي طرح في الشعيبه
وقرناس الشنابره وفي نفس السنه طرح قرناس ثاني عند الحسنان
جميع الي ذكرتها ازين ريشه وكبر
ولكن ماكان فيه توثيق بصور مثل هلحين
وفي النهايه
الله يبارك للبايع والمشتري

السلام عليكم ورحمة الله وبركاته اخي المعرقب بعد التحيه ومزيد من الاحترام كلامك انت في محله ، قصدي انا ان الطير لم ينصاد مثله من ثلاثين عام في منطقة الحماد .ماكنت اقصد المملكه والخليج . اعرف الطيور التي انصادت من 30عام وهذا راي جميع اهل المنطقه
اخوكم ابو عديم الحازمي

[الارمني]

السلام عليكم ورحمه الله وبركاته

ياأخوان من قال ان ابوعديم سيد صقارين الشمال
ابوعديم يشتري اي بس مهو مثل الصقاقير
والمعروف ان الصقار البني على مستوى الشمال وهاذا مايبي له جدال
ويوم سالوا ابوثامر قال الطير قرناس بكر ولاحد يقيس 17_17 والى عنده اعتراض يتوجهه يمي
والى احسن من كذا قالوا يبوثامر وش الطير اول ماجاء ابوثامر قال التجار تعرف الطيور وتثمن الطير والاحواء عليه بالسوال وعلمهم الطير قرناس بكر وتم فتح الباب 80 الف والحضور تصيح نصب نصب وقام ابوثامر على مرى كل الموجودين قال الطير ماينباع دون 200000 الف والكلام هاذا كل الى بالمزاد تشهد به وتم بيع الطير 291 الف ريال

الرجاء التفريق بين الشباك والصقار حتى لانختلف بالموضوع
الشباك هو من يشبك الطير ويبيعه ومن المشهورين بالمنطقه ابو ثامر عوده البني ومناحي الايتيم وعطالله صبيح
اما الصقار الذي يشتري الطير ويقوم بتربيته (يصقر فيه)
ومن ضمن شيوخ الصقارين بمنطقة الحدود الشماليه دحام رحيل العنزي
اما ابو عديم شيخ صقارين قبيلة الحازم ومحافظة طريف
ابو عديم يملك ثلاث صفات هي شبك الطيور والصقاره وتجارة الطيور
ويملك محبة جمهور الصقاره والشباكين وغيرهم . ومعروف على مستوى الخليج
والمزاد بدأ ب30000 راجيا الرجوع الى شريط الفديو لتجده منافيا ومخالف لما ذكرته بخصوص صخب الجمهور وعدم معرفة التجار بالطير وسؤالهم عن ماهو الطير .


راجيا منكم العذر اذا خنني تعبيري علما هذا ماحدث

[المضلي]

كل سوالفكم هذي ماتنفع
الرجال صاد وباع الله يرزقه
والشتري شايف مربحه
الله يزق الجميع

[صدر الحماد]

ماشاء الله تبارك الرحمن عزالله انه طير يستاهل اكثر من القيمه والحين الكلام ماينفع مبروك عليهم .