لا يغــّرك ابتعـــادي والسكــوت
لانتظرت أزمان وغــابت غنوتـي
ما يموت الشعر فيني مــا يمـوت
دام إحــساســي يعــيش بــدنيــتي
القــوافـــي تـنـثني لي ما تفــوت
وعـاشقتـني مثل ما أعشق حلوتي
من سمع شِعــري وخيم به سـكوت
هـذي وحده من فناجيـن قــهـوتي
بنـّـها بـُن ما يجي من حضرمــوت
والقصيم ما تـشترك في خلطتـي
في المواني تـنتـشر مــثل اليــخوت
وكل يخت ٍ منهــا يعرض قـوّتي
كـُثرهـا كــُثر المشـالح والـبشـوت
في ديــار العـِـز مــوطن عــزتي
نـــاظـر الشاشه وقـــلـّب بالرمـوت
وأحمــس الـدلّــه وتلـقى نكـهـتـي
بقــلـمي ( محمد خبراني)