عندي باترول 2004 محتاج سيدي القارمن

[الميكانيكي]

السلام عليكم

يا اخوان شريت باترول مديل 2004 لكن السيدي ما جاء مع السيارة اللي اللي هو سيدي القارمن مع العلم ان الباترول هذا من النوع اللي يجي مواصفات خاصة والشاشة تشغل قارمن وتشغل التلفزيون ودي في دي المهم يا ليت احد اذا يعرف وين احصل السيدي هذا انه يساعدني او يدلني وين احصله وكم قيمته يمكن وإذا احد يبي يتجمل علينا ويرسل لنا موقع بالانترنت نحمله منه نكون له من الشاكرين

علما انه يجي له نوعين واحد حق المدن والثاني حق البر

مع الشكر لكم جميعا مقدما

[سعد الدين]

أخي الكريم


ليه ما تطلب السيدي من الشركة ؟ وهذا اضمن لك

[الميكانيكي]

يا اخي مهو خافين اني اروح للشركة بس الشركة غاليه مره مره يعني سعر خيالي وأنت ادرى بشركة نيسان وهم يقولون ان سعر الجهاز اللي معك 12000 اثناعشر الف ريال وأنا اتوقع ان فيه هنا من الشباب من لديهم القدرة انهم يعطوننا الحل الشافي
مع الشكر لك اخي

[الميكانيكي]

الى الان انا في الانتظار

[Riyadh-boy]

معليـش انا بخش عرض وبسألك تبيـع الشاشه ؟؟
وبالنسبه للسيـدي ما عندي اي خلفيـه عنه بس لو تشوووف الوكاله في دبي اظني اسعرهم ارخص ..
والسلالالالالالالالالام .

[الميكانيكي]

مشكور اخوي على مرورك ولاكن اعذرني لن ابيع الشاشة

[الميكانيكي]

الى الان انا في انتظار الاخوان

[abdoallah]

مادام انك راعى نيسان انا عندى 2006 شاص وين القا الفيبر قلاص حق الصندوق جزاك الله خير

[الميكانيكي]

ما دام اللي معاك باترول نيسان حوض وأنا معاي صالون الا ودي اسألك ما خبرتلي نياق وبكرات فيه واحد يسأل عنهن بس هو الحين اجازة رايح لابها وبعدها يبي يروح يمكن للهند

===============

الله يجزاك خير حنا وين وانت وين

[Riyadh-boy]

ههههههههههههههههههههه الله يرجك يا المكيانيكي ..
انا ان شاء رايح الى الامارات غدا ً واذا ودك اسألك هناااااااااك سألتلك ؟؟
والسلالالالالالالالالالام.

[abdoallah]

الميكانيكى جزاك الله خير :هالحين انشدك وت ضحك على لا.........وتدور بعارين الظاهر ان ماعندك ولا دجاج

[الميكانيكي]

السلام عليكم
يا رجال رح لم الامارات دربك اخضر وتجي بالسلامة لاكن الله يعينك على الجو هناك لاكن لا تنس اذا رحت الامارات انك تروح لم العين تراها حلوه وجوها زين وفيها عيون تمشي طول الوقت

اخوي عبدالله البعارين مهن لي لواحد من الربع اما انا عندي انترنت وعندي نخلتين وكل يوم اخرف منهن مع القهوة بعد المغرب وعندي لي 4 دجاج حبشيات اذن مخي وودي اذبحهن بس امي تقول لا تذبحهن انهن ياكلن ساقط البيت

وتراي امزح ما ضاع بعارين لاتقعد كل ما لقيت بعير بالبر كلمت علي

[القناص]

ليت الحمراني يجيبه

ويريحنا من فك القارمن وركب القارمن

والله اني دورت سوبر سفاري بشاشه وعجزت القاه.

اقول يالميكانيكي سألت عبدالله راعي مركز احد اللي جنوب محطة بنزين الزهرني اللي بشارع الغرابي, تراه اشهر كهربائي الكترونيات شاشات ونظم ملاحه في الرياض.

الله يوفقك.

[الميكانيكي]

جزاك الله خير اخوي القناص

يا اخي الحمراني جابه بس غااااااااااااااااااااااااااااااالي مره عند يعني السيدي بسعر اطلق قارمن موجود بالسوق

[الربذي]

تصدقون انا ادور سفاري شاشة ملاحة (نفاقيشن)2005 او2006 بس مالقيت ياليت احد يفيدنا ياخوان لا الجديد مافيه مسجل غبا في غبا بس شاشه لكن صورة اخي المشرف اللي فوق احسن بكثير لانهم رافعينة فوق