موضوع متجدد عن طريق الرياض بيشه الجديد

[milan22kaka]

يا اخوان وش نوع البنزين المتوفر بالمحطات


وبالنسبة لاخونا نعم الخوي نبغى الصورة تكفى راح تسوي خير فينا اذا تقدر ترسلها واتساب او ايميل

[رحال7]

افضل تحديث لهذا الموضوع هو تسجيل الأثر ووضع نقاط للتحويلات والمحطات والأماكن الخطره.
من يبغي الأجر فهذا هو العمل الافضل
والله اعلم

[odgti]

الطريق ممتاز سيدين مستوي مختصر جدا لايوجد ساهر يوجد محطات متباعده والبنزين ٩٥ و٩١ وشبكه الجوال لم اذكر انها انقطعت طوال الطريق

[نعم الخوي]

للأسف يرفض الموقع رفع الصورة

وللعلم الخريطة موجودة في المحطة اللي تجيك في نهاية الرين للمتجة إلى بيشة محطوطة ع الجدار جنب باب المسجد

[العودالازرق]

كل عام والجميع بخير ... والله صارة لي قصه ليلة 22 الساعة 1:30 عند نهاية تحويلة الارمض بتجاه بيشه وجدت شاب متوقف عند بداية السفلت شاورة نفسي اوقف او اكمل خاصة ان المنطقة ظلام والقصص اللي نسمعها تخلي الوحد يفكر الف مره قبل الفزعه لكن قلت رمضان والعشر الاواخر ان شاء الله ما فيه إلأ الخير وقفت بعد عن السيارة ونزلت بعد ما طفيت الموتر ورحت مشي عند السيارة كان وضع السائق ما هو طبيعي راسه على المرتبه ورجله على الطبلون سلمت عليه وسالته عن حاله رد بصوت تعبان ان يشكي من الجوع وهو يشعر بدوخه رحت السيارة معي بعض الاكل اعطيته وفي تلك الحظة جاء بعض المارة وساعدوني خاصة فيه شباب كانوا في سيارة قالوا خلاص توكل على الله احنا بنجلس معه اذا تحسن او خلينا واحد يسوق معاه خاصة انه يبغى بيشة ... الصراحة مع مريض السكر والضغط ما ادري كيف تتصرف معه ... الله يحمينا .. تحويلة الارمض تخض الصاحي ما بالك بالمريض

[al.amri]

كل عام وأنتم بخير

رجعت مع الطريق من بيشة الى الرياض يوم العيد ولله الحمد منجز تقريباً ووقت السفر كان من الساعه 10م
والوصول الساعة 3ص والمسافرين عليه بكثرة ومريح ومختصر ولله الحمد ما صادفت حوادث او مشاكل.

1. كبري العسيلة : الان مزفلت ولكن البراميل ما شالوها تجاوز البراميل وامش من فوق الكبري

2. وادي الارمض : لا يزال العمل فيه جاري والمسافة تقريباً 3ك
وأنت متجه من بيشة للرياض لا تنزل مع المسحية تجاوز الصبات وكمل طريقك
حتى يجيك الجبل اللي العمل فيه جاري التف من حولة وكمل الى انت تجيك الصبات
الان كمل طريقك في الوادي ممسوح وسهل وقصير

3. تقاطع الرين : انتبه من تقاطع الرين قبل المحطة للمتجة الى الرياض
وبعد المحطة مباشرة للمتجة لبيشة يعتبر خطر للمسرع

4. البنزين : لا يمثل الان مشكلة مع كثرة المحطات والتوانك ولكن احرص على المحطات
وافضلها محطتين متقابلتين في برودان بنزين بنوعيه ومسجد ودورات مياه نظيفة
ومهيلة قهوة وتمر وشاهي باي وقت ومجاناً جزاهم الله خير.

خريطة توضح المحطات

[الحصاة الرقطا]

جزاك الله خيراً

[ZAZ.]

السلام عليكم ورحمة الله

وش وضع الطريق من ناحية الزفلتة ؟؟

انا ناوي اسافر عبر الطريق لكن المشكلة ان الموتر فورد فيكتوريا طامن
واخاف اطيح برمل ولا غراز وعاد وش يطلع السفينة ذي😂

[al.amri]

السلام عليكم ورحمة الله

وش وضع الطريق من ناحية الزفلتة ؟؟

انا ناوي اسافر عبر الطريق لكن المشكلة ان الموتر فورد فيكتوريا طامن
واخاف اطيح برمل ولا غراز وعاد وش يطلع السفينة ذي😂

توكل على الله انا سيارتي تورس واللي ماهو مزفلت تراه مسحية الشركة تمسح
الخط كل اسبوع مافيه تغريز ابداً الا اللي يطلع من المسحية عشان البطناج.

[بدوي كاشخ]

جزاكم الله خير على المعلومات

[first2oo2]

السلام عليكم

اشكر جميع المشاركين في هذا الموضوع والذي استفدنا منهم الكثير، واحب ان اشارك بصورة من اعدادي توضح المسار من خميس مشيط الى الرياض والعكس اتمنى ان يستفيد منها الجميع ... ولا تنسوني من دعاءكم ..




المسار على خرائط قوقل
https://www.google.com.sa/maps/dir/1...!4m1!3e0?hl=en

[العودالازرق]

بسم الله الرحمن الرحيم

كل عام والجميع بخير

المستجدات على تحويلة وادي الارمض 1436/10/6

من بشية بتجاه الرياض

الجزء الأول من التحويلة شبه منتهي باقي عليه الجزء الاخير جاري دك الجبل و سفلتة المردوم تستطيع المشي حتى المنتصف ثم تعود مره اخرى للتحويلة




الجزء الثاني من التحويلة وهو الاسوء على السيارات الحمد لله انتهى باقي التخطيط والوحات





وشكري لكل من ساهم في تحديث المعلومات عن الطريق خاصة الاخ مدرس في نجد

[ابوزيادالشهري]

السلام عليكم ورحمة الله وبركاته
انا مشيت على هاذا الطريق يمكن خمس مرات ولاحظت كثره الحوادث بسبب الجمال وفي اخره مره كان هناك زحام وكثره في المسافرين حيث ان الطريق غير مزدوج وانصح بعدم السرعه وايضا عدم السفر ليلا وياليت تمنع الشاحنات وبالنسبه للمحطات متوفره والسلام عليكم

[مدرس في نجد]

http://www.alraynnews.com/?p=53258

[العودالازرق]

http://www.alraynnews.com/?p=53258

لا حول ولا قوة الا بالله ... ما فيه حل لهذي الجمال