شكراً لكل من ساهم في إثراء هذا الموضوع
أنا عندي سفر إلى أبها من الرياض إن شاء الله خلال شهر على الأكثر
سيارتي يمشيني الفل 450 كيلو متر
هل أحتاج آخذ معي بنزين احتياطي في جالون أو ما يحتاج ؟
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
شكراً لكل من ساهم في إثراء هذا الموضوع
أنا عندي سفر إلى أبها من الرياض إن شاء الله خلال شهر على الأكثر
سيارتي يمشيني الفل 450 كيلو متر
هل أحتاج آخذ معي بنزين احتياطي في جالون أو ما يحتاج ؟
لا مايحتاج عبي قبل بيشة يجيك كوبري جديد فيه تحويلة يمكن قبل بيشة ب 30 كيلو هذا المفرق حق طريق الرين بس لسى ماخلصو الكبري راح تشوف بعض السيارات تعكس التحويلة
قبل هذا الكوبري في محطة ع اليسار عبي فل منها راح يوصلك لين برودان يمكن توصل وباقي النص عبي من برودان راح يكفيك لين الرياض الاهم لا تنسى تعبي قبل التحويلة والاهم امشي بوجه نهار وتأكد من كفراتك جديدة لان الطريق لا ينصح به ليلا بسبب كثرة الجمال الله يكفينا الشروالله يوفقك ورحلة سعيدة
اخواني تنصحوني اروح معاه من الرياض الى النماص سيارتي يارس 2015
انصحك لكن فقط بالنهار واحتاط عبي بنزين في محطة برودان تكفيك لين بيشة
برودان تبعد عن الرين ب 120 كيلو تقريبا
انا جيت مع الخط قبل اسبوع ممتاز مره
الحمدلله الطريق جيت معه مرتين وبصراحه يختصر مسافة ولكن يحتاج تنتبه للبنزين وخاصه اذا التانكي صغير
والافضل المشي في النهار وبأذن الله تكثر فيه المحطات ويتم تثبيت مراكز امن الطرق
وسلامتكم
السلام عليكم وجزاكم الله كل خير أناجيت لابها مع طريق الوادي وودي ارجع مع طريق بيشة الرين لكن تحذيراتكم عن سوء تنفيذ الطريق ومايكتب في الصحف انه أصبح طريق الموت فمن يتكرم بايضاح الحقيقة جلية علما بأننا عائلة حفظكم ربي من كل شر ووفقكم لكل خير
لاتخاف من ناحيه البنزين عب من محطه برودان وبعدها تقريباً 280 كم او حولها يجيك النميص هجره يمين لها مفرق زفلت تبعد عنك كيلو ونص تقريباً عب منها وبعدها يوصلك لبيشه البنزين 91
ماجبت طاري البنزين رحم الله والديك ارجع لتسائلي حفظك ربي من كل شر ووفقك لكل خير
السلام عليكم ورحمة الله
رحم الله والديك اخي صاحب الموضوع وصلت فجر هذا اليوم الجمعة 7 ذوالحجة 1437 وإليكم ما رأيت بسم الله الرحمن الرحيم
بدأت الطريق من أول شارع الأمير سلطان قبل لفة مطار أبها الساعة 8م إلى مفرق بيشة من تندحة 50 كم
من المفرق إلى بيشة 180 كم
من بيشة عن طريق الملك عبدالله إلى الرين 500 كم
من الرين إلى المزاحمية130كم
من المزاحمية إلى تفتيش القدية 30 كم
وصلت الرياض الساعة 4 فجرا ولله الحمد والمنة
الخلاصة:الطريق روعة روعة روعة
نصيحة لكبار السن مثلي اذا مسكت الطريق خل نصف سيارتك على الخدمة لأن التجاوز بشكل غير متوقع نظرا للسرعة التي يقودون بها بعض السائقين حفظهم الله من كل شر
بعد بيشة 215 كم توجد محطة بنزين النميص
وبعدها 15 كم محطة بنزين أبا الأكوان
وبعدها 60 كم محطة بنزين برودان
وبعدها 30 كم محطتين بنزين متقابلات
هذا غير محطات البنزين التي في الهجر يمين الخط وشماله
مما يعني أن لا مشاكل مع محطات الوقود
كما ان الخط أمن جدا فلم يمر 60 ثانية دون مرور سيارات أما من الخلف أو الإمام
السطحات تجوب الخط
لذا أنصح من يريد ابها أن يسلك هذا الطريق بدلا من طريق وادي الدواسر لكونه مثل المسطرة ولا يمر بمدن او هجر مباشرة على الخط كما حال طريق الوادي وكذلك عدم وجود مطبات وهو لمن يمشي بالسرعة النظامية كايف مرة مرة مرة
هذا ما أحببت وضعه لكم إخواني سائلا الله السلامة للجميع وكل عام وانتم بخير مقدما
الطريق هذا لو يصير سيدين ويحطون سياج حديدي عن الابل بيكون ممتاز جدا
مشكورين ومتابعين معكم
أقول وانا ناصح للجميع
عليك بالدرب السهل ولو طال .
الخط هذا جيت معه مرة وحدة خطير خطير خطير .
الخط مرتفع عن الارض تغفل عن سيارتك بيكون بتقلب سيارتك .
وش لك والعزاري ......انصحك .
وحسابات الاخبار ترصد الحوداث الشبه يوميه والوفيات التي تحصل عليه الله يرحم من مات .
الواحد يتخذ الاسباب ويروح مع الخطوط الثانية .
هذا غير البنزين اللي ينقطع من محطات البنزين ....وليست محطات محطات ....صنادق فيها توانك بنزين .
الا هل بلغت اللهم فاشهد .
الذين يشاهدون الموضوع الآن: 1 (0 من الأعضاء و 1 زائر)