موضوع متجدد عن طريق الرياض بيشه الجديد

[abuziyad3]

شكراً لكل من ساهم في إثراء هذا الموضوع

أنا عندي سفر إلى أبها من الرياض إن شاء الله خلال شهر على الأكثر
سيارتي يمشيني الفل 450 كيلو متر

هل أحتاج آخذ معي بنزين احتياطي في جالون أو ما يحتاج ؟

[ابو وهاد]

لا مايحتاج عبي قبل بيشة يجيك كوبري جديد فيه تحويلة يمكن قبل بيشة ب 30 كيلو هذا المفرق حق طريق الرين بس لسى ماخلصو الكبري راح تشوف بعض السيارات تعكس التحويلة
قبل هذا الكوبري في محطة ع اليسار عبي فل منها راح يوصلك لين برودان يمكن توصل وباقي النص عبي من برودان راح يكفيك لين الرياض الاهم لا تنسى تعبي قبل التحويلة والاهم امشي بوجه نهار وتأكد من كفراتك جديدة لان الطريق لا ينصح به ليلا بسبب كثرة الجمال الله يكفينا الشروالله يوفقك ورحلة سعيدة

[غروك عذالي]

اخواني تنصحوني اروح معاه من الرياض الى النماص سيارتي يارس 2015

[ابو وهاد]

انصحك لكن فقط بالنهار واحتاط عبي بنزين في محطة برودان تكفيك لين بيشة
برودان تبعد عن الرين ب 120 كيلو تقريبا

[abuziyad3]

لا مايحتاج عبي قبل بيشة يجيك كوبري جديد فيه تحويلة يمكن قبل بيشة ب 30 كيلو هذا المفرق حق طريق الرين بس لسى ماخلصو الكبري راح تشوف بعض السيارات تعكس التحويلةقبل هذا الكوبري في محطة ع اليسار عبي فل منها راح يوصلك لين برودان يمكن توصل وباقي النص عبي من برودان راح يكفيك لين الرياض الاهم لا تنسى تعبي قبل التحويلة والاهم امشي بوجه نهار وتأكد من كفراتك جديدة لان الطريق لا ينصح به ليلا بسبب كثرة الجمال الله يكفينا الشروالله يوفقك ورحلة سعيدة

بيض الله وجهك وجزاك الله خيراً أنا متحمس للطريق ، ولذلك بإذن الله أبطلع من الرياض وأعبي بنزين في الرين ، وبعدها يمشيني إلى برودان وأعبي هناك ثم إلى بيشة .

[غروك عذالي]

انا جيت مع الخط قبل اسبوع ممتاز مره

[داااايخ]

الحمدلله الطريق جيت معه مرتين وبصراحه يختصر مسافة ولكن يحتاج تنتبه للبنزين وخاصه اذا التانكي صغير
والافضل المشي في النهار وبأذن الله تكثر فيه المحطات ويتم تثبيت مراكز امن الطرق
وسلامتكم

[tmdmgm]

السلام عليكم وجزاكم الله كل خير أناجيت لابها مع طريق الوادي وودي ارجع مع طريق بيشة الرين لكن تحذيراتكم عن سوء تنفيذ الطريق ومايكتب في الصحف انه أصبح طريق الموت فمن يتكرم بايضاح الحقيقة جلية علما بأننا عائلة حفظكم ربي من كل شر ووفقكم لكل خير

[الدوسري2010]

لاتخاف من ناحيه البنزين عب من محطه برودان وبعدها تقريباً 280 كم او حولها يجيك النميص هجره يمين لها مفرق زفلت تبعد عنك كيلو ونص تقريباً عب منها وبعدها يوصلك لبيشه البنزين 91

[tmdmgm]

ماجبت طاري البنزين رحم الله والديك ارجع لتسائلي حفظك ربي من كل شر ووفقك لكل خير

[تكفوووون]

السلام عليكم وجزاكم الله كل خير أناجيت لابها مع طريق الوادي وودي ارجع مع طريق بيشة الرين لكن تحذيراتكم عن سوء تنفيذ الطريق ومايكتب في الصحف انه أصبح طريق الموت فمن يتكرم بايضاح الحقيقة جلية علما بأننا عائلة حفظكم ربي من كل شر ووفقكم لكل خير

جيت مع الخط قبل 3 أسابيع و انا طالع من أبها و راجع للإمارات
يا رب لك الحمد و الشكر الطريق من أروع ما يكون و يختصر لك الوقت ومافيه أي خطورة في النهار بس تنتبه لعبور الابل

[tmdmgm]

السلام عليكم ورحمة الله
رحم الله والديك اخي صاحب الموضوع وصلت فجر هذا اليوم الجمعة 7 ذوالحجة 1437 وإليكم ما رأيت بسم الله الرحمن الرحيم
بدأت الطريق من أول شارع الأمير سلطان قبل لفة مطار أبها الساعة 8م إلى مفرق بيشة من تندحة 50 كم
من المفرق إلى بيشة 180 كم
من بيشة عن طريق الملك عبدالله إلى الرين 500 كم
من الرين إلى المزاحمية130كم
من المزاحمية إلى تفتيش القدية 30 كم
وصلت الرياض الساعة 4 فجرا ولله الحمد والمنة
الخلاصة:الطريق روعة روعة روعة
نصيحة لكبار السن مثلي اذا مسكت الطريق خل نصف سيارتك على الخدمة لأن التجاوز بشكل غير متوقع نظرا للسرعة التي يقودون بها بعض السائقين حفظهم الله من كل شر
بعد بيشة 215 كم توجد محطة بنزين النميص
وبعدها 15 كم محطة بنزين أبا الأكوان
وبعدها 60 كم محطة بنزين برودان
وبعدها 30 كم محطتين بنزين متقابلات
هذا غير محطات البنزين التي في الهجر يمين الخط وشماله
مما يعني أن لا مشاكل مع محطات الوقود
كما ان الخط أمن جدا فلم يمر 60 ثانية دون مرور سيارات أما من الخلف أو الإمام
السطحات تجوب الخط
لذا أنصح من يريد ابها أن يسلك هذا الطريق بدلا من طريق وادي الدواسر لكونه مثل المسطرة ولا يمر بمدن او هجر مباشرة على الخط كما حال طريق الوادي وكذلك عدم وجود مطبات وهو لمن يمشي بالسرعة النظامية كايف مرة مرة مرة
هذا ما أحببت وضعه لكم إخواني سائلا الله السلامة للجميع وكل عام وانتم بخير مقدما

[فياض الربيع]

الطريق هذا لو يصير سيدين ويحطون سياج حديدي عن الابل بيكون ممتاز جدا

[ددسن الشرقيه]

مشكورين ومتابعين معكم

[كايد]

أقول وانا ناصح للجميع

عليك بالدرب السهل ولو طال .

الخط هذا جيت معه مرة وحدة خطير خطير خطير .

الخط مرتفع عن الارض تغفل عن سيارتك بيكون بتقلب سيارتك .

وش لك والعزاري ......انصحك .

وحسابات الاخبار ترصد الحوداث الشبه يوميه والوفيات التي تحصل عليه الله يرحم من مات .

الواحد يتخذ الاسباب ويروح مع الخطوط الثانية .

هذا غير البنزين اللي ينقطع من محطات البنزين ....وليست محطات محطات ....صنادق فيها توانك بنزين .

الا هل بلغت اللهم فاشهد .