السلام عليكم ورحمة الله وبركاته .... وبعد
معكم أخوكم أبو وليد.... وحاب اوضح لمن اراد وصف الطريق من ابها الى الرياض مرورا بخميس مشيط :
١- الاتجاه من ابها ال خميس مشيط ثم طريق وادي بن هشبل مزدوج زيدين جيد جدا الا انه توجد مطبات قوية في وادي بنهشبل لابد من النتباه لها .
٢- بعد وادي بن هشبل بمسافة ٣٠ كم او اكثر يجيك مفرق بيشة يسار خذ معه وتمر على خيبر الجنوب ثم صمخ ثم بعد صمخ وانت متجه لبيشة بمسافة ٣٠ كم تجيك لوحة اسمنت بيشة او اسمنت الجنوبية على يدك اليسار وكبري جديد على اليمين قبل ماتطلع على الكبري وتاخذ بداية الطريق فيه محطة وقود مقابلة تماما للكبري ضروري تعبئة البنزين فل ولا قطع عليك البنزين .
٣ - تمشي من الكبري عدال والمحطة في ظهرك وتبدأ الطريق وتجيك لوحة مكتوب الرياض ٦٩٥ كم وكل عشرة كيلو تجيك لوحة والطريق سيد واحد .
٤- تمشي تقريبا مسافة ٣٠٠ كم بدون وجود محطات الين تجيك هجر عبيلة وعسيلة فيها محطات صغيرة وتموينات وهناك ناس عندهم توانك بنزين كبيرة يعبون يدوي لاكن الأفضل تواصل زيادة ١٠٠ كم لين توصل برودان هناك محطتين متقابلتين فيها بنزين وسوبر ماركت ومسجد ثم تبدا معك بعدها القرى والهجر لين توصل مفرق جو تقريبا من برودان ٣٠٠ كم وتاخذ السريع يمين للرياض .
٥- الملاحظات على الطريق للقادم من بيشة توجد تحويلتان الاولى ترابيه من عند وادي الارمض زي ماقال الاخوان وجيده وسهله مسافتها ٢.٥ كم او حول كذا والتحويله الثانية مسفلته حول قرية الحويمضة اسفلتيه وفيها صبات . المهم البنزين ضروري وخذ احتياطك واعواصف الرملية بكثرة في اول ٣٥٠ كم للقادم من بيشة ويفضل المشي في النهار فالجمال السائبة كثيرة واغلبها مجاهيم ( سود ) .
الاربعاء ١٣/ ١٠/ ١٤٣٦
15 نوفمبر 2015 - 16:514 نوفمبر 2015 - 21:27
 |
رد مع اقتباس
المشاركة الأصلية كتبت بواسطة mmingash
