موضوع متجدد عن طريق الرياض بيشه الجديد

[ابن روزه]

كم المسافة من مركز تفتيش الجدية الى بيشة ثم الى الباحة

[فياض الربيع]

المسافة من الرياض إلى أبها 1060 كم عن طريق وادي الدواسر
المسافة من الرياض إلى بيشة 685
أضف عليها 206 كم إلى خميس مشيط
يعني يختصر ربع المسافه وليس النصف كما اسلفت

بس اتوقع اللي بيروح مع طريق الحوطه الجديد ويواصل للجنوب بتكون المسافه نفسها
لان من الرياض لين الحوطه مع الطريق الجديد 90 كلم واحسب من الحوطه الى خميس مشيط
بس اللي بيفرق ان طريق بيشه الدعسه واحده طريق وادي الدواسر كل شوي تدخل محافظه واشارات ومطبات

[N-Al-hebabi]

الميزة في طريق الرياض بيشة الجديد إنه يمر على مناطق وشعبان وأودية وتضاريس جبال ورمال وأشجار جداً جداً أكثر من رائعة والطريق سمح ما باقي إلا كم كيلوا يتصل ولله الحمد ما هوب طويل ويمنعك من دخول الوادي وشوارعه ولوياته الكثيره والخطيرة

وبالنسبه للي يبي الجنوب يتمشى في النهار مع الخط وكله تساهيل ومحطات ولله الحمد بداية الطريق من خط السريع تبع الحجاز إلى مفرق رنيه ياتروح للجنوب مع بيشه أو تلف يسار مع خط رنيه الوادي ويجيك يمين تثليث الخميس ويسار الوادي السليل ونصيحه فقط السفر في النهار علشان الإبل والله يحفظ الجميع ...

[سعد الصياد]

يا شباب اللي يبي يعرف المسافة من اي مدينة او مكان الى مكان اخر

ادخل تطبيق خرائط قوقل وابحث عن المكان اللي تبيه واختار نقطة البداية المكان اللي تبيه يجيك المسارات والمسافة كاملة وعدد الساعات

[makki]

الاخ الحبابي يسعد ايامك . الطريق من الرياض الى بيشة متصل من تاريخ

20/11/01436
الله يحفظك
بسم الله الرحمن الرحيم
الثلاثاء 1436/11/24 هــــ
بحمد الله وفضل منه سبحانه وتعالى تم سفلتة الطريق بالكامل من بيشة إلى الطريق السريع الرياض الطائف لم يتبقى إلا الخطوط وبعض المصدات أشكر الجميع بلا استثناء أشكر من نقل وأضاف تحديثاً

[makki]

مدرس في نجد
مكشاتي متقدم
تاريخ التسجيل: Nov 2012
المشاركات: 393
المواضيع: 1



رد: موضوع متجدد عن طريق الرياض بيشه الجديد

بسم الله الرحمن الرحيم
الثلاثاء 1436/11/24 هــــ
بحمد الله وفضل منه سبحانه وتعالى تم سفلتة الطريق بالكامل من بيشة إلى الطريق السريع الرياض الطائف لم يتبقى إلا الخطوط وبعض المصدات أشكر الجميع بلا استثناء أشكر من نقل وأضاف تحديثاً
الموضوع لن يتوقف سيكون هناك متابعة حتى يتم ازدواج الطريق كاملا
في هذا اليوم وقع معالي وزير النقل بداية ازدواج الطريق المرحلة الأولى في حدود منطقة الرياض مع شركة الروسان للمقاولات وهي الشركة المنفذة للطريق الذي يربط المملكة بسلطنة عمان

http://sabq.org/kwGgde

تقبلوا أطيب تحياتي

[العودالازرق]

ازدواج طريق الرياض/ الرين/ بيشة (الجزء الواقع بمنطقة الرياض) (المرحلة الأولى) شي طيب

[ابوعمرالفاروق]

بعد أكثر من سنتين عدت للطريق مرة أخرى ووجدته منتهيا تقريبا وليته لم ينته

كم أتمنى أن تعود بعض التحويلات فيه وأن تذهب بعض المحطات الجديدة والخدمات أدراجها

لأننا لا نستحق هذه الخدمات
والطريق أصبح بعد انتهائه مشروع وفاة غير مشروعة
للأسف نحن شعب نبطر ونكفر النعم
ولا حول ولا قوة إلا بالله

[bdaar]

السلام عليكم ورحمة الله وبركاته

احب اشاركم تجربتي طريق خميس مشيط الرياض الجديد

بحمد الله وشكره تدوم النعم

لما عقدت النية للسفر للرياض .. تذكرت اني قراءت في مكشات خبر الخط الجديد وا اقصد نفس هذا الموضوع
وبدأت البحث والاستفسار من هنا وهناك عن الخط وكان استفساري يصب على اكتمال المشروع و توفر المحطات والامان الخ

المهم توكلنا على الله مع العائلة وسلكنا طريق الخميس بيشة وصلنا المفرق وعبيت بنزين من محطة الوفاء ومسكت الخط
صباحا ..

الحمدلله الطريق نضيف مافيه زحمة لكن الواحد لازم ينتبه من الجمال لان مافيه حواجز تمنعها من دخول الطريق
..
مشكلة المحطات افضل شي انك تعبي من الوفاء لان بعدها قطعه مسافتها 250 كم الى اقرب محطة اعتقد اسمها العقيلية او العقيلة وبعدها ما عندك مشكلة كل مسافة فيه محطه وان كانت صغيرة
..

مافي امن طرق لكن الحمدلله امن وامان

اسف على الاطالة لكن حبيت اشاركم تجربتي في الطريق لولا موضوعكم ما عرفت عنه شي والشكر لله ثم لكم على هذا الطرح المبارك ان شاءالله


اضافة ان الطريق اصبح الخط الرسمي للرياض في حال رغبنا في السفر مرة ثانية

في امان الله

[zhmkht]

السلام عليكم
كيف اروح الباحة عن طريق هذا الخط الجديد

[الدراهم مراهم]

السلام عليكم
كيف اروح الباحة عن طريق هذا الخط الجديد

عن طريق الرياض الرين بيشة ومن بيشة الى جعبة ومن جعبة الى جرب ومن جرب الى العقيق ومن العقيق الى الباحة وفي طريق اخر من الباحة للرياض طريق الباحة الطائف مفرق تربة وابوراكة ومنها الى تربة ومن تربة للخرمة ومن الخرمة الى ظلم ومن ظلم الى الرياض

[zhmkht]

اشكرك اخي على الرد والافاده
كم تكون المسافه

[فياض الربيع]

سمعت انهم راح يبدون يشتغلون للمسار الاخر بيكون مسارين
لكن يبي له سنيين طويله مثل شغلهم الاول في المسار اللي انتهى

[فياض الربيع]

اشكرك اخي على الرد والافاده
كم تكون المسافه

890 كلم تقريبا من الرياض الى الباحه مع طريق الرين بيشه طلعت معي عن طريق قوقل ماب

[REXCO]

بيض الله وجيهكم على هذا الموضوع
قمتم بما لم تقوم به وزارة النقل من معلومات مهمة عن الطريق

تكلمتم عن الطريق ولكن عن الامان بعد الله لم احد يجيب طاري
هل صحيح مانسمع بوجود قطاع طرق
لان بعض الردود يقول لا تمشي الا معك خوي ؟؟
طيب اللي بيمشي معه عايلة ولايوجد معه لا رفيق ولا سلاح
الا متوكل على ربه ؟؟
فما صحة هذي الاقاويل .. نبي تجاربكم او ماسمعتم
ودمتم