منتجع مزرعة للبيع شمال الرياض

[ذيب الغداري]

السلام عليكم ورحمة الله وبركاته
مزرعة للبيع في مركز الدقلة طريق القصيم مخرج 8 ملهم بصك شرعي مساحتها الاجماليه 50000 الف خمسون الف متر
علي شارع واحد شرقي 50 متر وجميع الجيران من الناس المعروفين في الرياض
الواجهة الأمامية مسوره بطول 250 متر وارتفاع 4.5 وباقي الواجهات مسوره بشبك وشجر كارفس
وتبعد عن الرياض 60 كيلومتر
يوجد اثنين عداد كهربا واحد 200 امبير زراعي والثاني 300 امبير سكني.
يوجد عدد اثنين فله عظم مؤسسه بحلوق وكهرباء وسباكة والاسقف هوردي والجدران معزولة. واحده للرجال وتحتوي علي مجلس 16×8 وملقط 13×6 ومطبخ 7×7 واربع غرف نوم كبيره 6×6ماستر كل غرفه بحمام وغرفه صغيره 4×4 وحمام خارجي ويوجد اثنين حمام للضيوف وبلكونه مطله ع المزرعة فيو.. ونفس المواصفات وعدد الغرف الفله الثانية للنساء باختلاف بعض المساحات .
يوجد هنغار مقاس 20×40 مقفل من جميع الجهات بجدران معزولة ويوجد مسبح كبير 19×9 علي شكل كبد مع مسبح دائري للأطفال مع 3 حمامات وجلسات حول المسبح ومطبخ امريكي مع 2 فلاتر تركيب شركة ابن طالب
يوجد ملحق للرجال خارجيه بجوار البوابة الرئيسة مشطبه تشطيب لوكس عباره عن مجلس 6×10 وملقط 4×6 ودرت مياه بمغاسل ومطبخ مجهز بالكامل و2 غرفة نوم كل غرفه بحمام ومستودع
يوجد إنترنت أوربت
يوجد عدد 2 بير ماء عليها غطاسات مع عدد 2 خزان لتجميع الماء لكل بير مع 2 دفاعه ايطاليه 7.5 حصان
يوجد عدد 300نخله او اكثر منوعه من سكري- وخلاص- وبرحي- وانواع اخرا
يوجد عدد600 شجره منوعه من زيتون- وبرتقال- ويستفندي وليمون ابو زهيره -وليمون اصفر- وتين-ورمان- وترنج- وعنب- وعدد 200 شجره زينه مع 1800 متر مساحات خضراء مزروعة بثيل طبيعي وعدد 7 جلسات بين الاشجار والنخيل مجهزه بالكهرباء والكراسي ويوجد ممرات ومشايات بين النخيل منوره
ويوجد سكن عمال مكون من 3 غرف نوم وعدد 2 حمام ومطبخ مسلح تشطيب لوكس
يوجد فيها حيوانات وطيور مختلفة:
يوجد 60 من الماعز العارضيه
ويوجد 60 من الماعز مختلفة من سوريه- وجنوبيه- ويمنيه- وعمانية
ويوجد 100راس من الماعز الحري
يوجد 500 من الدجاج البلدي
يوجد 100 دجاج حبش
يوجد 6 انواع من الحمام كل نوع في شبك حمام فرنسي- وزاجل- وهندي- وبلدي- وبلجيكي- بعدد اجمالي حوالي 1000 حمامه تقريبا
يوجد ارانب مختلفة
يوجد حمام قميري- وأيظن طيور القطا البريه
يوجد شبك في طيور زينه منوعه
وايضا يوجد حيوانات بريه غزال النوبي البلدي- وغزال الريم البلدي- وغزال المها العربي الوضيحي- وغزال بلاك بك الهندي- والغزال الأوربي وكل نوع في محميه لوحده بأعداد مختلفة
ويوجد اسطبل خيل مع عربة حنطور
ويوجد محمية وبران- ونيص- وايظن طيور القهد
ويوجد مستودع للأعلاف مقاس 15×30
ويوجد بيت شعر مقاس 10×30 مع دورات مياه ومطبخ و 2 غرف نوم بركس في مكان مرتفع مطل على المزرعة
ويوجد بيت محمي مكيف 9×50 فيبر
ويوجد 80 عمود اناره لشوارع مرصوفه بلدوره وجاهزة للزفلته
ويوجد عدد2 بوابه خارجيه
ويوجد شبكة ري بالتنقيط على كامل المزرعة
ويوجد كاميرات مراقبه
ويوجد كلاب حراسه من نوع جرمن شبرد
ومازال اعمال التشطيب جاريه للفل والمسبح
السلام عليكم ورحمة الله وبركاته
ابوفهد
0553956666
0555842848
ولمزيد من الصور التواصل عبر الواتس أب

[ذيب الغداري]

[ابوفهد 575]

مشالله الله يبارك لكم بحلالكم

[ذيب الغداري]

ااامين
الله يجزاك خير يابوفهد

[مشرف الخيل]

ماشالله شي متعوب عليه والله يوفقكم بالبيعه الطيبه

[A . J . A]

أهداني غزالي ذكر وانتي قبل ﻻ تبيع قول تم

[ذيب الغداري]

أهداني غزالي ذكر وانتي قبل ﻻ تبيع قول تم

هههههههههه
انتي!!!!

جبلها الزبون وأبشر

[ذيب الغداري]

ماشالله شي متعوب عليه والله يوفقكم بالبيعه الطيبه

الله يبيض وجهك ويجزاك خير

[A . J . A]

هههههههههه
انتي!!!!

جبلها الزبون وأبشر

اقصد انثي معليش

بعدين مشاء الله تبارك الله من وين اعرف زبون معه فلوس يشتري هل زين

[ابورشيد]

ماشاء الله تبارك الله
اخوي ذيب هل سيمت وهل لكم حد فيها

[ذيب الغداري]

ماشاء الله تبارك الله
اخوي ذيب هل سيمت وهل لكم حد فيها

هلا ابو رشيد
سيمت بالجوال لكن ما نقلد بسومت المكالمه الا اللي بيشوفها
ولا لنا حد فيها
واللي بيشوفها باي وقت ما عنده مشكله

[بـلـيـهـان 1]

ما شاء الله تبارك الله - عسى الله يرزقك - مزرعه طيبه و جيده - بالتوفيق

[مساعد بن خالد]

كم سيمت بالجوال

[ذيب الغداري]

ما شاء الله تبارك الله - عسى الله يرزقك - مزرعه طيبه و جيده - بالتوفيق

اللهم اامين
وجزاك الله خير يالغالي

[ذيب الغداري]

كم سيمت بالجوال

سيمت ب 100 ريال للمتر
طبعاً هذي السومه عبر الجوال