للي عنده خبرة في الثعابين تفضلو ...صـــور..

[الهاجري 4800]

السلام عليكم ورحمة الله وبركاتة

اخواني الاعضاء

طلعت انا وولد خالي واخوي للبر ((النعيرية)) بالتحديد منطقة الساجي المهم وانا امشي داخل البر على نور السيارة شفت حية طولها تقريبا نص متر او اقل بشي بسيط

كانت معي الكاميرا

وصورتها الغريب في الامر ان وجهها يختلف عن الحيات ولا عرفت وش نوعها انا قلت يمكن زاروق او زراق تختلف المسميات وهي دخلت في الرمل تأكدت انها زاروق ولكن وجهها يالربع يختلف اترككم مع الصور




طبعا هنا راح يبين حجمها بالكامل


وهنا قربت من جلدها


وهنااااااااااااااااااااا وجهها الي استغربت منه



طبعا انا خليتها ولا ذبحتها قلت يمكن نادرة


واسسسسسسسسسسسف ترى ما عرفت اصغر الصور

[مكشات]

وعليكم السلام ورحمة الله وبركاته
حياك الله أخوي الهاجري
هذا الثعبان يسمى في منطقتنا ( الدّفّان )
وهو غير سام

[الهاجري 4800]

وعليكم السلام ورحمة الله وبركاته
حياك الله أخوي الهاجري
هذا الثعبان يسمى في منطقتنا ( الدّفّان )
وهو غير سام

منور اخوي مكشات ولاهنت على المعلومه

[برق المغيب]

أجابك اخي مكشات عن هذا الثعبان المسمى الدفان

[صباح الشمري]

وعليكم السلام ورحمة الله وبركاته
هلا ومرحبا بك
هذا نسميه بالكويت النادوس لانه يندس بالرمل
وتختلف المسميات وكلها تعبر حاله دخوله بالرمل
مثل ماذكر ألاخ انه اسمه الدفان والبعض يسميه الزاورق
واسمه العربي بواء الرمل وهو غير سام
لانه يقتل الفرائس بالعصر
مثل باقي اقرانه من فصيله البواء

[النمر]

بالنسبة ل الاخ صباح الشمري


النادوس يختلف عن بوا الرمل من حيث الشكل و الفصيلة

[صباح الشمري]

السلام عليكم ورحمة الله وبركاته
اخوي النمر
لم تبين ماوجه الاختلاف بينهم لكي اتاكد من خطئ
قبل كتابه ردي علي الموضوع راجعت كتاب الحياه الفطريه في دوله الكويت
وهو كتاب علمي
وكتبت ردي علي الموضوع لكي تكون المعلومه صحيحه ومتاكد منها
ولا اشتت القارئ

[الهاجري 4800]

بيض الله وجيهكم ومثل ما قلت لكم ما عندي شك انه نادوس او زاروق لكن وجهه غريب عموماااا شكرا للجمييييييييييع على المرور والمعلومات الطيبه

[حسـام]

أكيد ماقتلتها أعترف ؟؟

[الهاجري 4800]

أكيد ماقتلتها أعترف ؟؟

ههههههههههههههه لا قسم بالله ما قتلتها خليتها في حالها

[أبرق الحيراء]

اتوقع انها نوع من السحالي الى بدون ايادى وارجل تحياتى لك

[انا المنصري]

اتوقع انها نوع من السحالي الى بدون ايادى وارجل تحياتى لك

لا هذا الدفان eryx jaikary من فصيلة BOIDAE التي تنتمي للثعابين العاصرة

[الهاجري 4800]

اتوقع انها نوع من السحالي الى بدون ايادى وارجل تحياتى لك

كلامك وافق كلام واحد من الشباب يقول يعتقد انه من فصيلة السقنقور الي هو الدموسه او الداموس الي جوانبه خطوط سودا يقولون عنها حجه وهذي صورتة

[الهاجري 4800]

لو تلاحظون يا شباب نفس لون جسمة ونفس الوجه هل تعتقدون انه نوع من انواعها وليس ثعبان ؟؟؟

[النمر]

لو تلاحظون يا شباب نفس لون جسمة ونفس الوجه هل تعتقدون انه نوع من انواعها وليس ثعبان ؟؟؟

السنقور مختلف عن البوا الرمل العربية

و هذا المقطع بيفدك ل تقطع الشك الذي يرودك