الفزعه يالربع بالراي والتجربه
جيت أغير البواجي أكسبدشن 2005 وانكسر واحد من البواجي داخل المكينه
نوعية هالبواجي أول مره أشوفهن . يعني السنه انفكت وطلع البوجي برى لكن فيه جزء من البوجي طوله تقريبه 2 سنم بقى ناشب داخل المكينه حاول الميكانيكي وأنا موجود كل شي وقال مافيه حل الا نفك الراس قلت اصبر أبا أشوف
الموتر هالحين يشتغل بسبع بواجي بس
اللي مرت عليه هالحاله ياليت يفيدنا
ووش رايكم بفكة راس المكينه هل يطلع الراس بدون ما يفك باقي المكينه من الكراسي علما" أن الورشه راح يتحملون كل شي بس أنا متردد يمكن القى حل بدون فكة الراس مع العلم ان البوجي المكسور هو أبعد واحد من جهة اليمين يعني أقشر مكان
واحد من الأعضاء ذكر شي يسمى ( زرقينه ) هذا وين ألقاه ببريده أو اللي يعرف ورشه ببريده يمكن عندهم حل لا يبخل علينا واعذروني على الأطاله والله أن هالسالفه سببت لي قلق ونكدت علي اجازة الأسبوع لكن يالله الخيره