متى اغير اقمشه الاكسبلور

[2008اكسبلور]

ياشباب ابي اعرف متى اغير اقمشه اكسبلور وايش افضل الاقمشه وكم سعرها وكم قيمة شغل يده وسلامتكم يالربع

[ابوعمر1397]

المفروض تشيك عليها كل 30 الى 50 الف
واذا باقي فيها عمر فقط اخرط الهوبات اذا عندك رجه مع الفرامل
واعمل صنفرة للقماشات باستخدام الاوراق الرملية تبع البويات
يعرفونها الورش ورجعها مكانها
وعمرها حسب رجل السواق

انا عن نفسي تعيش معي حتى 100 الف بالنسبة لفورد واخرط واصنفر كل 50 الف

اذا حاب تشتري خذها من محلات التقوى وشغل اليد مع الخرط في حدود 150 ريال

وسعر القماشات
اصلي وكالة فورد الامامي 270 ريال والخلفي 230 ريال
كلها 500 ريال

ويمكن ارتفعت

[m3ax]

توي اليوم الصباح مغير قماشات امامية وخلفية

سعر القماشات من مركز العثيم 490 ريال امامية وخلفية (التقوى نفسه يمكن يزيد او ينقص 10 ريال)

شغل يد تركيب مع خرط هوبات 200 ريال

ملاحظة/ مشيت على السيارة بعد آخر مرة غيرت فيها قماشات حوالي 70 الف كيلو بس كان فيها صوت احتكاك مزعج من بعد ما غيرتها بحوالي اسبوع لين غيرتها اليوم

ويوم فكيتها اليوم بسبب الصوت المزعج لقيت باقي فيها اكثر من نص عمر ولا كانت محفوره ولا متشققه يعني لازالت بتخدم معي سنه ثانية لكني كنت متأذي من صوتها مع انه مو قوي مره لكنه يوجع القلب ويوم سألت راعي الورشة قال لي ان اللي انا كنت مركبها امريكي درجة ثانية (مع انها من محل الملحم وكيل فورد في الجبيل) وقال هالنوع يطلع صوت والزباين يشكون منه من اول شهر وقيمته اقل من الاصلي بمية ريال (يعني 390 ريال للجهتين)

خلاصة الموضوع اذا جيت تغير قماشات تأكد انه يعطيك امريكي درجة اولى مع العلم ان الوكالة غالية وبيعطونك اياه بسعر عالي حوالي 560 ريال

[2008اكسبلور]

ياخوان اشتريت من الوكاله توكيلات الجزيرة اقمشه وامامي وخلفي 561 ريال بس بعد المفاوضات

بس تغير الافمشه كلفني مع خرط الهوبات 240 ريال هل سعرها معقول ام لا؟

[ابوعمر1397]

ياخوان اشتريت من الوكاله توكيلات الجزيرة اقمشه وامامي وخلفي 561 ريال بس بعد المفاوضات

بس تغير الافمشه كلفني مع خرط الهوبات 240 ريال هل سعرها معقول ام لا؟

شوي غالي

انا اشتريتها يوم الاحد الماضي من محلات التقوى
بـ 445 ريال امامي وخلفي اصلي

وشغل اليد مع الخرط 170 ريال