حر مصاب بمرض البهق (( بالصور )) !!!!!

[خيال الصبحا]

السلام عليكم


كيف حالك أبو معيض
كالعادة مواضيع متميزة تشكر
عليها.وعندي صورة (ولو أنها
متأخره شوي)أعتقد أنها حول الي معك


أنت تخبرني مالي خبرة بالطيور
ولكن يوم شفت موضوعك ماقدرت
أرد لأن جهازي كانت به وعكة(رفسة
صحية)واليوم بعد ماتشافا حبيت اشارك
بهالصورة.
لا أطيل
وشكراً

[عاشق البسيتين]

يمكن يكون ياخوي يالمري من الجينات نفسها

[بطـــــاش]

سبــــحـــان الله الــحــمد الله

مشكووور على المعلومة الطيبة

والله يعطيك العافية......

[هـآوٍي]

عليكم السلام هلا فيك ياخو خيال الصبحا..
انا اقولك كيف تسو بالطير رح لواحد عنده بقر وخل البقر تلحس الطير وخاصه مكان البهق
تحيــآتـي

[كحيلان 11]

حتى الطيورررررررررررررررررررر ؟؟؟؟؟؟؟؟؟

[هـآوٍي]

ما ادرس بس هذا اللي انا اعرفه
تحيـآتـي

[المري]

مشكورين جميعا على الردود وبيض الله وجهيكم ..

[جرناس دبي]

السلام عليكم:
اولا:لا يوجد شيء اسمه بهق في الطير من وين جبتها يالمري !
من عرفة انا الصقاره ماعمري سمعت عن البهق في الطير لا من الأوليين ولامن كتب الصقاره وامراضها.
اثنين:لتعريف هذه حاله من الحالاة الفاشله الي تتعرض الها مزارع التهجين.بين الجير والحر.والطير الي في الصوره جيرحر 50/50 لاكن نسبة الجير الابيض ظاهره 56/100 في اللون.
وعن فرق اللون في الطيور الوحاشه المصيوده في البريه.أكثر عن95/100 من الطيور المهجنه الضايعه سوا عن أصحابها أوعن المزارع التهجين في العالم.بعض الدول منعة المزارع التهجين من الهاك .ألا في شبك.وباقي الفهم لك يافهيم.
اما عن الطيور(جرانيس البيوت) الفرق في لون الجلد هذا ناتج عن عدم الأهتمام بالطير في المقيض.لأن الطير في المقيض يحتاج لأشياء يجب توفرها في المقيض كما في البريه مثل التنوع في الأكل والفيتامينات....والخ.
وبسكم عن البدع وخلو الهاوين يتعلمون الصح.ولا تتبعون المثل (أربط صبعك وكل من ينعتك على دوا).
والسموحه .

[البحارى]

لا حول ولاقوة الا بالله

[العبرود 502]

السلام عليكم وشلونك يالمري عساك بخير ؟
بأسألك طال عمرك عندي طير كل ماغسل يطلع فيه ريشة بيضا فيه الحين ريشتين بيض في ضهره وش السبب؟
أخوك /الـــعبـــــــــرود 502

[عاشق دمعه]

الله يعطيك الصحه والعافيه وعقبال المزيد انشاء الله يالمري

[خيال الصبحا]

السلام عليكم:
اولا:لا يوجد شيء اسمه بهق في الطير من وين جبتها يالمري !
من عرفة انا الصقاره ماعمري سمعت عن البهق في الطير لا من الأوليين ولامن كتب الصقاره وامراضها.
.
.
.
.وباقي الفهم لك يافهيم.
.
.
.
وبسكم عن البدع وخلو الهاوين يتعلمون الصح.ولا تتبعون المثل (أربط صبعك وكل من ينعتك على دوا).
والسموحه .

وعليكم السلام

تاركين العرف لك يالغالي

إذا أبو معيض مايعرف أجل من الي يعرف

ومن قال ان مافيه مرض اسمه البهق..العلم لاجابه ابو معيض خذه


وشكرا على اسلوبك الي يدل على اخلاقك العالية


***
ويابو معيض
أنا أسف لاني انا الي رجعت الموضوع بعد ردي السابق والي نتج عنه رد جرناس دبي عليك بهذا الرد

[مرعب الخواطر]

لا لا مافيه الا العافيه ذا
وترى مايضره ابد .. خذها مني انا اخبر واعلم بهالامور


سلام

[عنـاد]

هلا بك يا خالي المري
بصورة عامة ومجملة :
اساس اللون في الريش عامة صبغة اسمها صبغة الكروموجين وهي تجي بعدة اشكال وكل شكل يعطي لون معين او خليط من الوان معينه ( مثلث - مربع - دائري - طولي)

ويقدر الواحد يتحكم بالالوان هذي اثناء فترة القرنسة (الغسيل - التبديل - القلش) بأنه يعطيها نوع معين من الحبوب مع العلف فيها صبغة عشان تمشي هالاصباغ مع الدم وتوصل للريش ( مثل ما نشوف الكتاكيت الملونة في سوق الحمام)
و الطيور اللي يصير فيها مثل البرص او البهق بسبب ضعف وصول الكروموجين للريشة ولها اسباب واجد :
1- التعرض للاشعاعات
2- التربية الداخلية (in preeding) لاجيال متعددة
3- الطفرات الوراثية ( اساس كل الصفات الجيدة والسيئة)
4- اصابات بامراض معينة وهي انوع متعددة ولكنها نادرة جدا
5- اصابات ومشاكل في الريشة نفسها والاوعية الدموية الخاصة بها او عين الريشة



هذا اللي اعرفه من خلال دراستي وبحثي في عموم الطيور ولكن ان شاء الله ابكثف البحث واحاول احصل على السبب في الصقور بس الله يرزقني بالوقت ان شاء الله واسويها .

تحياتي ...... عنـــــاد

[جرناس دبي]

السلام عليك:
خيال الصباح:محد أحسن عن حد.لا أنته ولا أنا و لا المري.لأن المعرفه في الطيور وأمراضها مثل البحر.
ولا أي شخص يقدر يقول أنا ومحد غيري لأنه مجال كبير.
المري وأنا كل واحد منا يقول الي يعرفه .سواء جته المعرفه عن طريج الخبره أوالدراسه أوالتعليم وممارسه.أوعن طريج شي مر عليه.
والمري أخ عزيز وغالي.
هيه مش سالفة حرب أنته تعلنها. هيه تصحيح للكلمه(بهق) والمري أنسان والأنسان خطاي.يمكن للواحد منا يخونه التعبير.ولأن هذي الظاهره مالها أسم بالعربي حب المري يسهلها عليكم.والله أعلم.
لأن هذه الظاهره اللون :ظهرة بعد عمليات التهجين.لم تكن موجوده في ماضي.ولا حتى كلمة (بهق).وأنته داق صدرك .طلعني غلطان بأثبات صريح.وأنا مستعد أعتذر وتسامح منكم.جدام جميع المشاركين في المنتدى.
وخل أخلاقي العاليه عنك أنته ما تعرفها.
وسموحه.