ما إسم الغطاء الحامي من تحت المكينة للسييرا

[مكشآتي للآخر]

السلام عليكم
إخوآني انا منكسر عندي الغطاء الي تحت المكينة الي يجيك تحت تحت السيور من تحت
الي يجيك مثلة في الاف جي المنيوم اعتقد

هو طبعآ بلآستك
انا افكر إركب لي واحد المنيوم إو حديد كآ إقوى من القديم يعني كا فكرة يعني
ومآدري - اذا تخالفوني او توافقوني لانه حامي الكارتير حق المكينة لاحظت انه حديد
لاكن ذا بلآستك على ماعتقد يحمي المكينة من الاوصاخ لاني ملاحظ انه المكينة تتوسخ بسرعة
إكثر من إول بوآجد
-- لذآلك ابيكم لاهنتم تعطوني الاسم حقها عشان اذا مالقيتها هنا لاسمح الله إطلبها من برآ


من اليوم تحت الموتر وإفك البرآغي حقت الحآمي - عشان بركب جديد
واستشآرة ض1

[علومك غانمه]

اذا قصدك الي يحمي السيارة من تحت هذي اسمها صاجة وتفصيلها سهل اقرب حداد ياخذ المقاسات ويركبها لك

[راعي الشاخوفه]

مثل ما قال اخوي صاجه تحمي المكينه وتحمي. الاديتر اكثر في الطعوس عشان اذا خبط،وجه الموتر بقوه ما ينشق الاديتر ورح لحداد ويفصل. لك في حدود300 ريال خذ لك 7 او8 ملي
موفق

[.أبوعبدالرحمن]

وعليكم السلام ورحمة الله وبركاته

الصاجة الحامية للمكينة

و أتمنى إنك تعطينا اسم السيارة و موديلها حتى يفيدونك الأخوان أكثر

[مكشآتي للآخر]

نوع السيارة جي أم سي سييرا 2010


فريت الوكالات ولا لقيت الا في إبهاء فقط وبعيدة جدا عني ورحت للكويت ولا حصلتهآ في القطع الغيآر
لذالك شكلي بركب لي حديد .. إو اللمنيوم ..تنفع ..? ولا خوفي تآثر بالحرارة

[ذيب زلفاوي]

اتوقع لازم يصير فيها فتحات تهويه والله اعلم

[باترول 4500]

اتوقع لازم يصير فيها فتحات تهويه والله اعلم

مثل ماقال ذيب زلفاوي لازم تحط فتحات تهويه ولا راح يحتمي الموتر

[ع. بن عمار]

وعليكم السﻻم
فيه العضو سعد القاسم مسوي نفس الصاجه اللي تقول عنها شف لو تبي تستفسر منه يفيدك

[مخ سعودي]

انا امس نزلت تحت موتري تاهو ولقيتها مكسوره من طرف لها واتوقع انها يوم غرزت والموتر بطنه قام يسحب في الارض وبوديها عند حق الفيابر عل وعسى يضبطها او بركب حقت Z71 ان ركبت

[رحال7]

متوفرة في الوكااااااله
أي وكاله ؟
اكتشفت أنها مكسورة وأنا أغير الزيت وبدلتها في الحال

[لبيد بن ربيعة]

وعليكم السلام ورحمة الله وبركاته
اسم القطعة سلمك الله هو: Skid Plate
وهي متوفرة في النت ولكن أسعارها غالية خاصة مع الشحن
وإليك بعض المواقع لبيعها:
http://www.andysautosport.com/skid_p...mc_sierra.html
http://www.autopartswarehouse.com/de...QE3751104.html
http://www.thepartsbin.com/sitemap/g...ate~parts.html
وهناك شخص في منتدى اجنبي فصل واحدة بطريقته الخاصة وإليك الرابط:
http://www.silveradosierra.com/exter...te-t10318.html
وفقك الله لكل خير ،،،

[مخ سعودي]

اخوي رحال بكم غيرتها يالغالي وغريبة مافكرت في حقت Z71 احسها تتحمل اكثر

[مكشآتي للآخر]

يعطيكم العافية جميـع ياشباب

بالنسبة للغالي الي يقول حقت z71 إقوى انا موتري z71 وإنكسرت .. طبعآ بسبت انه
ذاك اليوم مسافرين موترين انا والعآئلة وموتر الوالد غرز . وقلصته في الجمس انا ركبت موتر الوالد واخوي ركب موتري
واخوي متعود على السيارات الثقيلة مثل السوبر GMC المهم انه لاشاف له رفعة خفيفة كتم إم إمة
وقمز له قمزة وإنكسر الي تحت .. الي هو الحآمي
..
لأاكن مثل ماقالو الشباب الظاهر يبيلة فتحة تهوية بس الي قاهرني
يوم رحت الوكالة إشوفهم يتضاحكون يوم قلت لهم إطلبوها من أبهاء حسيت انه بياخذون تكلفة زيادة
او شي
عشان كذآ الظاهر اني بسوي تفصيل مثل الموضوع ..الله يجزاه خير الي عطانا الرآبط شكرآ لك يالغالي وبيض الله وجهك

[3zyiz]

لو تكرمتم ابي اسم الصاجة البلاستيك