من جرب راس المكينه الصيني علي البتارول

[متعب الجهني]

السلام عليكم ورحمة الله وبركته من جراب راس المكينه الصيني علي البتارول كبرتير

[صالح ابو وليد]

ركب اصلي بس لاتروح عليك المكينه وش لك بالتجاري

[متعب الجهني]

ان اسل الي ركبو الرس الصيني تحياتي لك

[العتيبي 88]

بالنسبه للراس الصيني ركبناه على باترول 93 كلبليتر ... وكديناه تقريبا ... سنه ولا شكينا منه ... وبعناه وكدوه ومدوه .. مافيه اي مشكله يمشي الحال الا اذا موترك يستأإأإأهل .. ونظيييف وانت وقد فلوسك

[أصيل حجآ زي]

يأخي الكريم :

يا متعب الجُهني .
أنت غآلي علينا لذلك ننصحك بقوة وحدة .
قآل الرسول الأعظم صلى اللهُ عليه وآله وصحبه وسلم :
""" ( الدين النصيحة ، قلنا : لمن يا رسول الله ؟ قال :
لله ، ولكتابه ، ولرسوله ، وللأئمة المسلمين وعامتهم ) """
رواه البخاري و مسلم .

فما يجوز لنا أن نغُشك ولا أي أنسآن في النصيحة .

لا تضحي وتخسر مآلك في شيء
حتى لو مدحوه لك .

بعض الأوقآت نمدح شيء وبعد مُدة يظهر عيوبُه .
حتى الأنسآن /// كثيرين تمدحهم وتحبهُ لاكن عند الشدآئد يبآن لك .
(( جزى الله الشدائد كل خير ** عرفت بها صديقي من عدوي ))

لا تزعل من الأخ اللي نصحك وقآل أشتر أصلي .
هو صآدق ينصحك لوجه الله .
ما نُريد منكم لا مدح ولا مذمة .
الصدق منجآة أوصى بها الصآدق المصدوق
رسول الله صلى اللهُ عليه وسلم .

أنا مع الشبآب 100000000000% .

نصيحتي :
في مثل هذي القطع المُهمة جدآ جدا .
لا تركب الا أصلي وكآلة حتى لو
بعشرة أضعآف التجآري أو التقليد الصيني .

وأنت شورك
برآسك تعرف خلآصك .

فيه أمور وقطع الوآحد ما يسآوم في أصليتها .
يعني لا يضحي بجودتها مهما كآن .

مثل :
أقمشة الفرآمل .
الأنوآر العآلية والوآطية .
قطع المُحرك .
قطع القير .
قطع الدفرنش .
وأقفآل البيبآن والشبآبيك للأمآن .

وغيرها أشتر اللي تبغى .


تصبح على ألف خير .
أنا أدري أنك مُترّدد ومُحتآر .
بس أشتر أصلي أفضل لك ولسيآرتك .

[أحمد محمد1429]

أنا ملركب صيني من سنه تقريبا وماشفت منه خلاف لا حراره ولا صوت بلوف لا كن السؤال كم شركه صينيه تصنعه ولو يحضرني إسم المستورد أو إسم الشركه لذكرته لك لا كن أبسال الشخص اللي أحضره لي وسوف ابلغ

[وجعين]

شف ونا اخوك لو السيارة تويوتا كان قلت لك لا تركب الا اصلي وكاله لان قطع تويوتا معروفة جودتها وخاصه قطع المحرك والدليل ان محركات (مكائن)تويوتا تعمر طويلا وتكاد تكون افضل شركة تصنع محركات سيارات اما شركة نيسان فيه قطع غيار تجاريه افضل من الوكاله من مقصات واذرعه وربلات خذ مثلا الاديتر الصيني اثبت جودته العاليه حيث ان مواصيره من الداخل اوسع من حق الوكاله الي سعره بأضاعف مضاعفه وموصيره ضيقة وكله سنه وتسكر مواصيرة انا مركبن لمكسيما اديتر صيني قيمته190 ريال له سنه والحمدلله افتكيت من الحراره بينما حق الوكاله 1200 !!!!

[ls1.5700]

اخوي معه باترول 95
ركب راس صيني بدون بلوف طبعاً قبل شهرين
قيمته 1800 ريال
لحد الأن ممتاز مافيه شي
بس مادري بالمستقبل هل يصمد ام لا
ونصيحه لوجه الله ياوصلت هالقيمه ركب أصــــــــــــــــــــــــــــــــــــــــــــــــ ـــــــــــــــــــلي احسن بكثير من التجاري

[الكشات وافى]

ان اسل الي ركبو الرس الصيني تحياتي لك

السلام عليكمــــ ...

أخى متعب ... دام انك مركب مركب ... ودام انك راح تدفع اجر الفك والتركيب

والشد نفسها ... زيد المبلغ شوى وريح مخك ولاتوسوس .. !!

أكو مثل هولندى أعتقد يقول ... (( البخيل يدفع مرتين )) !!!!!

محشوم عن البخل اخى متعب وكل من يقرأ الرد ...!!

[4*4]

اذكر شخص ميكانيكي اثنى عليه يقول انه ممتاز وله كم سنه مركبه لكم زبون ولارجع منهم احد يشكي منه
بالتوفيق

[صاروخ الغطغط]

هل هو بيصبير على الحراره مثل حق الوكاله وتراى الراس مهم مهو صطب او صدام تركب صيني هاذ راس يجيه حراره واتوقع مايطول في السياره على الاقل اشتر واحد اصلي لومن التشليح

[Bader-M]

انصحك به

لا يوجد فرق بينة وبين الاصلي وغير السعر الاصلي سعرة لا يقل 5000 ريال
والصيني من المستعمل
سوف يمعل معاك اكثر من ثلاث سنوات اذا كان الماء الرديتر خالي من الاملاح و كذلك وجود بلف الحرارة
الصناعة الصينة متطورة والدليل اي فون صناعة صينة واغلب الاجهزة الكهربائية .... الخ

موفق

[أصيل حجآ زي]

أكو مثل هولندى أعتقد يقول ... (( البخيل يدفع مرتين )) !!!!!

أخي / وآفي

بآرك الله فيك .
والله هذا المثل صحيح 10000% .

وحصل هذا لي أنا قبل 7 أشهُر :

كنت أبي أحفر حُفرة كبيرة بأسترآحتي في جدة
على شآن أبني فيها خزآن كبير جدآ .
11×4 × 4 .
11 طول
4 عرض
4 أرتفآع .
تعرف أزمآت الماء بجدة .
وقلت بنفسي لما أسوي هذا الخزآن الكبير جدآ .
أعبيه أيآم الشتى /// أيآم الرخى = يعني بالشتاء تكون ميآة التحلية متوفرة بسهولة .

الموقع صخري قوي مرتفع .
بحثت عن دقآق كبير أبو جنزير { بوكلين } .

أقل وآحد جآني يمني متبختر رآكب بنز وكآنهُ بل قيت { مليونير }
بصرآحة شكلُه وبخترتُه ما أعجبتني وكرهت أن يشتغل هذا عندي .
المُهم الرجُل بدون مُكآسرة { مُفآصلة } طلب 4000 ألف .

من غير أي تفآهُم معهُ قلت توكل على الله { يعني أنقلع }
يعني زي ما يقول أهلُ نجد : أقضب البآب .
وكآن البآب كبير جدآ 5 متر في 3 أرتفآع .

يعني زعلت ورديت عليه بأستهتآر .

بصرآحة كآنت ما بتكلف أكثر من 3 ألف .
لأني حفرت قبلها البيآرة وبمقآسآت كبيرة 4 × 6 × 4 .
بألفين وخمس مآئة 2500 .
وهي في حُفرة عميقة وأكثر قسآوة من محل الخزآن .

المُهم :
ما لك بالطويلة ولا بالقصيرة .

وقتها كُل الدقآقآت / البوكلينآت شغآلة في مشروع قطآر الحرمين .
لأني أتصلت باللي حفر لي البيآرة
وقآل لي والله مشغول ليل نهآر بمشروع قطآر الحرمين طآلبين دقآقآت حتى من المدينة .

قآل لي المقآول يعرف بآكستآني أبو غرآف عقرب يعي زي غرآف الشيول
بس لهُ عقرب بالخلف .
أتفقت معهُ بألفين .
حفر المحلات اللينة .
ولما جاء للقآسي / الصلب خآرت قوآه .
قآل المقآول أعرف رآعي دقآق بالهواء { كومبريشن }
قلنا جبُه .
جاء وبقينا نحوس وندوس أكثر من 15 يوم .
وأجرُه بالسآعة السآعة بخمسين
بين ثمآن 8 وعشر 10 سآعآت يوميآ.
أضف لهُ حوآلي 2000 للدقآق أبو عقرب .
وأضف لهُ مبآلغ كثيرة للغرآف الصغير البب كت .
وأضع معهُ بين عآملين وأربعة عُمآل حتى يبرحون موقع
ضربآت صيخ / خآبور / مسمآر الدقآق .
عآمل الدقآق يدُق الحجآرة / الصخور وعُمآلي ينظفون .
وكلفني حوآلي 13,000 ريآل ووالله أكثر وزيآدة .
لأني كنت أفطرهُم وأغديهُم وشآهي وبآرد .
يوميآ /// يعني فتحت لهُم عُزبة .
ما توقعت تصل لها الحسبة .

فدفعت ثلاثة أضعآف
اللي طلبُه الخُبرّة المُتبختر .

كآن من المفروض أوآفق .
وش عليه من تبخترُه ؟؟؟
وش يهمني تكبرُه ؟؟؟؟؟؟؟

فأعجبني مثلك هذا
وهو اللي وقعت به وزيآدة .

أنا أقول البخيل :
""" يدفع ثلاثة أضعآف وزيآدة """

أعآذنا الله وأيآكُم من البُخل
اللي حذرنا منهُ الرسول صلى اللهُ عليه وسلم .

ولأني أنقرصت في أمور كثيرة :
قــــُــلت لكُم في دروسي عن الفرآمل ///
لا تبخل على سيآرتك ولا أهلك { أهلك كُل أهل البيت وليس المرة فقط }
و لا على ضيفك ولا على من نصآك وهو يستحق بحق .

وأحذّر الكذآبين اللي يستغلون طيبة النآس .

[وجعين]

تبي الزبدة يارعي الموضوع انت تبي تشري قطعة المنيوم مانتب شاري قطعه كهربائيه مثل دينمو اوكتاوت او كويل او طرنبة بنزين عشان اوقولك خذ اصلي الاالمنيوم هو واحد بس حنا يا السعوديين الى هلحين ينصب علينا 5000 ريال تجيبلك مكينة كامله شف السوريين ماشاء الله عليهم اغلب قطع الغيار الاستهلاكيه يسوونه بلمخرطه .

[abo naser 1]

السلام عليكم

انا ماطاب موتري الى بعد تغيير برأس صيني وقبل ماخليت شي من مسحة با الاصح صنفرة وبعده خرط راس وبعدها تدبيل وجه والحرارة H ما ارتحت اللى بعد ماركبت رأس صيني استخدمت الموتر سنتين حرارة تحت الربع صيف شتاء والموتر صافي وبعده بعت الموتر بس ما ادري مثلاً لاسمح الله يجية حرارة من خرطوش او طبه اتوقع بيتأثر أسرع من الأصلي