15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
عندي مشكلة بالمكينة ياماها 140 ،، تشتغل صافية ولما اعشق تمشي بشويش واذا ازيد السرعة طوالي تطفي مع العلم اذا اعطيها ريس وهي واقفة عادي طبيعية
عملت تنظيف كبريتر عند ورشة محترمة ، مشى القارب بي مسافة 30 كيلو تقريبا ، ومن بعدها رجعت المشكلة ،، ما ادري من فين المشكلة ؟
مكشاتي نشيط
صارت معي نفس المشكلة ...
المكاين والقارب واقف صافية مافيها شي بس لما امشي وامحط تطفي المكينتين
المشكلة اما من البنزين او من الكهرباء
اختبر وصول البنزين للكربريتر كالتالي :
بعد ان يتوقف الماطور عن العمل مباشرة يبين معاك اذا نظرت لصفاية البنزين ووجدتها فارغة تعرف ان التانكي او الليات قبل الصفاية فيه مشكلة .. واذا الصفاية مليانة فك لي البنزين من جهة للكربريتر مباشرة وامسكه باتجاه البحر وامسك طرمبة البنزين اليدوية بيدك الثانية واضغط ... اذا طلع البنزين بشكل جيد يعني ان البنزين من التانكي مرورا بالصفاية مافيه مشكلة وتبقى عندك مشكلة الكربريتر يمكن جاه وسخ مرة ثانية بعد ما نظفته وسد المجاري والبلوف بداخله ( مع تنظيف الكربريترات يجب عمل غسيل لتانك البنزين )
واذا ما طلع البنزين معاك بشكل جيد انفخ بشكل عكسي بعد ان تفتح غطاء تانكي البنزين ... يعني انفخ من اللي ولكن من عند البلف الفاصل الي يشبك في المكينة افصل اللي من الفاصل وانفخ بالعكس اذا فيه وسخ في اللي راح تعرف لانه الهواء ما يخرج وهذا الي صار معايا بالظبط كنت انفخ ولكن بدون فايدة لين اعطيته نفخه قوية وفتح معايا ومشي القارب تمام وبعد فترة نفس المشكلة وتأكدت ان التانكي مليان وسخ بعدها وغسلته والحمد لله
واذا هذا كله تمام تجيك مشاكل الكهرباء الله يعينك في تحديد العطل لان لو كانت مكينتين كان تحديد المشكلة سهل اما مكينة وحدة يبغالها واحد خبرة مثل المهندس عبدالله
مكشاتي
طرمبة البنزين اليدوية شغالة تمام ، تم تنظيف الكبريتر مرتين وكل مرة تمشي تمام 20 - 30 كيلو وبعدها تطلع هاي المشكلة ولا تزبط الا بعد ما انظف الكبريتر
تانكي البنزين ما نضفته ، راح اغسل تانكي البنزين ، الكبريتر ما فيه حل بدون ما افكه كامل وانظفه ، صاحب الورشة يشور علي اني اغيره كامل بجديد .. هل فعلا يحتاج تغيير ؟
مكشاتي نشيط
ما اقصد ان طرمبة البنزين اليدوية تكون عطلانه ... القصد انك تختبر وصول البنزين للكربريتر هل هو جيد ام انه يقطع ...
وبما انك كررت العملية وتظبط معاك فترة ثم ترجع فالارجح ان التانكي وسخ يبغاله تنظيف
البلوف داخل الكربريتر احيانا تتلف مع كثرة الفك والتركيب وكذلك مجاري الهواء والبنزين داخل الكربريتر ويمكن يكون كلام صاحب الورشة صحيح لكن تاكد انه احيانا يكون عطل تافه وتصرف عليه مبالغ كبيرة واصحاب الورش ماهم حاطين من جيوبهم ما عندهم غير اشتري جديد ...
جرب تنظيف التانكي وتنظيف الكربريتر مرة اخرى وان شاء الله تنحل المشكلة
مكشاتي متقدم
اوافق كلام عقام الرايس في حكاية تنظيف التانكي
وعشان تقطع الشك باليقين ولا تغير كربريترات....نظف الكربريتر وخلي المكينه تسحب من جالون بنزين مباشره لا تعبي في التانكي وان زانت امورك بكذا يسلم الكربريتر وتحتاج تنظف التانكي وغير فلتر المكينه وركب فلتر خارجي والكربريتر لازم ينفك عشان تتأكد انه نظف...بالتوفيق
كلام مضبوط الله يوفقكم . وازيد عليه بالمره اختبار بسيط
فك عضمة الوقود من المحرك واكبس على الكورة لين تحجر
ثم اضغط على صمام العظمة ... وشوف الضغط كيف .. المفروض يكون قوي
اذا كان ضعيف ... فك الماسورة من العظمة .. وجرب اضغط على الكورة
المفروض مع كل ضغطة على الكورة يعطيك نقز قوي للوقود ... اذا كان ضعيف
عندك سدد او تنسيم او سخ ... تنظف التانكي وتغير الليات كلها .
اذا كان كل شيء مضبوط .... نتجه للطلمبة
ونفك الماسورة الخارجة منها الى الكربريتر ونعمل تدوير للمحرك ونشوف الدفع
المفروض يكون متواصل ..... اذا كان متقطع ومعاه هواء ... شيك على وجة الطلمبة
مابين القاعدة للمحرك والطلمبة نفسها .. اذا كان سليم .. على طول نغير رداخ الطلمبة
الداخلي ...
اذا كان كل شيء سليم ... نحدد مشكلتك في الكربريتر ... وخصوصا في الابر
مكشاتي
لقيت طلمبة البنزين راكبه بدون جلده .. غيرت الطلمبه وركبت جلده .. خرجت مسافه كان كل شي تمام .. فتره ورجعت المشكله وكأن المكينه مخنوقه ما تمشي الا شي بسيط . هل السبب من الكبريتر ام في احتمال شي ثاني قبل ما اغير الكبريترات ؟
مكشاتي
احترت المشكله من فين
مكشاتي نشيط
هل عندك مكينة او مكينتين ؟
اذا مكينتين عليك فقط بتبديل الليات الواصلة للماكينين تضع كل واحد مكان الاخر
اذا تعدل الوضع للمكينة العطلانة وخرب بالمكينة الثانية على طول بدل الليات مع البلف الموصل للمكينة والطرمبة اليدوية لان فيها تنسيم
اذا استمر الوضع كما هو راح تعرف ان المشكلة في الكربريترات او صفاية البنزين او الكهرباء وهذي يبغالها معاينة
تحياتي
مكشاتي متواصل
السلام عليكم
حصلت معي نفس المشكلة وثلاث مرات سويت تنظيف ونفس المشكلة من اعطي المكينة سبيد تطفي لذالك غيرت كربريترات والحمدلله الامورزينة الحين ولا في اي مشاكل
نحياتي
الان نحصر الخلل فيهاالمشاركة الأصلية كتبت بواسطة م/عبدالله
مكشاتي متواصل
السلام عليكم ما احترامي للجميع اضافه لعلها تجدي نفعا للجميع بين التانكي والطرمبه اليدويه غالبا
يركبوا فلتر عاينه لربما متسخ او يوجد ماء،،، في حاله اول ماتشغل المكينه وتنطلق شوي وتطفي او تضعف بشكل سريع تاكد من الفلتر الخارجي ان وجد ان وجد افصله وجعل لي البنزين من التانكي للطرمه اليدويه للمكينه دايركت وجرب ان زبطت لازم تغير الفلتر الخارجي ... مع تحياتي لكم بالتوفيق
مكشاتي
مشكورين للجميع على الافاده .. غيرت الكبريتر ونفس المشكله .. وركبت الكلبريتر لمكينه ثانيه وشغال تمام .. الليلت مع الطرمبه اليدويه مبدلهم وكمان الفلتر جديد .. وجبت تانكي ثاني ولكن ما انحلت ..اول ما اشغلها تكون خانقه سرعتها تقريبا اقل من خمسه ومع المشي احيانا تفتح واذا فتحت ما ترجع تختنق حتى اطفيها بوقت بالبحر وترجع نفس المشكله
مكشاتي متقدم
السلام عليكم
واعانك الله
تقول بدلت الكربريتر مع مكينه ثانيه ولا زانت ولا انتقلت المشكله صح ؟
هل بدلت البلوف معاها ولا بس الكربريتر ؟
البواجي ودي تكشف عليها وركز عالعدسه اذا فيها بلل زايد او كربون
اذا العدسات مبلوله والطرنبه جديده حسب مافهمت.. احتمال كبير تكون المشكلة من البلوف وعدسة البوجي توضحها
ولي عوده ان شاء الله
مكشاتي نشيط
من الصعب تحديد المشكلة بدون الوقوف على المكينة فنحن هنا جميعا نحاول وضع تجاربنا والخبراء مثل المهندس عبدالله والاخ وافي والباقين ممن شاركو افادو بما عندهم
ورغم ذلك يصعب تحديد المشكلة عن طريق النت ...
انت الان غيرت الكربريترات وغيرت الليات من عند التانكي يعني نص الاحتمالات شلناها ...
بعض الاحتمالات الواردة :
فيه ريش تجي تحت الكربريترات بين المكينة وبين الكربريترات : هذي ايضا لها دور كبير في صفاوة المكينة والحد من صرفية البنزين ولكن ما اعتقد ان لها علاقة باختناق المكينة لهذي الدرجة
البواجي ومجموعة الكهرباء : شيك على اسلاك البواجي و شغل المكينة على بوجي بوجي يعني تفصل جميع البواجي وتبعد كيبل الكويل عن البوجي حتى ما يلتمس وتبقي واحد موصول وتشغل وتشوف اداء المكينة وتطفي وتشوف البوجي الثاني وهكذا ..
الكويلات احيانا اذا كانت ضعيفة ما تلحق تعطي كهربا مع تزايد سرعة المكينة والي يصير ان الكربريتر يزيد بنزين وهواء والكويل ما يشتغل بنفس التزايد ويصير فيه تقطيع وربما تطفي المكينة
العقال والمنقنيت ( نفس مشكلة الكويلات ) ومرة كان عند واحد من الاصحاب مكاين 55 غسلها بديزل وصارت تسوي نفس مشكلتك لما يشد عليها تطفي والراجل تعب ومابقى شي الا غيره جديد ونفس المشكلة وفي الاخر طلع السبب ان الديزل داخل في المنقنيت من تحت ومسوي طراوة والطراوة والكهرب ماهم اصحاب كما نعلم جميعا ....
ليات البنزين ( النصف الي في المكينة ) : هذي ايضا تسبب تقطيع واقصد هنا الليات الي في المكينة قبل صفاية المكينة وبعدها وبين الكربريترات .. هذي اذا كان فيها تنسيم وكانت ماهي مقفلة تمام راح تؤدي الى نفس المشكلة وتقدر تفحصها بالضغط المستمر على طرمبة البنزين اليدوية وتشوف اذا الطرمبة صلبت او ما تزال تنسم ... اذا صلبت يعني الشغل تمام اما اذا تنسم باستمرار فهذا يدل ان فيه تنسيم وربما تشوف البنزين يخرج من احد الاماكن مع استمرار الضغط وتعرف انه هو السبب
هذي بعض الاسباب التي تسبب بشكل كبير في نفس مشكلتك وكما اخبرتك صعب نحصر المشكلة هنا على النت وصعب تروح تغير كل شي وتجرب وتشق جيوبك ولكن مشاركات من هنا وهناك عسا ان يكون فيها الفايدة
تحياتي
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس