خبراء الشراء عن طريق الأنترنت لقطع غيار فورد

[Rakan Al-Otib]

رائع أخوي وأنا شخصياً تعاملت مع مواقع خارجيه وأخرها قبل يومين

طلبت شبك أمامي للكسبلور لون أسود دينالي

مجرد ما أركبها أن شاء الله بعرض صورتها

[الحيران421]

مبروك مقدمآ وياليت تفيدنا بسعرة وكم المدة الي استغرقها للوصول والموقع

[الذيب التبوكي]

الله يعطيك العافيه أخوي/
شف الرابط هذا يمكن يفيدك
http://www.carpartswholesale.com/

[أبوخااااالد]

باشباب المواقع كثير وتستطيع فعلا الشراء من الخارج زي ماسمعت جارنا مايشتري الا من برا دايما بس لا تنسون رقم القطعه حتي ماتتعب ع الفاضي اغلب القطع يجي عليها رقم هذا اللي اعرفه والله الرخص بالخارج ذبحونا الوكلاء هنا ولا في رقابه ولا حياه لمن تنادي نتمني الجميع يفيدنا تقبلو مروري

[دايم كاشت]

فكره ممتازة بارك الله فيك

[طلال ينبع]

افضل مواقع ومازلت استخدمه هو الموقع هذا
http://www.fordparts.com/
طبعاً خاص بفورد وميركوري ولنكولن
ابعطيكم فكره سريعه عنه
الموقع هذا عباره عن مجموعه محلات تبيع قطع غيار خاص بالفورد
تم ربطهم جميعاً بالموقع هذا
طبعاص الكل يعرف ان طريقة الشحن الى السعوديه تكون عباره عن عنوان لك بامريكا عن طريق ارامكس او ورلدشيب
الحاصل عن تسجيلك بالموقع اللى اشرت اليه سابقا يعطيك اقرب محلات تبيع القطعه اللى تتبحث عنها وكذلك يبين لك الاسعار وبالعاده فرق السعر بينها مهو كبير , واحلا شي انه مستحيلا ما تحصل قطعتك اللى تبحث عنها
الميزه الثانيه انه يعرض لك تفاصيل القطعه برسم بياني مثل اللى بالوكاله والرسم هذا ماهو صورة وبس هو عبار عن برنامج تضغط على صورة القطعه اللى تبيها وراح يبين لك سعرها واسمها
طبعاً كل هذا يبين لك فقط لا سجلت بالموقع وتحط بيانات سيارتك اللى هو رقم الهيكل ليسهل عليك البحث
طبعاً احيان احصل قطعه سعرها غالي وابحث في موقع ايباي واحصله ارخص بالاخير ترجع على العرض اللى مسويه المحل
اتمنى ردي كان واضح واي استفسار انا مستعد

[أبو شهاب 1]

ياشباب ياليت اذا ممكن تشوفون سعر ثلاجة المكيف الاماميه كم قيمتها في الخارج

اكسبلورر 2010

لان هنا صراحه غاليه وعلى ماعرفت انها من مشاكل الاكسبلورر باستمرار تخرب

[جمره]

جزاك الله كل خير

[بريق الحسام]

طلال ينبع شكرا لك على التوضيح لإخوانك في هذا المنتدى العملاق تحياتي..

[d-max2011]

واصلو يا شباب متابعين معكم بقووووه

[احلا خال]

بصراحه موشوع مهم وشيق ويهمنا اصحاب الفورد لكن لو يكون تنظيم ووحد يكون ثقه يفيد ويستفيد افضل من استغلال الوكالة

[shelboo21231]

أنا بفض الله من المجربين لشراء القطع من الخارج ولا أنسى طرمبة الموية هنا ب 650 ريال وشاريها من برى من أمازون ب 180 ريال مع الشحن !!

[alhthli]

السلام عليكم ورحمة الله وبركاته

يا اخوان بعد الامطار والبردي الي نزل تكسرت عندي (مسطرة القزاز بجميع الابواب) وهي الجلدة الي فيها الرقم السري للباب
رحت الوكالة وقال لي بـ 940 ريال حقت السواق فقط والابواب الاخرى كل واحد بـ 400 ريال

قلت اشتري من برى البلد يمكن ارخص لي

السيارة فورد اكسبيدشن XLT 2009
ارجو منكم المساعدة ,,,,,,,,,,,وشكرا لكم

[ll qnas ll]

عندكم هالموقع اللي حطة الذيب التبوكي جزاة الله خير وياكم رهيب ..

http://www.carpartswholesale.com/

أدخل يجيك مربع في اليسار دخل ماركة السيارة ونوعها وموديلها وبعدها بتجيك هالصفحة أنظر الصورة إختار اللي بالمربع الأحمر هي قطع الغيار وأسعااار رهيبة :



.. تحياتي

[alhthli]

لم اجد مسطرة القزاز في الموقع