صور رحلتي إلى صلاله ..

[بوعبدالعزيز]

السلام عليكم ورحمة الله ..

هلا وغلا بكم اخواني وحياكم الله ..
هذي بعض الصور صورتها في صلاله ( عمان ) ..
سبحان الله طبيعه عجيبه جدا درجة الحراره 22 والشمس ماتشوفها من الغيوم ..

تبعد صلاله عن قطر 2000 كيلو متر وزياده اشوي .. يعني من قطر الى مسقط حوالي 1100 ومن مسقط الى صلاله 1000 وزياده اشوي ..

هنا في طريقنا لصلاله بين جبال عمان ..


منظر الجبال عجيب ..


بعد قطع نصف المسافه تقريبا بقى لنا حول 1161 كيلو متر ..


منظر جميل على الطريق ..


غروب الشمس من خلف الجبال ..


بعد قطع الألف كيلو متر الثانية وقربنا من صلاله نزلت درجة الحراره بسرعه واخذ الرذاذ بنزل بسرعه وانعدمت الرؤية ..


سبحان الله بدأت الخضره والاشجار واضحه وتغيرت البيئه من صحراء قاحلة الى مروج خضراء .


الربيع على مد البصر ..





يتبع .....

[بوعبدالعزيز]

اشجار كثيفة ..


وتوجد مياه في الاوديه وبحيرات صغسره ..


وهناك اهتمام كبير من البلديات والسياح بنظافة الاماكن والاهتمام بها .. وهذا الشئ يزيد الاماكن جمالا ايضاً .


يعني البيئه عندهم اوكي












وهذا الفطر البري ..




يتبع ......

[بوعبدالعزيز]

ذهبنا الى شاطئ المغســيل حيث النواقير والامواج العاليه ..






بحر العرب الذي يطل على المحيط الهندي ..


امواج عالية وصخور شامخه ..


وياتي كثير هنا من السياح لمشاهدة النوافير والامواج ..


هذي النوافير يخرج منها الماء من شدة الامواج ولها صوت قوي سبحان الله ..




يتبع ....

[بوعبدالعزيز]

بعض شجر البان ..


الجو على المرتفعات رهيب وخيالي ..


ذهبنا الى ساحل طاقه وكان جميل جدا ومرتفع عن سطح البحر ..






نظرة تأمل ..


رحنا البر وفورنا حليب الخلفات ..


وطبعا الغدا احلى شئ بالبر والربيع ..


رحنا السوق الشعبي في صلاله ..





يتبع ....

[بوعبدالعزيز]

اشجار جوز الهند كثيره بثمارها ..


حصاد جوز الهند ..


وانواع الرطب ..


المظبي لحم الجدي والغنم على طول الطريق يباع وطازج ..


اتمنى ان تعجبكم الصور ..

[يوسف نت]

تسلم والله بو عبد العزيز
تقرير رائع بصور اكثر روعة عن هذه الرحلة الربيعية لصلالة
اشكرك اخي على المجهود الكبير الذي بذلته في سبيل اطلاع اخوانك هنا
على جمال طبيعة هذه الولاية

[عبد العزيز العجاجي]

مشكورررررر وبيض اللة وجهك على الصور الجميلة ويعطيك الف عافية

ملا حظة الي في الصورة التاسعة هن الي في الصحن

[مسافر1]

أخي ابا عبد العزيز ..
بارك الله فيك وفي مسعاك ..
حقيقة الرحلة لتك الديار لها طعم ورونق خاص ..
صور في غاية الروعة ..
لك كل تقدير وشكر .

[أبوسرحان]

بوعبدالعزيز
لاهنت صور طيبة جدا جدا
بس عسى الرحلة كانت موفقة

[FAHAMAN]

الله الله وش ذا الزين

[جربوع داعس]

مشكور اخوي بو عبدالعزيز على الصور اللي اكثر من رائعه
كفيت ووفيت ماشاءالله عليك في تصويرك لكل المناظر الجميله
بس بصراحه احلى صوره عجبتني صوره الكبسه يمي يمي بالعوافي اخوي بو عبدالعزيز
وزياده معلومه لاخواني ان صلاله مساحتها صغيره جدا بحكم ان الدائري فيها مايتعدى 10 كيلو متر بالضبط
والمناظر اللي صورها اخوي موجوده بالمناطق اللي قريبه من صلاله اما صلاله لايوجد فيها الاالمزارع ومنها جوز الهند اللي واضح عندكم بالصوره والسكن والمطاعم الصغيره لكن مناظر المناطق اللي قريبه منها جميله جدا ورائعه وجوها معتدل جدا يعني مايحتاج تاخذ ملابس كم طويل نص كوم درجه الحراره فيها 23-28 مع رطوبه خفيفه نسبيا بحكم قربها من البحر

[الصمان]

ما اقول الا مشكور على الصور ولاهنت بردت على قلوبنا وذكرتنا بأيام الربيع والمطر
ما قصرت

[فل اوبشن]

ماقصرت ابو عبدالعزيز لاحظة في احد الصور صورة حجل مثل الحجل اللي بالغربيه والجنوب الصوره الثامنه اعتقد..
بصراحه صور شامله للرحله كأننا معكم
مشكور وجزاك الله خير ..

[صاحب الجيب]

وعليكم السلام ورحمة الله وبركاته

أولاً الحمد لله على السلامه أخوي بو عبدالعزيز
ومشكور وما قصرت على الصور الإبداعيه والحقيقة شوقتنا لها أكثر وأكثر

بس عندي استفسار أخوي
هل يوجد خرائط سياحيه لمساعدة السياح أم لا ؟؟؟

[بوعبدالعزيز]

هلا وغلا بكم والله وتسلمون على مروركم الكريم وماقصرتوا ..
واشكركم ع الاضافه لمدينة صلاله هي فعلا ليست كبيره ..
نعم صورت طائر الحجل ويوجد بكثره ولكن كان التصوير بسرعه ..

تحياتي لكم ..