شاصي التويوتا ولا شاصي النسيان باترول

[التعـ King ـديل]

كنق التعديل يا ساتر وش كل هالتمديح يعني عشان عندك فتك وش اللش الشاص مابه دفلك ؟

به دفلك امامي وخلفي بعد وبه ونش وهذا شئ مو موجود بالنيسان

ان كانك راعي كرف وتحميل لا تعدى التايوتا وان كانك تبي موتر حوض بس خذ نيسان وارفق عليه

انا اتكلم عن ارخص شاص تويوتا ادري انه يجي دفلك بس اغلى من اللي ذكرت وانا اتكلم عن الشاص النيسان من واقع تجربه لنفس السياره على مكينه 4500 موديل 2004 كويتي كمواصفات وشكل واتكلم من تجربه مكينه الفتك 4800 من واقع الفتكات اللي كانت عندي ومازلت استخدم الفتك لحد اليوم

[أحمد الدهمشي]

بإختصار وسبقني بها بعض الإخوان
إذا شغلك تحميل تويوتا لان الفرق كبير جدا بقدرة التحميل لصالح التويوتا
إذا السالفة طربة وتحميل خفيف النيسان افضل
قوة مكينة وعزم وراحة وسعر ارخص ورساوة
واشور عليك بالهايلكس غمارة دبل سعرها 75 الف تقريبا شفها يمكن تعجبك وتوفر
وموفق خير ان شاء الله.

[ls1.5700]

اضم صوتي لكنك التعديل
شاص النيسان افضل من ناحية الراحه وارخص واقوى000 ((محرك الفتك الجبار ))
التايوت رافعين سعره مادري على ايش ؟؟
توكل على الله وشتر شاص النيسان ولا تندم ابد

[Bader-M]

بنسبة لي افضل النيسان

[((ابوملاك))]

انا اتكلم عن ارخص شاص تويوتا ادري انه يجي دفلك بس اغلى من اللي ذكرت وانا اتكلم عن الشاص النيسان من واقع تجربه لنفس السياره على مكينه 4500 موديل 2004 كويتي كمواصفات وشكل واتكلم من تجربه مكينه الفتك 4800 من واقع الفتكات اللي كانت عندي ومازلت استخدم الفتك لحد اليوم

يا اخي لا تناظر لاعلى سعر البريمي شف للسعودي اللي هو ارخص سعر راجع الوكاله وشف كم سعره

[sgl2002]

والله اشوف شاص النيسان الجديد بدا ينتشر واجد

[بحر الاشواق]

انا اقول الحق على شاص النيسان دام سعره في متناول اليد
لاني اتوقع بعد سنه او سنتين يبي يطير سعره فوق ويصير له ماصار للجمس سيرا

[المنيعي1]

انا أفضل الشاص الباترول

[saldoba]

هذا فيديو المقارنه يمكن يفيدك

تسارع كروزر بيك أب 2012 مع نيسان باترول بيك أب 2012 محرك فتك:
http://youtu.be/ERkAmjZUrOg via @youtube

[راعي المقانيص]

شاص التويوتا راحت عليه ياغالي من بعد ماصارت الدعسه كهرب والمكينة 4000
شاص التويوتا كان زماااااااااااااااااااااان
الحين ضمه مع سيارات جراند تايقر والثاني ضيعت اسمه اللي يشبه الهايلكس
اذا حملته طاح عزمه وبالنفود حتى ماتقدر تقومه بالثاني ماهو مثل الاول 4500 الله يذكره بالخير
الحين الاتجاه راح للنيسان والعيسى يبيعه 120 الف وكلها دفلوك وثلاجه وبالمعارض ارخص يمكن بـ 5000 ريال
وانا طرحت لك اقتراحي ووجهة نظري بعيد عن التعصب بين تويوتا ونيسان وازيدك من الشعر بيت لاني من ملاك شاص التويوتا ولا شاص النيسان
طحت بالهايلكس الدبل ولا يمكن ابعد عنه لانه معطيني كل مطالبي

[راكب الشفر]

شاص نيسان وبس يكفيك فيه ثلاجة ومكينة جبارة

[((ابوملاك))]

هذا فيديو المقارنه يمكن يفيدك

تسارع كروزر بيك أب 2012 مع نيسان باترول بيك أب 2012 محرك فتك:
http://youtu.be/ERkAmjZUrOg via @youtube

ياخي هذا الفيديو معروف دعايه لوكالة المسعود ركز يقول وارد المسعودي وبالبدايه الشعار حقهم ويقول الله يا وارد المسعود ويمدح بالمسعود ماقال الله يالنيسان

وركز اللي يسوق الشاص لا وصل الطلعه وخر رجله عن البنزين وربي واااااااضح ومصلعه يعني خبل ما يصدقه

[((ابوملاك))]

شاص نيسان وبس يكفيك فيه ثلاجة ومكينة جبارة

شاص وربع 2013 فيه ثلاجه

[التعـ King ـديل]

يا اخي لا تناظر لاعلى سعر البريمي شف للسعودي اللي هو ارخص سعر راجع الوكاله وشف كم سعره

انا لمن اقارن بين سيارتين اقارن باافضل المواصفات وانا قارنت بين الشاص التويوتا خليجي والنيسان خليجي اما المواصفات السعوديه ماعندك احد

[ابونبيل]

التايوتا على الاقل لو لو ماعجبك تبيعه بربح وتطق نيسان وتخلي الباقي بجيبك