شاصي التويوتا ولا شاصي النسيان باترول

[أبو تميم 506]

استفسرت من واحد جرب الثنين و يطلع للدهناء واجد ويمعر الموتر ساعتين ثلاث يقول ان تويوتا مع المشي الطويل و الحنه يسخن ولازم توقفه لين يبرد بخلاف النيسان وفالسحب النيسان افضل . ومثل ما قال احد الاخوان ان التيوتا خذه فالتحميل و انحش عنه فالراحه اما النسيان بشيل اغراضك و مريح والتويوتا يتميز انها متماسك النيسان موب مثله فالتماسك وصراحة لو خيرت بينهم باخذ نيسان هذا وجهة نظري واستخر قبل كل شي

[Hdad]

ههههههههههه استغرب من الي يقولون النيسان ما يتحمل

ياعاام النيسان قوي وصلب ومكينته لا يعلۍ عليها ياراعي التايوتا ماعندك الۍ نقص فالزيت وتوضيب السياره كل بعد فتره
والنيسان اشرطلك بعد 500 الف ما ينقص زيته ولا نقطه
التايوتا فاشل بكل المقاييس وجميع اشكال التايوتا سواء شاص او صالون

نيساااااااان وبس رساوه قوه فالرمال راحه

[ابونبيل]

ههههههههههه استغرب من الي يقولون النيسان ما يتحمل

ياعاام النيسان قوي وصلب ومكينته لا يعلۍ عليها ياراعي التايوتا ماعندك الۍ نقص فالزيت وتوضيب السياره كل بعد فتره
والنيسان اشرطلك بعد 500 الف ما ينقص زيته ولا نقطه
التايوتا فاشل بكل المقاييس وجميع اشكال التايوتا سواء شاص او صالون

نيساااااااان وبس رساوه قوه فالرمال راحه

صدقني لو حلفت ماصدقناك

تعلم شلون تقنع الناس بكلامك
اذا كان النيسان ناجح ليش لازم يكون الايوتا فاشل.!

تقدر تقول افضل الاسلوب هذا مايقبله العاقل اذا سمعه من الي يستشيره اتمنا انك استفدت

[fate]

اللي.يبي.يشتري.شاص.النيسان.يشتري.معه.1-طرمبة.بنزين.2-كتاوتات.3-حساس.هواء.وبلاوي.مايعلم.بها.الا.ربك
اما.الاشهب.عطي.الكريم.سبحانه.دق.سلفه.وتوكل.ع.الله. لاخرابات.ولايقطع.بخويه.
وفي.النهاية.(يدلك.ع.الخيل.اثمانها)

[جرح نجد]

اخوي الفرق بين الشاص التويوتا والشاص النيسان كالتالي :

الشاص التويوتا:

المكينة قوتها 4000 سي سي والموتر غير راسي مع المنعطفات الحادة لأن شاصه طويل القصير من ناحية الجوانب أي متقارب ولكنه يتميز بقوة البدي تماسكه يعني ما يتفكك ولا يتهربد ويوجد فيه ونش ودفلك امامي وخلفي وهذي الميزة القليل من سيارات الدفع الرباعي البي كاب التي تمتلكها ودرايش تماتيك والداخلية بيج مع تخشيبة حلو وأيرباقين للسواق والراكب وفيه مشلكة الهواء من الأبواب و الشاص يوجد فيه تانكيين والله وانا اخوك قصة إن المكينة ضعيفة او قوية انا ماجربت السيارة ولكن واحد من الجماعة كان يقول لي طلع فيه بالرملة وكان شاص 2010 على نزلت الشاص الراسين وكان الموتر ثقيل وفرق بينه وبين قوة مكينة 4500 واما تحميل الموتر فهو فوق الممتاز لأنه ستت وهذي الشى اللي ماتغير في الشاص الجديد عن القديم


الشاص النيسان:

المكينة قوتها 4800 أي إنها مكينة الفتك المعروفة وعلى كلام بعض الأصحاب أنها لم تتغير من عام 2002 إلى يومك وعليك اخوي أخذ بعين الإعتبار بمشاكل الفتك من حساسات وكهرباء واللي يعرفونها أصحاب الفتك ولكن الشاص النيسان أو بشكل عام تتميز سيارات النيسان بضخمة في حجم الدفرنسات يعني الدبل فوق الممتاز ولايقارن بدبل التويوتا وايضا القير قوي جدا يتحمل الترهيم من مكاين مختلفة وهذا الشى معروف وهذا شئ تتفوق فيه النيسان على التويوتا و داخلية الشاص النيسان الجديد نفس الداخلية القديمة للشاص النيسان لم تتغير ويوجد فيه ثلاجه و مرايا كهرباء و الشاص النيسان أريح من الشاص التويوتا لانه يايات ولكن في التحميل لا يقارن بشاص التويوتا وأما مشكلة البدي من هربده وتفكك فهذا شكل جديد من البدي للشاص وهو جديد بالسوق يعني لانحكم عليه من سنة أو سنتين وأنا أتمنى أن الشركة تخلصوا من هذي المشكلة المزعجة في سيارات النيسان بشكل عام

وأخوي أنت ورغبتك ونفسك وماتهوى وأنا ذكرت اللي أعرف عن الشاص النيسان والشاص التويوتا من مميزات والمشاكل المعروفة عن السيارتين

اخوك : جرح نجد

[وجعين]

صدقني لو حلفت ماصدقناك

تعلم شلون تقنع الناس بكلامك
اذا كان النيسان ناجح ليش لازم يكون الايوتا فاشل.!

تقدر تقول افضل الاسلوب هذا مايقبله العاقل اذا سمعه من الي يستشيره اتمنا انك استفدت

رد مناسب على الاخ حلوة لوحلفت ماصدقناك ياشين التعصب انا سيارتي كله نيسان وعندي قناعة حسب السيارت الي مرت على يعني اتكلم عن تجربه مافية اي مقارنه بين محركات النيسان ومحركات التويوتا ولو مكاين النيسان به خير ما رهموا للباترولات مكاين فكسار ولكزس وكابرس ولو الددسن به خير مارهمو له مكاين سدرك وهلكسات قديمه مكاين الفتك سمعة على الفاضي 4800 فقط رقم والتويوتا4500 واقوى برمل واسرع بلخط ولاخرابات ولا شي دق سلف وتوكل على الله

[التعـ King ـديل]

رد مناسب على الاخ حلوة لوحلفت ماصدقناك ياشين التعصب انا سيارتي كله نيسان وعندي قناعة حسب السيارت الي مرت على يعني اتكلم عن تجربه مافية اي مقارنه بين محركات النيسان ومحركات التويوتا ولو مكاين النيسان به خير ما رهموا للباترولات مكاين فكسار ولكزس وكابرس ولو الددسن به خير مارهمو له مكاين سدرك وهلكسات قديمه مكاين الفتك سمعة على الفاضي 4800 فقط رقم والتويوتا4500 واقوى برمل واسرع بلخط ولاخرابات ولا شي دق سلف وتوكل على الله

انا بحط كلامك كله بكفه بما انك متعصب وكلمه مكينه 4800 بس بكفه ثانيه ،، اتمنى انك جربتها قبل تقول انها رقم

انا مره كنت جالس مع احد المسؤولين بوكاله نيسان في الامارات وقالي كلمه حنا في شركه نيسان نعطيك ثلاث اشياء رئيسيه

محرك جبار ،، قير قوي ،، دفرنشات قويه

اما الاشياء الاخرى مثل ديكورات وغيرها نعطيك المهم واللي تحتاجه انت كسائق سياره واذا تبي ديكورات اوفر وفخمه زايده عن الحاجه تلاقيها عند غيرنا

وانا وجهه نظري ان كلامه صح والنيسان مستحيل تلاقي فيه شي ناقص ولا يخدم المالك انا ماراح ارد على تعصبك واقولك التويوتا فيه رغم اني مجرب سيارات من تويوتا كمالك وليس مستخدم مؤقت او كلام مجالس ،، ومازالت قناعتي ان افضل سياره في تويوتا لحد الان هي البرادو من 2009 وتحت فخامه وتماسك وقوه

[وجعين]

نعم جربته على كلامك كا مستخدم واليس كمالك وطاعست اللين شبعت بلفتك اول شي تقوم حرارته مع الشخف ثانيا ما يقوى روحه بالثاني ويطفي لازم تعطيه الاول قوته بلخط وخاصة لاغليته بالثاني اما مراقي خرطي جربت الربع والشاص ما يطفى ابد بثاني ولا يردى عزمه هذي تجربتي بكل صراحة ونا افضل الباترول لاراحته وزين مركبه لاكن مكينه لاتهرج ابد خربات وعزم خايس اكرة التعصب لفريق او سياره وارجوا ان تكون كنق في اجابتك ..تحياتي

[sgl2002]

نعم جربته على كلامك كا مستخدم واليس كمالك وطاعست اللين شبعت بلفتك اول شي تقوم حرارته مع الشخف ثانيا ما يقوى روحه بالثاني ويطفي لازم تعطيه الاول قوته بلخط وخاصة لاغليته بالثاني اما مراقي خرطي جربت الربع والشاص ما يطفى ابد بثاني ولا يردى عزمه هذي تجربتي بكل صراحة ونا افضل الباترول لاراحته وزين مركبه لاكن مكينه لاتهرج ابد خربات وعزم خايس اكرة التعصب لفريق او سياره وارجوا ان تكون كنق في اجابتك ..تحياتي

طيب ياخوك

انا بقول لك كلام مجرّب ومعروف


من مشاكل التويوتا :

1- تنقيص الزيت ، عندك اهل الجكسارات اسئلة كم ينقص مع الخط الطويل

2- جلد بلوف بعد 300 الف كيلو

3- مسمار الثلاجه في المحرك الجديد

4- تخبيط المحرك الجديد بسرعه ولاتحمل الجور

5- نظام التعليق الفاشل في اللاند والشاص والربع وثقل الوزن

6- الرساوة معدومة ودبله ضعيف ولاتقدم تحكم قوة الدبل الا بالرباضه والسحب واي عامل احتكاك قوي
7- تهريب الصوف حقت الدبل والقير
8- دينمو الدبل في مديلات 2008 وفوق
9- الهربده
10- ضعف الكلتش
١١- الدودة وكذلك الكارونة

من مشاكل النيسان الفتك وال4500

1- نظام تبريده اقل جوده من نظام تبريد التويوتا ( ممكن الاثنين ترتفع حرارتها بالنفود وبدون تنسيم وبالظهر بعز القيض لكن النيسان بيحتر قبل التويوتا )

2- الفتك مشاكل كهربائية بس اكثرها تتلخص في الكتاوت

3- جنزير الدبل

4- الهربده زيه زي التويوتا

5- القير التماتيك ومشكلة مبرّد زيت القير اللي باي وقت ممكن يختلط بماء الرديتر ويحوس القير

6- مسمار الثلاجة وتم حل المشكلة من مديلات 2007 وفوق

7- الرجه مع المطبات



طبعا انا ذكرت العيوب فقط من تجربة وليس كلام يقولون


وكل من السيارتين لها مميزات بذكرها بالرد اللي بعده

[sgl2002]

مميزات التويوتا :

١- نظام تبريد يعجبني تصميمه ومايحتر بسرعه

٢- قوة عزم المحرك ٤٥٠٠ القديم وقلة التعقيد فيه

٣- ثقل وزنه قد تكون ميزه في بعض الاحوال

٤- جودة التوصيلات والا سلاك فيه

٥- الشكل والسمعه لصالحه

٦- موتر شغّل وامش


النيسان :

١- دفرنس قوي وقير ودبل
٢- نظام تعليق اعجز عن وصفه بالروعه خصوصا مع الردميات والمنحنيات و و الى اخره
٣- خفة الوزن وتقدر تحكم عليها بالنفود
٤- مايعرف تهريب الزيوت
٥- مريح
٦- التقنيات فيه دائما متقدمة
٧- قوة المكينه وهي مكاين اذا سلمت من الحرارة فممكن تمشي المليون ماتنقص ولا تنفك
٨- مكيف ثلج

وفي النهاية الموترين انا اشوف انهم مكملين بعض والدليل انتشارها العجيب بكل مكان

تشوف بالبر ماتلف بعينك يمين والا يسار الا وتشوف باترول ولاند مع بعض لانه مواتر اعتمادية بالدرجه الاولى حتى وهي خربانه تمشي

[خالد030]

السلام عليكم لولا اختلاف الآراء لبارت السلع انت احرص على خدمات مابعد البيع وانا استغرب اللي يقول ٢٠١٠ مكينته ضعيفه ������ وقارن بين القطع للسيارتين والله يكتب لك الخير

[ابوسند9]

رد مناسب على الاخ حلوة لوحلفت ماصدقناك ياشين التعصب انا سيارتي كله نيسان وعندي قناعة حسب السيارت الي مرت على يعني اتكلم عن تجربه مافية اي مقارنه بين محركات النيسان ومحركات التويوتا ولو مكاين النيسان به خير ما رهموا للباترولات مكاين فكسار ولكزس وكابرس ولو الددسن به خير مارهمو له مكاين سدرك وهلكسات قديمه مكاين الفتك سمعة على الفاضي 4800 فقط رقم والتويوتا4500 واقوى برمل واسرع بلخط ولاخرابات ولا شي دق سلف وتوكل على الله

اخوي وجعين
اتمنى منك وبكل امانه انك تمر ورشة ابو خالد الخضير والهبيش وتسئله ايش اكثر شي يوظب سيارات تويوتا او نيسان وويش الموديلات وكم ماشيه السيارات الموظبه
وابغاك اذا تعرف صاحب تشليح تسئله بكم سعر مكائن تويوتا كا الجيب والكامري والهيلوكس والاريون والكورلا وباقي سيارات تويوتا
وكذالك تسئل بكم سعر دفرنسات وقيور سيارات تايوتا وحبذا من موديلات 2008 وطالع
وبا المقابل نفس الشي لسيارات نيسان

[رملان]

الاخ صاحب الموضوع ان كان جاد في طلب الاستشارة فانتم قلبتوا راسه
الاخ كنق التعديل بالنسبة للسعر اليوم في معارض النسيم
الليث الابيض 2012 باترول بك اب ثلاجة دفلك خلفي السعر 114000
الذيب الاشهب 2012 شاص الفطيم رفرف ونش دفلك امامي خلفي 138000
الفروقات :
الباترول ثلاجة حطيت ماء 330 مل اخذت اربع
الشاص كروزر يفرق الرفرف لون رمادي, الجنوط المنيوم, دفلك امامي,
ونش, طرمبة بنزين مستقلة لكل تانكي. هذا يرفع السعر مافيه شي بلاش
رايي الشخصي :
كلهن ممتازات لاكن الشاص التايوتا مكينته مهي من مستواه وخطأ اعتمادها له من الاساس .
والباترول رغم التغيير الكلي الا ان الديكور الداخلي حق صالون 98
والصندوق غير متناسق مع الغمارة فيه بروز مشوه الوقفة.

[الخلاوي 9]

وياراع الموضوع عطوك الزبده تبي موتر متماسك تتحمل عليه وصصبور مايطلب واجد خذ الشاص وانا مع ضد الي يقول المكينة الجديده ضعيفه انا الي شفته وحكمت ان الجديده انشط صراحه وهاديه وماتصرف زيت + بنزين مالها صوت وعيبها الوحيد مسمار الثلاجه ومايطيح الا من الدعسس وحرق الموتر واذا تبي تدعس وتححرقه فك مسمار الثلاجه وسسو زي ماتبي .. وترا ان فكيت مسمار الثلاجه انسى انها تخبط عليك او يصير بها شي لان على كلام راعي ورشه يقول اكثر الشاصات الجدد طبعا سبب تخبيطها سقوط مسمار الثلاجه .. فققطط

..

وان كانك تبي موتر مريح نشيط خفيف خذ الشاص النيسان بسس يبيلك تداريه ترا مايتحمل الدعسس والجور علييه ..
وخل معك علبت كتاوت فالدرج لانها من احد العيوب بالكهرب .. ومشكلة مسمار الثلاجه حلتها الشركه من 2007 وفوق

وفالاخخير الامر راجعلك ~
وبالتوفيق ان شاء الله "

[FAHAD1000]

ماازيد على كلام الاخوان

لكن فيه تعصب وانحيازيه من كلا الطرفين
شاص نيسان قوة وراحة
شاص تيوتا تحميل

اذا على التحميل الجمس HD2500 يشيل الشاص وحمولته وارخص من الشاص

خذ شااص نيسان وتوكل على الله قبل لا يطير سووقه