السلام عليكم ورحمة الله
هطلت على منطقة القصيم عموما وعنيزة خصوصا امطار غزيره ولله الحمد
ومن الصباح كانت ديمه خفيفه وبعد الظهر هطلت امطار متواصله الى المغرب ولا تزال السماء ملبده بالغيوم
[c]
1-
2-
3-
4-
5-
[/c]
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم ورحمة الله
هطلت على منطقة القصيم عموما وعنيزة خصوصا امطار غزيره ولله الحمد
ومن الصباح كانت ديمه خفيفه وبعد الظهر هطلت امطار متواصله الى المغرب ولا تزال السماء ملبده بالغيوم
[c]
1-
2-
3-
4-
5-
[/c]
أمممم آآآآآه ياعيوني والله ياراعي الغضا ..
هيضتني ياشيخ .. شي حضارة سادت ثم ...............
ترى إن ما رحت لهالغضى والغدير وسويت عليه دلة مهيلة وبراد شاهي وقعدت تشرب وتقول اللهم اجعل ثوابه واجره لبوتركي ترى الوجه من الوجه برتقالي ..
إلا هذي هي كمرتك الجديدة ؟؟؟ تكفى لا تقول إيه ..
عشت يابوحمد وياجعل عمرك طويل ..
يا جعلك تسلم وتدوم يا خال
وابشر بسعدك الحين اروح حدر غضاة اشرب تتن واقول عسا اثمه لابوتركي
والكاميرا ما غيرها كرييتف الخسته ما تشوف التصوير لك عليه
الله يعطيك العافيه يارعي عنيزه!!!
وش حنا من غيرك!!!
بارك الله فيك والله يعطيك العافيه على هالصور الي توسع الصدر!!!
والحقيقه اتحفتنا بمشاركاتك وصورك الرائعه !!!
اخوك الحر
11/10/1423هـ
الله يعطيك العافية يابوحمد على هذي الصور
هيضتن ازور المصفر والخبيبة والغميس وصعافيق
بس ما باليد حيلة
محلي بعيد
الله ينفع به العباد والبلاد
بيض الله وجهك ياراعي عنيزه على هالصور اللي توسع الصدر ....
نسأل الله ان يطرح البركه في هالامطار ويجعلها خير على المسلمين ..
وجزاك الله خير
سنجار10
يعطيك اللة الف عافية (ياراعي عنيزة).......... الحمد للة الحقيقة شي يشرح الصدر
لكن وين موقع هالمطار بالظبط من القصيم
[gl]وتكفى زودنا دائماّ في مثل العلوم الزينة[/gl]
[shdw]جزاك اللة عنا كل خير[/shdw]
أخوك العازمي
أخـــــــــ العازمي ــــــــوكم
الـــهـــــــــــــــــــــــــــــــيلا
اولا : الله ينفع بة العباد و البلاد 0
ثانياَ : ماشا الله خير الله يونسك بالعافية على الاخبار الي توسع الخاطر 0
ثالثاَ : نبيك تزودنا اول باول عن عنيزة و امطارها 0
و الاهم :
انشاء الله عن قريب و حنا عندكم بالديرة من اجل التمتع بالجو و العشب اللي توسع الصدر و مرة ثانية مشكور و الله يرحم و الديك و عزا الله ان هالكمرة حللت قيمتها0
اخوك
عضو جديد / الخادم
عسى الله ان ينفع به العباد ويحل فيه بالبركه.
الحر
يا علك سالم يا بعدهم كلهم ومشكور على هذا الرد الجميل
ابوسليمان
مهما بعد مكانك يمديك تطمر خميس وجمعه تكشت وتبرد خاطرك ونتشرف بشوفتك
سنجار
الله يحييك ياخوي واللهم امين
العازمي
حياك الله ياخوي وابشرك المطر عام لجميع القصيم والصور مأخوذه من المصفر - عنيزة
الخادم
ابشر بسعدك ولكم علي الكاميرا ما تنزل من الجيب
المري
اللهم امين
ألف شكر يا راعي عنيزه والله يجعلها امطار خير ويصرف عنا كل شر وأن يجعلها عامه للمسلمين ،.. وأن يكتبلك أجرك ولك جزيل الشكر والإمتنان ............................
ما كل ما يتمنى المرء يدركه
تجري الرياح بما لاتشتهي السفن
باترول
جزاك الله خير وحياك الله ياخوي
والله يديمها من نعمه هالامطار علينا وعليكم
اخوي راعي عنيزه
ابيك توصفلي هالطعوس اللي عندكم بعنيزه
وكم تبعد
لاني واحد قالي في اماكن حلوه وفله تبعد عن عنيزه 25 كيلو
ما ودي اطول عليك
تحياتي
[MARQ=right]المكروف[/MARQ]
الذين يشاهدون الموضوع الآن: 1 (0 من الأعضاء و 1 زائر)