صور امطار اليوم السبت على عنيزة

[راعي عنيزة]

السلام عليكم ورحمة الله

هطلت على منطقة القصيم عموما وعنيزة خصوصا امطار غزيره ولله الحمد
ومن الصباح كانت ديمه خفيفه وبعد الظهر هطلت امطار متواصله الى المغرب ولا تزال السماء ملبده بالغيوم

[c]
1-

2-

3-

4-

5-
[/c]

[السمح]

أمممم آآآآآه ياعيوني والله ياراعي الغضا ..
هيضتني ياشيخ .. شي حضارة سادت ثم ...............
ترى إن ما رحت لهالغضى والغدير وسويت عليه دلة مهيلة وبراد شاهي وقعدت تشرب وتقول اللهم اجعل ثوابه واجره لبوتركي ترى الوجه من الوجه برتقالي ..
إلا هذي هي كمرتك الجديدة ؟؟؟ تكفى لا تقول إيه ..
عشت يابوحمد وياجعل عمرك طويل ..

[راعي عنيزة]

يا جعلك تسلم وتدوم يا خال

وابشر بسعدك الحين اروح حدر غضاة اشرب تتن واقول عسا اثمه لابوتركي
والكاميرا ما غيرها كرييتف الخسته ما تشوف التصوير لك عليه

[((( الحر)))]

الله يعطيك العافيه يارعي عنيزه!!!

وش حنا من غيرك!!!

بارك الله فيك والله يعطيك العافيه على هالصور الي توسع الصدر!!!

والحقيقه اتحفتنا بمشاركاتك وصورك الرائعه !!!

اخوك الحر
11/10/1423هـ

[Abu-Sulaiman]

الله يعطيك العافية يابوحمد على هذي الصور
هيضتن ازور المصفر والخبيبة والغميس وصعافيق
بس ما باليد حيلة
محلي بعيد
الله ينفع به العباد والبلاد

[سنجار10]

بيض الله وجهك ياراعي عنيزه على هالصور اللي توسع الصدر ....

نسأل الله ان يطرح البركه في هالامطار ويجعلها خير على المسلمين ..

وجزاك الله خير



سنجار10

[العازمي]

يعطيك اللة الف عافية (ياراعي عنيزة).......... الحمد للة الحقيقة شي يشرح الصدر
لكن وين موقع هالمطار بالظبط من القصيم
[gl]وتكفى زودنا دائماّ في مثل العلوم الزينة[/gl]
[shdw]جزاك اللة عنا كل خير[/shdw]


أخوك العازمي

[الخادم]

اولا : الله ينفع بة العباد و البلاد 0
ثانياَ : ماشا الله خير الله يونسك بالعافية على الاخبار الي توسع الخاطر 0
ثالثاَ : نبيك تزودنا اول باول عن عنيزة و امطارها 0
و الاهم :
انشاء الله عن قريب و حنا عندكم بالديرة من اجل التمتع بالجو و العشب اللي توسع الصدر و مرة ثانية مشكور و الله يرحم و الديك و عزا الله ان هالكمرة حللت قيمتها0
اخوك
عضو جديد / الخادم

[المري]

عسى الله ان ينفع به العباد ويحل فيه بالبركه.

[راعي عنيزة]

الحر
يا علك سالم يا بعدهم كلهم ومشكور على هذا الرد الجميل


ابوسليمان
مهما بعد مكانك يمديك تطمر خميس وجمعه تكشت وتبرد خاطرك ونتشرف بشوفتك


سنجار
الله يحييك ياخوي واللهم امين


العازمي
حياك الله ياخوي وابشرك المطر عام لجميع القصيم والصور مأخوذه من المصفر - عنيزة



الخادم
ابشر بسعدك ولكم علي الكاميرا ما تنزل من الجيب


المري
اللهم امين

[باترول 99]

ألف شكر يا راعي عنيزه والله يجعلها امطار خير ويصرف عنا كل شر وأن يجعلها عامه للمسلمين ،.. وأن يكتبلك أجرك ولك جزيل الشكر والإمتنان ............................

[راعي عنيزة]

باترول
جزاك الله خير وحياك الله ياخوي

[Makrof]

والله يديمها من نعمه هالامطار علينا وعليكم

اخوي راعي عنيزه

ابيك توصفلي هالطعوس اللي عندكم بعنيزه
وكم تبعد
لاني واحد قالي في اماكن حلوه وفله تبعد عن عنيزه 25 كيلو
ما ودي اطول عليك
تحياتي