ادخل اسئل وحنا نجاوب(بخصوص البنادق الهوائية)

[عاشق النحم]

.

السلام عليكم ورحمة الله وبركاته

أخوائي اعضاء مكشات لا يخفاكم مدى اهمية السلاح الهوائي للبواردي في صيد الطيور الصغيرة(الدخل,الصفار.القميري,,,,الخ)

وكثر في الآونة الاخيرة في المنتدي االسؤال عن مواضيع تتعلق بالاسلحة الهوائية وغالبا ماتتكرر ولا يستفاد منها

بالشكل المطلوب,لذلك قررنا جمع الاسئلة هنا لتكون مرجع لاعضاء وزوار الموقع

فمن لديه اي سؤال او استفسار يضعه في هذا الموضوع

وتتم الاجابة عليه ,

واي سؤال او استفسارخارج هذا الموضوع سيتم حذفه

واي سؤال في الخيمة يتعلق بهذا الموضوع سيتم حذف الموضوع ونقل السؤال

الى هذه الصفحة

والله الموفق,,,مشرف الخيمة

.

[عاشق النحم]

السلام عليكم ورحمة الله وبركاته
قررت اشتري سكتون ام صتمة هوائي يا اخواني فوجدت ام صتمة
ماركة ديانا 27 و ديانا 35 واسباني 80 و 85 وما أدري يا جماعة خير
وش اشتري اتمنى منكم تزويدي بمواصفاتها وهل فيها ضامن وما هو الأفضل الذي تنصحون به
بارك الله فيكم
أخوكم ذيـــــــبــــــــ الديــــــــار

[عاشق النحم]

بالنسبة للطيور الصغار(الدخل.الصعو .البزابيز)هذي تصلح له الـ27الديانا أو الفايروخ وانا افضل الفايروخ

أما الطيور الكبار(القميري.الخواضير.الصفار)هذي تصلح له ال80
وال80ديانا أفضل واقل خرابات من الـ85

بالنسبة للـ35 الاسباني الاسباني بشكل عام خفيف وحليل بس خراباته اكثر من الديانا والفايروخ
ووزنيته لك عليها

وهذا رابط ممكن يفيدك بالنسبة للمواصفات,,,


بمناسبة دخول موسم الدخل والقميري ,,اليكم أمهات صتمة

[كبريت]

بسم الله الرحمن الرحيم
في الاول يا ذيب الديار علمنا وش هو صيدك علشان نفيدك بالنسبة لـ الضمان كلها عليها ضمان

اذا كان صيدك للدخل والخواضير فا 27 و35 حلوة

اما اذا كان قميري وصفار فعليك بالـ 80

اما انا فاللي عندي 80 اسبانية حلوة ورخيصة وخفيفة بس ما تجي عند الديانا الدينا مشالله تتميز بالدقة في الاول والاخير هي المانيه الديانا

والله يكتبلكك اللي فيه الخير

[كبريت]

اعذرني ياعاشق النحم لاني رديت على الموضوع لكن ماشفت ردك

العذر والسموحة

[بواردي الدلم]

السلام عليكم بالنسبه للساكتون حبه كبيره وشرايكم فيها وهل يمكن تغير السبطانه من صغير الى كبير

[عاشق النحم]

هلا بك اخوي ابو محمد لا ماصار الا الخير حنا واحد


هلا وغلا اخوي بواردي الدلم لا لايمكن تحويلها من4.5 الى 5.5 الا في الموديلات التالية

45 / 35 / 36 / 80 /85



(تعديل عاشق النحم)

[متفائل]

السلام عليكم

انا مبتدي مالي في الاسلحه بس لقيت واحد الماني 80 مكتوب عليه Hwm ؟؟؟

وش يصير هذا وهل هو حليو ؟

وله سنتين ماتحرك

[عاشق النحم]

حياك الله يبو اسامة

وش يصير هذا وهل هو حليو ؟

هذي فايروخ 80
مهب حليو الا حلوين للقميري والصفار والخواظير

وله سنتين ماتحرك

مافهمت قصدك.

[متفائل]

عاشق النحم ماشاء الله عليك رد سريع الله يجزاك خير

اقصد يعني لم يستخدم من سنتين مغبر يضره كذا لا وبعد العيار الي يجي في اقصى الانبوبه منكسر كم تتوقع سعر العيار ؟؟؟ وين احصله ؟؟

وعلى طاري لم تفهم عندي سؤال :

هل هو سهله وزنيته مع الطريقه ؟
وهل ينفع معه دربيل لو بغيت اركب له ولا مايسوى مداه قريب250 متر ؟؟؟؟


<< الشوف شجر

[الرهدن]

السلام عليكم /

هل يصلح الدربيل على السكتون وماهو المناسب وماهو اسمه


.

[عاشق النحم]

هلا بك من جديد اخوي ابو اسامة

لم يستخدم من سنتين مغبر يضره كذا

شي طبيعي يضره أو على الاقل يعير رمية لان السسته يصير بمجراها غبار

لا وبعد العيار الي يجي في اقصى الانبوبه منكسر كم تتوقع سعر العيار ؟؟؟ وين احصله ؟؟

سعره الي قدام 70 والي ورا 90 وتحصله عند الرميح الي قبال ملعب الملز او الي بطريق التخصصي

هل هو سهله وزنيته مع الطريقه ؟
وهل ينفع معه دربيل لو بغيت اركب له ولا مايسوى مداه قريب250 متر ؟؟؟؟

نعم وزنيته سهله جدا وهي غالبا على2/2.5/3/3.5 حطه براس الابره وجرب

أما الدربيل انت ابخص ووزنيته ليزر عند الرميح بعشرين ريال بس انا مااستفدت من الدربيل واجد

[عاشق النحم]

هلا بك اخوي الرهدن

والله هو يصلح بس يبي يغثك

المناسب انه مايقرب بالحيل عشان تصير الرؤيه عند واضحة وبعدين يعتمد على البندق الي عندك

فيه من احسن انواع الدرابيل(لام صتمه)وانا مجربه اسمه ديانا (سعرة بـ70 ريال) بس ازعجن وفكيته

[متفائل]

عاشق النحم الله يعطيك العافيه

مشكور على النصايح الي قلتها وعلى اجابتك الواضحه لي كمبتديء
تسلم لي

[عاشق النحم]

هلابك اخوي ابو اسامة
لاشكر على واجب