مقناص السودان السنه فاشل فاشل ... لا تتوهقون يالربع

[صياد الوعل]

حقيقه ان كثير من اخوانا السودانيين خاصة المقيمين بالسعوديه يم نعلمهم بالمشاكل و سوء التعامل الا نواجهه بالسودان يتعحبون و يستغربون و لكن هذه الحقيقه و لا تحجب الشمس بغربال و شخصيا اذهب للسودان من عشرين سنه و لكن السنتين الاخيره تعاملهم جدا سيء و كأن الامر مرتب ام عم الخراب و الدين النصيحه و الساكت عن الحق شيطان اخرس و الله نسأل السلامه

[قنوص السودان]

يالربع نستو المخلصين السرقان اول ما تصل ياخذ منك دراهم اضعاف مضاعفه و من الميناء عشان يعرف ان معك دراهم او ردك دربك و تبلش لو عطيته سرقك و لو ما عطيته ردوك دربك و ياخذ دراهمك و يالله خلك وراه يخلص عشرين موتر و انت طايحن بالميناء الى مغرب و كل شيء عنده و ماله و يوعدك تطلع صيد و هات فريزر و لاب توب هديه و كل ما دخل على مسؤول قال هات 500 ريال و هات 100 عشان الدمغه و هات و هات و الله يا المخلصين بالسودان انهم يفقعون الكبد و تذاكر الباخره يضاعفها اضعاف و لو واحدهم قال بروح طايره يا ويله يدفع بالدولار لا قبل و طبعا نظامهم لازم لك مخلص مثل الكفيل عندنا يعني من يشتكي من كفيله السعودي اقول له شف كفلانا عندكم و احكم الفرق

[علوم و سلوم]

و بعض القوانيص يستاهلون حرقهم حراق و بعلمكم ويش سوات بعضهم و بسبب سوء التعامل كانت ردة فعلهم و الجهل له دور
1- ياخذون معهم 400 حمامه و يسجلون دخول 400 طير و يطرحون وكاره و يخرجونها من السودان و يبيعونها !!!
2- يكون معهم فريزرات و يحطون فوقها حطب و تكون مليانه ظباء و يبيعون الظبي 1000 ريال و بعض الحملات معها فريزرين و بها اكثر من 300 ظبي , و السؤال قنوص معهم دينا ما يصير واضحه
3- قوانيص يذبحون مئات الصيد و يقددونها و يطلعونها بخياش عيان بيان !!!
4- ياخذون تصريح طيور و يدهنون سير العسكري و يصيدون ظباء و ارانب .
5- قوانيص يدعون انهم سياح و يطلعون البر يم واحدن يعرفونه و يذبحون صيد و يكون عليهم سحت وحرام !!! و للاسف بعضهم يكون ملتزم
6- قوانيص يذبحون المعزا رغم ان التيوس متوفره و يذبحون فوق حاجتهم وهذا اسراف و تبذير لا يجوز
7- قوانيص يدفنون سلاح بشعبان و اوديه بمواصير او لساتك مع شحم و لا اطلعو الخلا عارفين مكانها و يصيدون بها ...
8- قوانيص يبيعون الذخيره الزايده بالسوق السوداء و هذا مخالف للنظام .
9- و الاكثريه العظمى يتركون مكانهم وسخ و قذر دون اي مبالاه او تفكير بما يسببه من اضرار للحيوانات و يفترض جمع النفايات و دفنها او حرقها .
10- الصيد بالليل و هذا مخالف للتصريح و خطوره كبيره ببلد يغلي امنيا .

و غيره كثير و لا نؤيدهم و نقول غلطانين غلطانين .........